បន្ទាប់ពីការការបែកធ្លាយអស់ពេលជាច្រើនសប្តាហ៌មក នៅពេលនេះ ក្រុមហ៊ុន reamle បានប្រកាសចេញជាផ្លូវការនូវកាលបរិច្ឆេតនៃការសម្ពោធជាផ្លូវការទៅលើស្មាតហ្វូន reamle 12 Pro series ហើយ។ ក្រុមហ៊ុននេះបានបញ្ជាក់ថា ស្មាតហ្វូននេះ នឹងមានការសម្ពោធជាផ្លូវការនៅលើទីផ្សារសកលនាថ្ងៃទី 29 ខែមករាខាងមុខនេះហើយ។ ជាមួយនិងរូបភាពផ្សព្វផ្សាយខាងលើនេះ បានបង្ហាញថា reamle 12 Pro+ នឹងមានការប្រើប្រាស់នូវឡែន periscope telephoto camera បន្ថែមពីនេះ ក្រុមហ៊ុននេះ ក៏មានការបញ្ជាក់ថា reamle 12 Pro series ក៏នឹងមានការប្រើប្រាស់សិនស័រកាមេរ៉ា Sony IMX890 50-megapixel ផងដែរ។
សូមជំរាបថា របាយការណ៌កន្លងមកធ្លាប់មានការបង្ហាញថា reamle 12 Pro និង 12 Pro+ គឺនឹងមានការប្រើប្រាស់នូវកាមេរ៉ាដូចគ្នាទៅលើ 8-Megapixel Sony IMX355 ultra-wide lens។ ខណៈដែលម៉ូដែល 12 Pro នឹងមានការប្រើប្រាស់នូវការមេរ៉ា 32-Megapixel telephoto ហ៊្សូមបាន 2x optical zoom ខណៈដែល Pro+ នឹងមានការប្រើឡែន OmniVision OV64B periscope telephoto ហ៊្សូមបាន 3x optical zoom។ បន្ថែមពីនេះនៅលើ 12 Pro+ ក៏នឹងមានការទ្រទ្រង់ជាមួយនូវមុខងារហ៊្សូម 6x lossless zoom និង 120x digital zoom ផងដែរ។ សម្រាប់កាមេរ៉ាសែលហ្វីនៅលើ 12 Pro នឹងមានទំហំ 16-Megapixel។ រីឯ 12 Pro+ នឹងមានទំហំ 32-Megapixel។
realme 12 Pro និង 12 Pro+ គឹនឹងមានការបំពាក់នូវបន្ទះឈីប Snapdragon 6 Gen 1 និង Snapdragon 7s Gen 2 ហើយសម្រាប់ថាមពលថ្មនៅលើស្មាតហ្វូនទាំងពីរនេះ គឺមានទំហំ 5,000mAh 67W fast charging ដូចគ្នា។ នៅលើទីផ្សារសកលស្មាតហ្វូននេះ នឹងមានរ៉េមទំហំ 12GB និងអង្គចងចាំទំហំ 256GB។
realme 12 Pro ទាំងពីរនេះ គឺមានអេក្រងទំហំ 6.7-អ៊ីង មានគែមកោង កញ្ចក់ AMOLED display បង្ហាញចេញបានកម្រិត FHD+ resolution ល្បឿន 120Hz refresh rate។ ស្មាតហ្វូនទាំងពីរនេះដំណើរការនៅលើ Realme UI 5 ផ្អែកលើ Android 14 ហើយនឹងមានប្រព័ន្ធស្កែនម្រាមដៃនៅលើអេក្រង់ទៀតផង។ ស្មាតហ្វូន 12 Pro ទាំងពីរនេះ នឹងមានពណ៌ Submarine Blue និង Navigator shades ខណៈដែល 12 Pro+ ក៏នឹងមានពណ៌ Explorer Red edition ផងដែរ។
