ក្រុមហ៊ុន realme ត្រៀមប្រកាសចេញស្មាតហ្វូនជំនាន់ថ្មីម៉ូដែល realme 12 Pro 5G និង 12 Pro+ 5G នៅថ្ងៃទី 29 ខែមករា ឆ្នាំ 2024 ខាងមុខនេះ។ ហើយបើតាមសេចក្តីរាយការណ៍ realme នឹងបង្ហាញស្មាតហ្វូនជំនាន់ថ្មីទាំងពីរម៉ូដែលនេះសម្រាប់ទីផ្សារសកល និងទីផ្សារប្រទេសចិនតែម្តង។ ហើយនៅពេលនេះនៅលើបញ្ចីរបស់ស្ថាប័ន SIRIN បានបញ្ជាក់ច្បាស់ថា realme កំពុងធ្វើការលើការផលិតស្មាតហ្វូនជំនាន់ថ្មី realme 12 Series។
បើតាមរូបភាព Screenshot ដែលបានបង្ហាញដោយស្ថាប័នខាងលើរបស់ប្រទេសម៉ាឡេស៊ីបានបង្ហាញពីឲ្យឃើញថា ស្មាតហ្វូនជំនាន់ថ្មីមួយនេះ គឺមានលេខកូដសំគាល់ម៉ូដែល RMX3867 ព្រមទាំងបានបញ្ជាក់ថា គឺជាម៉ូដែល realme 12+ 5G នៅពេលប្រកាសចេញលក់នៅក្នុងទីផ្សារប្រទេសម៉ាឡេស៊ី។ ស្មាតហ្វូនស៊េរីថ្មីមួយនេះក៏បានបង្ហាញវត្តមាននៅលើស្ថាប័នជាច្រើនរួចហើយក្នុងនោះរួមមានស្ថាប័ន TKDN និង SDPPI របស់ប្រទេសឥណ្ឌូនេស៊ី ក៏ដូចជាស្ថាប័ន FCC ផងដែរ។ នៅលើបញ្ចីរបស់ស្ថាប័នទាំងនេះ បានបញ្ជាក់ថា realme 12+ គឺដំណើរការនៅលើ realme UI5 និងគាំទ្រប្រព័ន្ធសេវា 5G, ប្រើប្រាស់ Dual-SIM និង NFC។
ចំនែកតាមការបញ្ជាក់នៅលើគេហទំព័រ Camerafv5 បានបញ្ជាក់ថា realme 12+ 5G នឹងមានកាមេរ៉ាសែលហ្វីទំហំ 16MP និងប្រព័ន្ធកាមេរ៉ាក្រោយទំហំ 64MP និងកាមេរ៉ាទំហំ 8MP ចំនួនពីរគ្រាប់។ ស្មាតហ្វូនជំនាន់ថ្មីមួយនេះក៏បានបង្ហាញវត្តមាននៅលើបញ្ចីរបស់ស្ថាប័ន 3C ជាមួយលេខកូដ RMX3866 ព្រមទាំងបានបញ្ជាក់ថាស្មាតហ្វូនជំនាន់ថ្មីនេះគាំទ្របច្ចេកវិទ្យាសាកភ្លើងល្បឿនលឿនកំលាំង 67W Wired Fast Charging។ realme 12+ 5G បានបង្ហាញវត្តមានផ្លូវការណ៍នៅលើបញ្ចីស្ថាប័នជាច្រើនរួចហើយ។ realme ត្រូវបានគេរំពឹងថា នឹងធ្វើការប្រកាសចេញស្មាតហ្វូន realme 12 Series 5G ដែលរួមមានដូចជា realme 12+ 5G និង realme 12 Pro+ 5G នៅថ្ងៃទី 29 ខែមករា ឆ្នាំ 2024។
បើតាមប្រភពទម្លាយព័ត៌មានបាននិោយាយថា realme 12 Pro + នឹងមានការបំពាក់នូវអេក្រង់ទំហំ 6.7-អ៊ីង FullHD+ OLED display មានល្បឿន 120Hz refresh rate និងគាំទ្រប្រព័ន្ធស្កែនម្រាមដៃនៅលើអេក្រង់់, ប្រើបន្ទះឈីប Qualcomm Snapdragon 7s Gen 2 ជាមួយរ៉េម 12GB និងអង្គផ្ទុកទិន្នន័យធំបំផុតដល់ 512GB។ នៅលើស្មាតហ្វូនជំនាន់ថ្មីនេះ នឹងមានកាមេរ៉ាគោលទំហំ 50MP ជា Sony IMX890 Sensor, រួមជាមួយទំហំ 64MP ជា OmniVision OV64B periscope Sensor និងទំហំ 8MP Ultrawide ព្រមទាំងមានកាមេរ៉ាសែលហ្វីទំហំ 32MP ជាលែនទំលុះថ្ងាសអេក្រង់៕
