នៅថ្ងៃនេះលោក Yu Chengdong ដែលជាអគ្គនាយកផ្នែក Consumer Business របស់ Huawei បានចេញមកបញ្ជាក់ថា ប្រព័ន្ធប្រតិបតិ្តការរបស់ HarmonyOS គឺមានអ្នលប្រើប្រាស់ពញលេញចំនួនជាង 900 លាននាក់ហើយ។ ប្រសាសន៌របស់អគ្គនាយកក្រុមហ៊ុន Huawei រូបនេះ ត្រូវបានគេដកស្រង់នៅក្នុងព្រឹត្តិការណ៌ HDC developer conference ដែលថែមទាំងមានការពិភាក្សាពីសមិទ្ធិផលថ្មីៗរបស់ខ្លួនដែលទទួលបានផងដែរ។
លោក Yu Chengdong បានបន្តថា ប្រព័ន្ធប្រតិបត្តិការ HarmonyOS គឺមានការដាក់អោយប្រើប្រាស់នៅលើឧបករណ៌ជាង 900 គ្រឿងហើយនៅពេលនេះ។ តួរលេខខាងលើនេះ គឺអាចបញ្ជាក់យ៉ាងច្បាស់ថា ក្រុមហ៊ុនបានធ្វើការ ងារថ្មីៗបានយ៉ាងល្អជាពិសេសគឺអភិវឌ្ឍឡើងនូវប្រព័ន្ធប្រតិបត្តិការដោយខ្លួនឯង។
លោកបន្តថា មកដល់ពេលនេះ អ្នកចូលរួមអភិវឌ្ឍទៅលើកម្មវិធី HarmonyOS ecosystem នេះ មានការចូលរួមពីសំណាក់អ្នកអភិវឌ្ឍកម្មចំនួនជាង 2.54 លាននាក់។ ហើយសម្រាប់ប្រព័ន្ធប្រតិបត្តិការនេះ គឺមិនត្រឹមតែប្រើប្រាស់តែនៅលើស្មាតហ្វូននោះទេ គឺអាចប្រើប្រាស់នៅលើថេប្លេត រួមជាមួយឧបករណ៌ឆ្លាតវៃជាច្រើនទៀតផងដែរ។ ជាមួយគ្នានេះ ក៏មានការសេចក្តីរាយការណ៌ថា ការដឹកជញ្ជូនទៅលើស្មាតហ្វូនជំនាន់ថ្មី Huawei Pura 7o series នឹងមានការកើនឡើង 68% YoY ខណៈដែលម៉ូដែលប្រណិតផ្សេងទៀត គឺមានចំនួន 72%។
គួរបញ្ជាក់ថា តួរលេខខ្ពស់ដល់ទៅ 900 លាននាក់ នៃការដោនឡូដប្រព័ន្ធប្រតិបត្តិការ HarmonyOS នៅពេលនេះ គឺមានការកើនឡើងគួរអោយកត់សម្គាល់ បើប្រៀបធៀបជាមួយនិងឆ្នាំមុន គឺមានការដោនឡូដ 700 លាននាក់ ប៉ុណ្ណោះ