ក្រុមហ៊ុនផលិតរថយន្តរបស់កូរ៉េខាងត្បូង Kia ត្រៀមបញ្ចេញរថយន្ត minivan ស៊េរីថ្មីឆ្នាំ 2025 ម៉ូដែល Carnival របស់ខ្លួនឆាប់ៗនេះ។ រថយន្ត minivan ដ៏ពេញនិយមជំនាន់ថ្មីរបស់ Kia មួយនេះ គឺនឹងមានការផ្លាស់ប្តូរការរចនាផ្នែកខាងក្រៅថ្មី ការរៀបចំតុបតែផ្នែកខាងក្នុងថ្មី បំពាក់នូវមុខងារប្រព័ន្ធសុវត្ថិភាពខ្ពស់ជាងមុន រួមនឹងបំពាក់នូវប្រព័ន្ធបច្ចេកវិទ្យា Hybrid ថ្មីផងដែរ។
បើតាមរូបភាពដែលបានបែកធ្លាយមកនេះបង្ហាញថា ផ្នែកខាងមុខរបស់ Kia Carnival 2025 គឺមានការឌីស្សាញផ្នែកខាងមុខថ្មីប្រកបដោយភាពប្រណិតជាមួយផ្ទាំងប៉ាណាមុខធំ រំលេចជាមួយការឌីស្សាញចង្កៀង Daytime running light ពណ៌ទឹកក្រូចរាងអក្សរ L អមអំពូលជង្កៀង LED អំពូលគុជសងខាងដែលម្ខាងមាន 3 គ្រាប់។ នៅផ្នែកខាងក្រោយត្រូវបានរចនាបែបថ្មីជាមួយនឹងផ្ទាំងការពារទំហំធំ Large bumper។ សម្រាប់ផ្នែករៀបចំតុបតែខាងក្នុងវិញក៏មានភាពប្រណិតបែប Modern Tech ដោយក្នុងនោះមានដូចជាការបំពាក់នូវអេក្រង់ Digital Instrument Panel ដែលមានទំហំ 4.2-inch អេក្រង់ និងអេក្រង់កម្សាន្តប្រភេទ Touchscreen ទំហំ 12-inch។
បើតាមប្រភពបញ្ជាក់ថា Kia ក៏នឹងផ្តល់ជូនជម្រើសការបំពាក់អេក្រង់ទំហំ 12.3-inch Digital Instrument Panel និងទំហំ 12.3-inch Entertainment touchscreen ផងដែរ។ ជាមួយគ្នានេះយើងឃើញថានៅផ្នែកខាងក្រោមអេក្រង់កម្សាន្ត ក៏មានបំពាក់ Touch panel សម្រាប់ដំណើករជាមួយប្រព័ន្ធ HVAC system ដើម្បីធ្វើការគ្រប់គ្រង់លើមុខងារក្នុងរថយន្តជំនូសឲ្យការប្រើប្រាស់ប៊ូតុងចុចប្រភេទ Physical Button។
ជាមួយគ្នានេះ Kia បានបញ្ជាក់ថា Carnival 2025 ក៏មានបំពាក់នូវរន្ធ USB-C ចំនួន 7 រន្ធ រួមនឹងគាំទ្រជាមួយប្រព័ន្ធបច្ចេកវិទ្យាថ្មី Connected Car Navigation Cockpit infotainment system។ បន្ថែមពីនេះ Kia Carnival 2025 នៅគាំទ្របច្ចេកវិទ្យាជំនួយបញ្ជាដោយសំឡេង Kia Voice assistant ជាមួយពាក្យស្វាគមន៍ (Hey, Kia), មានអេក្រង់កម្សាន្តទំហំ 14.6-inch ចំនួនពីរស្ថិតនៅផ្នែកខាងក្រោយសម្រាប់អ្នកដំណើរកៅអីខាងក្រោយ រួមនឹងគាំទ្រប្រព័ន្ធសោរ Kia Digital Kay 2.0 ថែមទៀតផង។
ចូលមកផ្នែកម៉ាស៊ីនវិញ Kia Carnival ស៊េរីឆ្នាំ 2025 នឹងផ្តល់ជូននូវពីរជម្រើសម៉ាស៊ីន ដោយក្នុងនោះមានម៉ាស៊ីន V6 ចំនុះ 3.5-liter ដែលមានកំលាំង 287 សេះ និងកំលាំងរមូល 260 pound-feet ដំណើរការដោយប្រអប់លេខស្វ័យប្រវត្តិ 8 វគ្គ ហើយនិងមានជម្រើសដំណើរការដោយប្រព័ន្ធបើកបរ Front-wheel-drive (FWD)។
ចំនែកមួយម៉ូដែលទៀត គឺជាប្រភេទ Hybrid ដែលបំពាក់នូវម៉ាស៊ីន 1.6-liter turbocharged មាន 4 ស៊ីឡាំង រួមដំណើរការដោយម៉ូទ័រអគ្គិសនីមួយ។ ម៉ូដែល Kia Carnival Hybrid អាចផលិតកំលាំងសរុប 242 សេះ និងកំលាំងរមូល 271 pound-feet ដំណើរការដោយប្រអប់លេខស្វ័យប្រវត្តិ 6 វគ្គ និងដំណើរការដោយប្រព័ន្ធ Front-wheel-drive (FWD)។ យ៉ាងណាមិញសម្រាប់កម្រិតស៊ីប្រេងរបស់ Kia Carnival ឆ្នាំ 2025 មិនទាន់ត្រូវបានប្រាប់ឲ្យដឹងនៅឡើយទេ។
Kia Carnival ឆ្នាំ 2025 ក៏មានបំពាក់នូវប្រព័ន្ធជំនួយការបើកបរកម្រិតខ្ពស់របស់ក្រុមហ៊ុនផងដែរ ហៅថា Kia Highway Driving Assist 2 ដែលរួមមានមុខងារដូចជា forward collision warning, automatic emergency braking, a driver-attention monitor, blind spot monitoring, rear cross-traffic alert, lane departure warning, lane keeping assist, rear parking sensors, និង automatic high-beam assist ជាដើម។
សម្រាប់ម៉ូដែលប្រើម៉ាស៊ីន V6 ចំនុះ 3.5-liter មានចំនួន 6 ម៉ូដែល គឺ LX, LXS, EX, SX និង SX Prestige ដែលមានតម្លៃចាប់ពីខ្ទង់ $37,895 ដល់ខ្ពស់បំផុត $51,995។ ចំនែកម៉ូដែល Hybrid វិញមានចំនួន 4 ម៉ូដែល គឺ LX Hybrid, EX, SX និង SX Prestige ដែលមានតម្លៃចាប់ពីខ្ទង់ $41,895 ដល់ខ្ពស់បំផុត $53,995។ Kia Carnival ស៊េរីឆ្នាំ 2025 នេះ ត្រូវបានគេរំពឹងថា នឹងប្រកាសចេញលក់បន្ទាប់ពីរដូវក្តៅឆ្នាំនេះ៕