យោងតាមព័ត៌មានជាច្រើននាពេលថ្មីៗនេះ បានបញ្ជាក់ថា Galaxy S25 series ទំនងជានឹងមានការប្រកាសចេញនៅក្នុងខែមករា ឬខែកុម្ភៈឆ្នាំ 2025 ខាងមុខនេះហើយ។ ទាក់ទងនឹងស្មាតហ្វូនជំនាន់ថ្មីនៃត្រកូល S-Series នេះ គឺមានព័ត៌មានបែកធ្លាយ ក៏ដូចជាពាក្យចចាមអារ៉ាមជាច្រើនរួចមកហើយ ប៉ុន្តែមិនទាន់បានបញ្ជាក់ពីប្រព័ន្ធកាមេរ៉ាជាក់លាក់នៅលឡោះលឡើយទេ។ ជាក់ស្តែងនៅថ្ងៃនេះ មានការលេចធ្លាយព័ត៌មានថ្មីបន្ថែមពីកាមេរ៉ាដែលប្រើប្រាស់នៅលើស្មាតហ្វូនជំនាន់ថ្មី Galaxy S25 Ultra នេះទៀតហើយ។
មានការបញ្ជាក់ថា នៅលើ Galaxy S25 Ultra គឺនឹងមានការឌីស្សាញទៅលើប្រព័ន្ធកាមេរ៉ាថ្មី ដែលមានការអាប់ដែតខ្លាំង ហើយក៏នឹងមានការពង្រឹងទៅលើសមត្ថភាពដំណើរការខ្ពស់បំផុតថែមទៀតផង។ ស្មាតហ្វូននេះ នឹងមានការពង្រឹងទៅលើប្រព័ន្ធសិនស័រចាប់រូបភាពថ្មីចំនួន 2 ដែលមានដូចជានៅលើឡែន Ultrawide និង Telephoto។
សម្រាប់ឡែន ultrawide គឺនឹងមានការប្រើប្រាស់នូវសិនស័រ 1/2.76-អ៊ីង JN1 sensor ដែលប្រើប្រាស់នូវកាមេរ៉ាទំហំ 50MP ប្រៀបធៀបជាមួយនិងឡែន ultrawide នៅលើ Galaxy S24 Ultra គឺមានការប្រើប្រាស់ត្រឹមតែ 12MP និងសិនស័រ 1/2.52″ ប៉ុណ្ណោះ។ ចំពោះ telephoto lenses វិញ គឺនឹងដំណើរការនៅលើសិនស័រ 1/3″ ISOCELL ដែលត្រូវបានក្រុមហ៊ុនពង្រឹងខ្លាំងបំផុត ដែលធានថា នឹងមានភាពច្បាស់ ហើយនិងមានការហ៊្សូមបានរលូននៅពេលចាប់រូបភាព និងវីដេអូ។
បើតាម Daniel Araujo ដែលជាអគ្គនាយករងផ្នែក Samsung Mobile Experience (MX) ថ្មីៗនះ ក៏បានចែករំលែកនូវព័ត៌មានមួយចំនួនរបស់ស្មាតហ្វូនជំនាន់ថ្មី Galaxy S25 series នេះដែរ នៅក្នុងកំឡុងពេលនៃការប្រជុំមួយនាពេលថ្មីៗនេះ។ តាមការបញ្ជាក់របស់លោកបានអោយដឹងថា ស្មាតហ្វូនជំនាន់ថ្មីនេះ នឹងមានការពង្រឹងខ្លាំងទៅលើផ្នែកជាច្រើន ដោយមានទាំងប្រព័ន្ធកាមេរ៉ា និងអេក្រង់ផងដែរ។ លោកបានបន្ថែមថា ក្រុមហ៊ុនក៏គ្រោងនឹងមានការប្រើប្រាស់នូវ Best Application Processor (AP) ហើយនិងមុងារ AI performance” ដើម្បីផ្តល់នូវបទពិសោធន៌ថ្មីដល់អ្នកប្រើប្រាស់ថែមទៀតផង។
ក្រៅពីកាមេរ៉ា ហើយនិងអេក្រង់ហើយនោះ នៅលើ Galaxy S25 ក៏នឹងមានការប្រើប្រាស់នូវាសមាសភាគផ្សំកំពូលជាច្រើនទៀតផងដែរ។ ក្រុមហ៊ុននៅមិនទាន់បញ្ជាក់ពីការប្រើប្រាស់បន្ទះឈីប Exynos 2500 នៅលើស្មាតហ្វូន Galaxy S25 series នៅឡើយទេ។ ប៉ុន្តែប្រភពចេញពីឧស្សហកម្មនេះ បានរំពឹងថា ស្មាតហ្វូននេះ នឹងមានការប្រើប្រាស់នូវបន្ទះឈីប Exynos នៅលើទៅផ្សារមួយចំនួនជាក់ជាមិនខាន។
