យោងតាមព័ត៌មានថ្មីនៅថ្ងៃនេះ បានទម្លាយថា ស្មាតហ្វូនជំនាន់ថ្មីស្ថិតនៅក្នុងស្រឡាយរបស់ iPhone 15 Series ដែលមានសមត្ថភាពខ្ពស់ជាងរបស់ Apple ម៉ូដែល iPhone 15 Pro Max ត្រូវបានប្រកាសឈ្មោះចេញជាផ្លូវការហើយនេះបើតាមសេចក្តីរាយការណ៌របស់លោក Mark Gurman ដែលជាអ្នកវិភាគរបស់សារព័ត៌មាន Bloomberg។ ដូច្នេះបើផ្អែកលើព័ត៌មាននេះ អាចនិយាយបានថា iPhone 15 Ultra នឹងគ្មានវត្តមាននោះទេឆ្នាំនេះ។ សម្រាប់ព្រឹត្តិការណ៌ថ្ងៃទី 12 ខែកញ្ញាខាងមុខនេះ នឹងមានវត្តមាន iPhone 15, iPhone 15 Plus និង iPhone 15 Pro។
សូមជំរាបថា កាលពីមុននេះ របាយការណ៌ចុងក្រោយរបស់លោក Gurman បាននិយាយថា ក្រុមហ៊ុន Apple នាមានបំណងនឹងមានធ្វើការផ្លាស់ប្តូរម៉ូដែល Ultra សម្រាប់ម៉ូដែលខ្ពស់ជាងគេទៅលើស្មាតហ្វូន iPhone ដែលដូចគ្នាជាមួយនិងនាឡិកា Apple Watch Ultra អញ្ចឹងដែរ។ ជាមួយគ្នានេះក៏មានទម្លាយថា iPhone 16 Ultra នឹងបង្ហាញខ្លួននៅឆ្នាំក្រោយជាមួយនិងអេក្រង់ទំហំធំដល់ទៅ Pro Max នឹងលែងមានវត្តមាននៅលើទីផ្សារទៀតហើយនៅឆ្នាំក្រោយ។
គួរបញ្ជាក់ថា កន្លងមកមានពាក្យចចាមអារ៉ាមជាច្រើនបាននិយាយថា iPhone 15 Pro Max នឹងមានការបំពាក់នូវឡែន telephoto lens ដែលមានសមត្ថភាពហ៊្សូមបាន 6x optical zoom ប្រៀបធៀបជាមួយនិងម៉ូដែល iPhone 14 Pro models ដែលប្រើប្រាស់នូវកម្រិតត្រឹម 3x ប៉ុណ្ណោះ។ បន្ថែមពីនេះម៉ូដែលថ្មីនេះ ក៏នឹងមានការផ្លាស់ប្តូរស៊ុមថ្មី titanium frame ហើយនិងមាន Action button រួមជាមួយនិងបន្ទះឈីបល្បឿនលឿន A17 Bionic chip កម្រ៉ាស់ស្តើងជាងមុន ហើយនិងមាន Wi-Fi 6E support ថែមទៀតផង។ សម្រាប់តម្លៃ iPhone 15 Pro Max អាចនឹងមានចាប់ពី $1,199 នៅក្នុងទីផ្សារអាមេរិក។ តម្លៃនេះខ្ពស់ជាងមុន $100 ប្រៀបធៀបជាមួយនិង iPhone 14 Pro Max។
