ថ្មីៗនេះ ក្រុមហ៊ុន Huawei ទើបតែប្រកាសបង្ហាញនូវស្មាតហ្វូនប្រណិតរបស់ខ្លួនដែលមានឈ្មោះហៅថា Ultimate Design ហើយពេលនេះ ក្រុមហ៊ុននេះ ក៏បានបញ្ចេញនូវស្មាតហ្វូនដំបូងបំផុតរបស់ខ្លួនដែលមានឈ្មោះហៅថា Huawei Mate 60 RS Ultimate Design ថែមមួយទៀតហើយសម្រាប់ទីផ្សារស្មាតហ្វូននៅប្រទេសចិន។ ខាងក្រោមនេះ គឺជាព័ត៌មានលម្អិតរបស់ស្មាតហ្វូននេះ។
ការឌីស្សាញ និងអេក្រង់
បើមើលទៅលើការឌីស្សាញរបស់ស្មាតហ្វូននេះ ស្មាតហ្វូន Mate 60 RS Ultimate Design នេះ គឺមានការរចនាឡើងដោយជម្រុញចេញពីស្មាតហ្វូន Mate 50 RS Porsche Design ដែលចេញកាលពីឆ្នាំមុននេះ។ ស្មាតហ្វូននេះ គឺមានតួខ្លួនសេរ៉ាមិច និងគែមអាលុយមីញ៉ូម។ ស្មាតហ្វូននេះមាន 2 ពណ៌គឺពណ៌ក្រហម និងពណ៌ខ្មៅ។ បើមើលទៅលើផ្នែកខាងមុខនេះ ស្មាតហ្វូននេះមានអេក្រង់រាបស្មើរទំហំ 6.82-អ៊ីង OLED LTPO ជាមួយនឹងរន្ធចំនួន 3 គ្រាប់នៅលើអេក្រង់។
អេក្រង់នេះ មានកម្រិតភាពច្បាស់ទំហំ 2720x1260pixels គាំទ្រជាមួយនូវបច្ចេកវិទ្យា adaptive refresh rate ដែលរត់បានចាប់ពី 1Hz ដល់ទៅ 120Hz។ ស្មាតហ្វូននេះ មាន 1440Hz high-frequency PWM dimming onboard ជាមួយនឹងកម្រិតនៃប៉ះ 300Hz touch sampling rate។ អេក្រង់នេះ មានការប្រើនូវកម្រិតពណ៌ 1.07 billion និង 100% DCI-P3 color gamut។
កាមេរ៉ា
ស្មាតហ្វូន Huawei Mate 60 RS Ultimate Design នេះ មានកាមេរ៉ាដូចគ្នាទៅនឹងស្មាតហ្វូន Mate 60 Pro+។ ស្មាតហ្វូននេះមានកាមេរ៉ាខាងក្រោយទំហំ 48-Megapixel primary ទ្រទ្រង់ជាមួយនូវបច្ចេកវិទ្យា adjustable aperture ចាប់ពី F1.4 ទៅ F4.0 ។ សម្រាប់សេនស័រគោលរបស់វាគឺមាន optical image stabilization (OIS)។ នៅក្នុងនោះ ក៏មានកាមេរ៉ាទំហំ 40-megapixel ultra-wide ដែលភ្ជាប់ជាមួយនូវ F2.2 aperture ផងដែរ។ បន្ថែមពីនេះ សម្រាប់មួយគ្រាប់ទៀត គឺមានទំហំ 48-megapixel ultra-macro telephoto ទ្រទ្រង់ជាមួយនូវមុខងារទប់លំនឹង OIS និង autofocus ហើយនិងមានមុខងារ ហ៊្សូមបាន 3.5x optical zoom និង 100x digital zoom។
កាមេរ៉ាខាងមុខរបស់ស្មាតហ្វូននេះមានទំហំ 13-megapixel ultra-wide-angle ជាមួយនឹង F2.4 aperture និង 3D depth សម្រាប់ advanced facial recognition។ កាមេរ៉ានេះ អាចថតវីដេអូបានកម្រិត 4K (3840 x 2160) video recording។បន្ថែមពីនេះនៅលើប្រព័ន្ធកាមេរ៉ានេះ ក៏មានមុខងារជាច្រើនទៀតដូចជា intelligent variable aperture, 10-stop adjustable physical aperture, super night scene mode, super macro និង macro video options, vivid video HDR ។ សម្រាប់កាមេរ៉ាខាងមុខនេះមាន Video HDR Vivid mode, smart wide-angle switching, night scene capture, portrait mode, និង creative filters ថែមទៀតផង។
កម្លាំងម៉ាស៊ីនដ៏ខ្លាំងក្លា
ស្មាតហ្វូននេះ ប្រើប្រាស់នូវបន្ទះឈីប Kirin 9000s chipset ជាមួយនឹង Hongmeng OS 4.0 ដែលផ្តល់នូវបទពិសោធន៍ដ៏អស្ចារ្យ។ ស្មាតហ្វូននេះមានរ៉េមទំហំ 1^GB ។ ស្មាតហ្វូននេះមានម៉េមូរីទំហំ 512GB ឬ 1TB ហើយវាក៏អាចប្រើប្រាស់នូវ 256GB NM memory card ថែមទៀត។ ស្មាតហ្វូននេះមានថាមពលថ្មទំហំ 5000mAh ជាមួយនឹងកម្លាំងសាក 88W fast charging, 50W fast wireless charging និង 20W reverse wireless charging ។
ស្មាតហ្វូននេះ មាន 3D face recognition, ប្រព័ន្ធស្កេនក្រយ៉ៅដៃក្រោមអេក្រង់, ambient light sensor, gyroscope, compass, NFC និងជាច្រើនទៀត។ ស្មាតហ្វូននេះក៏មាន Tiantong satellite calls និង Beidou satellite messages ។សម្រាប់ connectivity នៅលើស្មាតហ្វូននេះមាន dual-band WiFi, Bluetooth 5.2 (SBC, AAC, LDAC និង L2HC high-definition audio codecs), GPS, AGPS/GLONASS/Beidou/GALILEO/QZSS/NavIC ។
តម្លៃ និងកាលបរិច្ឆេទនៃការលក់
ស្មាតហ្វូននេះមាន 2 ទំហំជាមួយនឹងតម្លៃផ្សេងគ្នា។ សម្រាប់ទំហំ 16GB 512GB មានតម្លៃ 11,999 យ៉ន់ ($1,641) ខណៈពេលដែលទំហំ 16GB+1TB មានតម្លៃ 12,999 យ៉ន់ ($1,778) ។ ស្មាតហ្វូននេះអាចធ្វើការ pre-order ហើយការលក់ជាផ្លូវការគឺនៅថ្ងៃទី 28 ខែកញ្ញានេះ៕
