នៅពេលនេះ បន្ទាប់ការដាក់សម្ពោធជាផ្លូវការនូវស្មាតហ្វូន iPhone 15 Series នៅលើទីផ្សារជុំវិញពិភពលោករួចមក ក្រុមហ៊ុន Apple ត្រូវបានគេរាយការណ៍ថា បាននឹងកំពុងតែធ្វើការងារនៅលើបច្ចេកវិទ្យាថ្មីមួយថែមទៀតហើយសម្រាប់ស្មាតហ្វូន iPhones ជំនាន់ថ្មីរបស់ខ្លួន។ បើតាមសេចក្តីរាយការណ៌នេះ Apple គ្រោងនឹងដាក់បញ្ចូលនូវបន្ទះអាប់ដែតទៅលើ iPhone មុនពេលលក់អោយអតិថិជនរបស់ខ្លួន។ បើតាមគំនិតផ្តួចផ្តើមនេះ គឺគ្រោងនឹងចាប់ផ្តើមមុនដំណាច់ឆ្នាំនេះ ដោយក្នុងនោះ ក្រុមហ៊ុននេះ នឹងមានដាក់បញ្ចូលជាមួយនិង wireless pad ដោយការធ្វើបែបនេះ គឺអាចអាប់ដេតទៅលើស្មាតហ្វូន iPhones ដោយមិនចាំបាច់បើកទៅលើប្រអប់របស់ស្មាតហ្វូននោះទេ។
យោងតាមប្រភពនៅក្នុងឧស្សាហកម្មនេះតាមរយៈការចែកចាយដោយ Mark Gurman ដែលជាអ្នកវិភាគប្រចាំនៅក្នុងស្ថាប័នសារព័ត៌មាន Bloomberg បាននិយាយថា ក្រុមហ៊ុន Apple មិនត្រឹមតែមានគិតគូរថា គំនិតនេះ គឺជារឿងថ្មីសម្រាប់ប្រើប្រាសនាពេលអនាគតនោះទេ គឺក្រុមហ៊ុននេះ ថែមទាំងមានការប្រើប្រាស់នូវប្រព័ន្ធ Pad ថ្មីមួយ ដែលអាចការដំណើរការទៅលើការអាប់ដែតស្មាតហ្វូនដែលមាននៅក្នុងហាងរបស់ខ្លួន ដោយមិនចាំបាច់ដកស្មាតហ្វូន iPhone នេះ ចេញពីប្រអប់ដូចអ្វីដែលយើងគ្រប់គ្នាបានធ្វើរាល់ដងនោះទេ។
ប្រភពខាងលើនេះបន្តថា ការនាំមកនូវការផ្លាស់ប្តូរថ្មីនេះ គឺដើម្បីជាការចូលរួមផ្តល់នូវភាពងាយស្រួលសម្រាប់អ្នកប្រើប្រាស់ទាំងឡាយណាដែលមិនសូវបានជ្រាបច្បាស់ពីការតម្លើងនូវកម្មវិធី ឬក៏បច្ចេកវិទ្យាថ្មីៗ ពីព្រោះថា នៅពេលដែលអតិថិជន ទិញស្មាតហ្វូន iPhone ថ្មីម្តងៗ គឺស្មាតហ្វូនថ្មីនេះ តែងតែទាមទារអោយមានការអាប់ដេតទៅលើកម្មវិធី software ជាប្រចាំ ដើម្បីធានាទៅលើប្រសិទ្ធិភាព និងសុវត្ថិភាពនៃការប្រើប្រាស់ស្មាតហ្វូនថ្មីនេះ។ ដើម្បីជា្របច្បាស់ពីការអាប់ដែត Software គឺលោកអ្នកដែលទើបតែប្រើប្រាស់ស្មាតហ្វូន iPhone ថ្មីនោះ គឺអាចចូលទៅកាន់ Settings > General > Software Update ហើយធ្វើតាមការណែនាំរបស់ក្រុមហ៊ុននេះ៕
