ទូរស័ព្ទ iOS ជំនាន់ថ្មីដែលចេញនៅឆ្នាំ 2024 គឺ iPhone 16 Series ត្រូវបានគេដឹងថា នឹងមានបន្ថែមនូវប៊ូតុងថ្មីមួយទៀតដែលហៅថា Capture Button នេះបានយោងទៅលើការចេញផ្សាយរបស់បណ្តាញ Macrumors។ ដោយ Capture Button ថ្មីនេះ គឺនឹងស្ថិតនៅលើស៊ុមខាងស្តាំដៃត្រង់កន្លែងបន្ទាត់អង់តែងសេវា mmWare 5G Antenna ដែលមាននៅលើម៉ូដែល iPhone អាមេរិក ហើយ mmWare 5G Antenna អាចនឹងប្តូរទៅលើស៊ុមខាងឆ្វេងវិញ។ យ៉ាងណាមិញសម្រាប់ប៊ូតុងថ្មីនេះ មិនទាន់ត្រូវបានគេដឹងពីមុខងារក្នុងការប្រើប្រាស់ច្បាស់នៅឡើយទេ។
សម្រាប់ Capture Button ថ្មីនេះ គឺនឹងប្រើនៅប្រព័ន្ធសំពាធសំគាល់ Capacitive Button ដែលដំណើរការជាមួយ haptic feedback ជំនួសការប្រើប្រាស់ប៊ូតុងចុចធម្មតា Physical Button ហើយវាត្រូវបានគេរំពឹងថា នឹងដំណើរការជាមួយប្រព័ន្ធសែនស័រ Force Sensor សម្រាប់ការសំគាល់សំពាធសង្កាត់។ Capture Button អាចនឹងត្រូវបានប្រើសម្រាប់ដំណើរការកាមេរ៉ា ដូចជាការចុចសង្កត់ញាប់ដើម្បីបើកកម្មវិធីកាមេរ៉ា និងចាប់ផ្តើមការថតវីដេអូតែម្តង ឬក៏ចុចចូលទៅកាន់កម្មវិធីកាមេរ៉ាបានលឿនរហ័សដើម្បីធ្វើការកំនត់ការថតរូប ឬវីដេអូ ជាពិសេសសម្រាប់មុខងារថតវីដេអូ Spatial video ជាដើម។ ហើយ Capture Button ថ្មីនេះ នឹងមានប្រើនៅលើ iPhone 16 ទាំង 4 ម៉ូដែលតែម្តង។
បច្ចុប្បន្ននៅលើ iPhone 15 Pro និង iPhone 15 Pro Max គឺអាចប្រើប្រាស់មុខងារ Spatial Video ទាំងការថតតាមរយះសែនស័រកាមេរ៉ា Wide និង Ultra-wide ជាមួយមុខងារ Spatial Video នេះ គឺមានមកស្រាប់នៅលើប្រតិបត្តិការ iOS17.2 ឡើងទៅ។ ហើយចំពោះវត្តមាន iPhone 16 Series ត្រូវបានគេរំពឹងថា នឹងទទួលបានការប្រើប្រាស់មុខងារ Spatial Video ទាំងគ្រប់ម៉ូដែល ដូចនេះ មុខងារនេះ គឺមិនមានប្រើតែនៅលើ iPhone ម៉ូដែល Pro ទៀតនោះឡើយ ពោលអ្នកប្រើប្រាស់ iPhone 16 និង iPhone 16 Plus ក៏អាចប្រើមុខងារមួយនេះបានដូចគ្នា។
យ៉ាងណាមិញបច្ចុប្បន្នវីដេអូប្រភេទ Spatial Video ដែលថតចេញតាមរយះ iPhone 15 Pro Series គឺអាចបើកមើលបានតាមរយះឧបករណ៍ Apple Vision Pro headset តែប៉ុណ្ណោះ ដែលអាចចាក់មើលបានដល់កម្រិត 3D Spatial Video ឯណោះ។ សម្រាប់វត្តមានរបស់ iPhone 16 Series ដែលចេញនៅត្រីមាសទី 3 ឆ្នាំ 2024 នឹងមានបួនម៉ូដែលដដែល គឺ iPhone 16, iPhone 16 Plus, iPhone 16 Pro និង iPhone 16 Pro Max ឬ iPhone 16 Ultra៕
