នៅពេលនេះ ជាមួយនិងដំណឹងនៃការបង្ហាញវត្តមានរបស់ស្មាតហ្វូនជំនាន់ថ្មី Samsung Galaxy S24 series បាននឹងកំពុងតែស្ថិតក្នុងប្រធានបទក្តៅហើយ។ ស្របពេលជាមួយគ្នានេះ ការបែកធ្លាយព័ត៌មានជាច្រើនរបស់ស្មាតហ្វូនជំនាន់ថ្មីនេះ ត្រូវបានគេទម្លាយនៅលើអនឡាញស្ទើរតែទាំងស្រុងរួចហើយ។ យោងតាមការបញ្ជាក់ជាថ្មីនៅថ្ងៃនេះ បានបង្ហាញថា ស្មាតហ្វូនជំនាន់ថ្មីនេះ គឺបានចុះបញ្ជីនៅលើស្ថាប័នវាយតម្លៃផលិតផលរបស់ប្រទេសសឹង្ហបុរី ជាមួយនិងការបញ្ជាក់ពីលក្ខណៈសម្បត្តិមួយចំនួនរបស់ស្មាតហ្វូននេះផងដែរ។
យោងតាមសេចក្តីរាយការណ៌កន្លងមក មានការបញ្ជាក់ថា ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ នឹងបង្ហាញចេញនូវស្មាតហ្វូនជំនាន់ថ្មី Galaxy S24, Galaxy S24+ និង Galaxy S24 Ultra នៅថ្ងៃទី 17th ខែមករាឆ្នាំ 2024 ខាងមុខនេះហើយ។ នៅមុនការសម្ពោធជាផ្លូវការេនះ ស្មាតហ្វូន Galaxy S24 model បានឆ្លងកាត់ការចុះបញ្ជី IMDA របស់ប្រទសសឹង្ហបុរីរួចរាល់ហើយ ដោយបង្ហាញថា ស្មាតហ្វូនជំនាន់ថ្មីនេះ គឺមានលេខម៉ូដែល SM-S921B/D។ ក្រៅពីលេខម៉ូដែលនេះ នៅលើបញ្ជីនេះនៅមិនទាន់មានការបញ្ជាក់ពីលក្ខណៈសម្បត្តិនោះទេ ដោយគ្រាន់តែបង្ហាញថា មាន NFC, Bluetooth និង WiFi connectivity support។
សូមជំរាបថា ថ្មីៗនេះ ស្មាតហ្វូន Samsung Galaxy S24 series ត្រូវបានគេទម្លាយព័ត៌មានច្រើនរួចមកហើយ ជាក់ស្តែងកាលពីថ្ងៃទី 27th ខែធ្នូ 2023 នេះ ស្មាតហ្វូន Galaxy S24 និង Galaxy S24+ ត្រូវបានគេទម្លាយចេញនូវពណ៌ថ្មីៗតាមរយៈ SIM tray ផងដែរ ដោយបង្ហាញថា ស្មាតហ្វូននេះ នឹងមានពណ៌ទឹកក្រូច ពណ៌ស្វាយ និងពណ៌ស។ បើតាមការបង្ហាញកន្លងមកក៏មានការបញ្ជាក់ថា ពីលក្ខណៈសម្បត្តិរបស់ស្មាតហ្វូន Galaxy S24 Series ផងដែរ។ ស្មាតហ្វូន Galaxy S24 series នឹងមានការបំពាក់នូវបន្ទះឈីប Exynos 2400 SoC នៅទូទាំងពិភពលោក ខណៈដែលសហរដ្ឋអាមេរិក និងកាណាដា នឹងបំពាក់នូវបន្ទះឈីប Snapdragon 8 Gen 3។
Galaxy S24 មានអេក្រង់ទំហំ 6.2-អ៊ីង Dynamic AMOLED 2x display ល្បឿន 120Hz refresh rate បង្ហាញចេញបានកម្រិត Full HD+ resolution។ ស្មាតហ្វូននេះមានកាមេរ៉ាគោលទំហំ 50-Megapixel ខណៈដែលកាមេរ៉ាមុខទំហំ 12- Megapixel។ ស្មាតហ្វូននេះមានថ្មទំហំ 4,000mAh គាំទ្រនូវកម្លាំងសាក 25W fast charging។