មានហេតុការណ៍ដ៏គួរឲ្យភ្ញាក់ផ្អើលមួយបានកើតមានឡើងទៅលើទូរស័ព្ទ iPhone មួយគ្រឿងរបស់អ្នកបើកយន្តហោះក្រុមហ៊ុន Alaska Airline Plan ជើងហោះហើរលេខ 1282 ដែលមានធ្វើការហោះហើរកាលពីថ្ងៃសុក្រសប្តាហ៍មុន ដោយបានធ្លាក់ចេញពីកាប៊ីនរបស់យន្តហោះ នៅខណៈដែលយន្តហោះបានហោះឡើងដ៏រយះកម្ពស់ប្រមាណ 16,000 ហ្វីត ហើយអ្វីដែលមហស្ចារ្យបំផុតនោះ គឺថាទូរស័ព្ទ iPhone ដែលបានធ្លាក់នោះត្រូវបានរកឃើញ ហើយរក្សាបានគុណភាពដដែល និងដំណើរការបានជាធម្មតា។
លោក Sean Bates ដែលជាអ្នករស់នៅទីក្រុង Vancouver រដ្ឋ Washington បានចែករំលែករូបភាពនៃទូរសព្ទ iPhone ដែលបានធ្លាក់នោះកាលពីថ្ងៃអាទិត្យ បន្ទាប់ពីគាត់បានរកឃើញវា នៅចំហៀងផ្លូវ Barnes ក្នុងទីក្រុង Portland រដ្ឋ Oregon។ ទូរស័ព្ទ iPhone គឺស្ថិតក្នុងស្ថានភាពដំណើរការបានពេញលេញធម្មតា ហើយបានបង្ហាញសារទៅកាន់អ៊ីមែលរបស់ក្រុមហ៊ុនអាកាសចរណ៍ Alaska Airlines។ បើតាមរូបភាពដែលបានបង្ហាញ យើងពិនិត្យឃើញថា ទូរស័ព្ទ iPhone នោះមិនមានស្នាមប្រេះបែកនោះទេ ហើយកត្តាដែលធ្វើឲ្យទូរសព្ទនៅរក្សាបានគុណភាពល្អទោះបីជាធ្លាក់ចុះពីរយះកម្ពស់ខ្ពស់បែបនេះក្តី ព្រោះតែតំបន់ដែល iPhone បានធ្លាក់នោះជាតំបន់ព្រៃដែលមានគម្របដីទន់។
លោក Bates បានធ្វើសេចក្តីរាយការណ៍ទៅកាន់ក្រុមប្រឹក្សាសុវត្ថិភាពដឹកជញ្ជូនជាតិ “National Transportation Safety Board” ហើយក្រុមមន្ត្រីបានចេញមកដើម្បីទទួលយកទូរសព្ទ iPhone នេះ។ បើតាមក្រុមមន្ត្រីរបស់ស្ថាប័ន NTSB បានប្រាប់ទៅលើ Bates ថា នេះគឺជាទូរស័ព្ទទីពីរដែលត្រូវបានរកឃើញពីការធ្លាក់ចេញពីយន្តហោះដែលកំពុងធ្វើការហោះហើរនៅក្នុងតំបន់នេះ។ ទូរស័ព្ទ iPhone ត្រូវបានធ្លាក់ចេញកាប៊ូននៃយន្តហោះក្រុមហ៊ុន Alaska Airlines ជើងហោះហើរលេខ 1282 បន្ទាប់ពីផ្នែកមួយនៃយន្តហោះបានផ្ទុះភ្លាមៗបន្ទាប់ពី ការហោះចេញពីអាកាសយានដ្ឋានអន្តរជាតិ Portland។ យន្តហោះនេះបានធ្វើការចុះចតដោយសុវត្ថិភាពនៅព្រលានយន្តហោះ Portland ហើយអ្នកដំណើរ និងសមាជិកនាវិកទាំងអស់មានសុខសុវត្ថិភាព។
ក្នុងឆ្នាំ 2011 កាសែត Wired បានសរសេរពីបំណែកមួយដែលមួយ (iPhone) ដែលធ្លាក់ចេញពីលើយន្តហោះ ហើយរក្សាស្ថានភាពល្អ និងនៅដំណើរការបានធម្មតា។ តាមការពន្យល់ពី Wired កត្តាដែលមិនធ្វើឲ្យ iPhone នៅរក្សាបានស្ថានភាពធម្មតា នោះក៏ដោយសារកត្តានៃទម្ងន់របស់ទូរស័ព្ទ និងល្បឿនអតិបរមារបស់ iPhone ដែលធ្លាក់ពីរយះកម្ពស់ខ្ពស់ និងធ្លាក់នៅតំបន់មានព្រៃក្រាសមានស្រទាប់ដីទន់ ជាលទ្ធផល គឺមិនខុសគ្នាពីទម្លាក់ពីរយះកម្ពស់ទាបពេកនោះទេ៕
