ក្រុមហ៊ុនបច្ចេកវិទ្យាកាមេរ៉ាឈានមុខគេក្នុងពិភពលោក Canon បានបញ្ចេញកាមេរ៉ាប្រភេទ Vlog Camera ស៊េរីថ្មីម៉ូដែល PowerShot V1 និងប្រភេទ mirrorless Camera ម៉ូដែល EOS R50 V។ សម្រាប់ម៉ូដែល PowerShot V1 ត្រូវបានក្រុមហ៊ុនធ្វើការរចនារូបរាងបែបថ្មី ដើម្បីផ្តល់នូវភាពងាយស្រួលក្នុងការដំណើរការថតរូប ឬវីដេអូសែលហ្វី។
ម៉ូដែលនេះ មានភ្ជាប់មកជាមួយប្រព័ន្ធលេនជាប្រភេទ fixed 16-50mm f2.8-4.5 zoom lens ដែលមានសមត្ថភាពក្នុងការថតវីដេអូបានក្នុងទម្រង់ 17-52mm។ហើយលេនថ្មីនេះ មានភ្ជាប់មកជាមួយសែនស័រទំហំ 22.3MP ជាប្រភេទ 1.4-type sensor ភ្ជាប់ជាមួយមុខងារ Dual Pixel CMOS AF II សម្រាប់មុខងារ PowerShot។
បន្ថែមពីនេះ PowerShot V1 មានភ្ជាប់មកជាមួយប្រព័ន្ធកង្ហាលត្រជាក់ដែលជួយធ្វើឲ្យការថតវីដេអូបានកាន់តែយូរមិនក្តៅ។ ជាមួយគ្នានេះ Canon PowerShot V1 ក៏អាចប្រើសម្រាប់វីដេអូខល និងធ្វើការ Livestream ដោយភ្ជាប់ជាមួយកុំព្យូទ័រតាមរយះ USB ហើយក៏អាចភ្ជាប់ជាមួយស្មាតហ្វូនតាមរយះខ្សែ ឬមិនប្រើខ្សែដោយប្រើកម្មវិធី Canon Camera Connect app បានថែមទៀតផង។
សម្រាប់ម៉ូដែលបន្ទាប់ គឺ Canon EOS R50V mirrorless camera ក៏មានការឌីស្សាញឡើងថ្មីដោយមានភ្ជាប់ជាមួយនូវប៊ូតុងសម្រាប់ដំណើរការមុខងារ Livestream ដែលហៅថា livestream button, recording button នៅផ្នែកខាងមុខនៃកាមេរ៉ា និង tripod screw hole នៅផ្នែកចំហៀងសម្រាប់មុខងារ Portrait recording ជាដើម។
Canono EOS R50V ភ្ជាប់មកជាមួយមុខងារ RF-mount ដែលអាចធ្វើការភ្ជាប់ជាមួយលែនប្រភេទCanon RF lenses ដូចជាលែនប្រភេទថ្មី RF-S14-30mm F4-6.3 IS STM PZ ដែល RF-S lens ជាលែនដំបូងដែលមានភ្ជាប់មកជាមួយមុខងារ Power zoom។
ទៅលើសមត្ថភាពផលិតរូបភាព និងវីដេអូវិញ ROS R50V ប្រើប្រាស់សែនស័រទំហំ 24MP ជាប្រភេទ APS-C sensor ភ្ជាប់ជាមួយមុខងារ Dual Pixel CMOS AF II ដែលគាំទ្រដំណើរការដោយបន្ទះឈីប DIGIC X processor។
កាមេរ៉ា mirrorless ថ្មីនេះ មានសមត្ថភាពអាចផលិតសាច់វីដេអូបានកម្រិត 4K ក្នុងល្បឿន 60fps ជាមួយមុខងារ crop និង YCC 4:2:2 កម្រិត 10-bit។ EOS R50V ក៏មានភ្ជាប់មកជាមួយមុខងារ Canon Log 3 ដែលអាចធ្វើការភ្ជាប់ជាមួយនិង Canon's Cinema EOS line បានផងដែរ។
សម្រាប់តម្លៃវិញ Canon PowerShot V1 មានតម្លៃខ្ទង់ $900។ ចំនែកម៉ូដែល EOS R50V មានតម្លៃខ្លួន $650 និងដល់ $850 នៅពេលទិញគូបជាមួយលែនតស៊េរី RF-S14-30mm F4-6.3 IS STM PZ lens។ កាមេរ៉ា Canon ស៊េរីថ្មីទាំងពីរស៊េរីនេះ នឹងចេញលក់នៅលើទីផ្សារក្នុងខេមេសានេះ៕
