ក្រុមហ៊ុនបច្ចេកវិទ្យា Huawei ត្រៀមធ្វើការប្រកាសចេញនូវប្រព័ន្ធបច្ចេកវិទ្យាសាកភ្លើងរថយន្តអគ្គិសនីល្បឿនលឿនដែលមានកំលាំងកម្រិត មេហ្គាវ៉ាត ឬ megawatt-level supercharger នៅថ្ងៃទី 22 ខែមេសា ខាងមុខនេះ ដើម្បីចូលរួមប្រគូតប្រជែង
ជាមួយនឹងក្រុមហ៊ុន BYD, Didi និង Zeekr។ ដោយបច្ចេកវិទ្យា megawatt-level supercharger គឺមានកំលាំងខ្លាំងដល់ 1.5MW ដែលអាចបញ្ចេញចរន្តភ្លើងបានក្នុងកំលាំង 2,400A។
លោក Hou Jinlong ដែលជានាយកផ្នែក Digital Energy របស់ Huawei បានប្រកាសសម្រាប់ឆ្នាំងសាកថ្មីរបស់ Huawei គឺបង្កើតឡើងដើម្បីឲ្យស្របទៅតាមវេទិកានៃការរីកចម្រើនផ្នែករថយន្តអគ្គិសនីក្នុងប្រភេទចិន ឬ China Electric Vehicle 100 Forum។ លោក Jinlong បានបន្ថែមថា ឧបករណ៍សាកថ្មថ្មីរបស់ Huawei អាចសាកភ្លើងចេញបានក្នុងកំលាំង 20 kWh ក្នុងមួយនាទី ហើយភ្លើងទៅកាន់ថ្មរថយន្តមួយពេញម្តងចាយពេលប្រមាណតែ 15 នាទីប៉ុណ្ណោះ។
មិនដូចឆ្នាំងសាករថយន្តអគ្គិសនីរបស់ Zeekr និង BYD ដែលសំដៅលើរថយន្តដឹកអ្នកដំណើរនោះទេ ដោយឆ្នាំងសាក 1.5MW របស់ក្រុមហ៊ុន Huawei នឹងផ្តោតលើរថយន្តដឹកទំនិញធុនធ្ងន់។ លោក Jinlong បាននិយាយថា "សម្រាប់ឡានដឹកទំនិញធុនធ្ងន់ ដើម្បីឱ្យមានចរន្តអគ្គិសនីពេញម្តង ត្រូវការពេលវេលាសាកតិចជាង 30 នាទី" ។
កាលពីថ្ងៃទី 15 ខែមករា ឆ្នាំនេះ ក្រុមហ៊ុន Huawei បានបញ្ចេញវីដេអូនៃការសាកថ្មរថយន្តអគ្គិសនី robotic arm mounted ដែលបំពាក់នៅលើឆ្នាំងសាករបស់វា។ ប្រព័ន្ធថ្មីនេះអាចសាករថយន្តអគ្គិសនីដោយមិនចាំបាច់អ្នកបើកបរចេញពីរថយន្ត ហើយភ្ជាប់ខ្សែសាកដោយដៃនោះទេ។ នៅក្នុងវីដេអូ ក្រុ Huawei បានបង្ហាញពីការសាកថ្មដោយប្រើប្រព័ន្ធ robotic arm mounted នៅលើរថយន្តប្រណិត Maextro S800 ដែលចតដោយស្វ័យប្រវត្តិនៅក្បែរឆ្នាំងសាកដែលបំពាក់ដោយដៃមនុស្សយន្ត ហើយត្រូវបានដោតដោយស្វ័យប្រវត្តិដែលត្រូវបានភ្ជាប់ជាមួយនឹងឆ្នាំងសាក 600kW របស់ Huawei៕
