តាមការទម្លាយថ្មីៗនេះ បានអោយដឹងថា ក្រុមហ៊ុន vivo បានត្រៀមខ្លួននៅក្នុងការបង្ហាញចេញនូវស្មាតហ្វូនជំនាន់ថ្មី vivo X200s និង vivo X200 Ultra នៅក្នុងប្រទេសចិននៅខែមេសានេះហើយ។ ជាមួយនឹងស្មាតហ្វូនប្រណិតៗទាំងនេះ ក្រុមហ៊ុននេះ ក៏នឹងមានប្រកាសបង្ហាញនូវផលិតផលជាច្រើនទៀតដូចជា vivo Pad 5 Pro, vivo Pad SE និង vivo Watch 5 ផងដែរ។
ទោះជាមានការចែកចាយព័ត៌មាននេះក៏ដោយ កាលបរិច្ឆេទនៃការប្រកាសជាផ្លូវការនៃផលិតផលទាំងនេះ នៅមិនទាន់ទម្លាយនៅឡើយទេ។ នៅពេលនេះ អ្នកទម្លាយ Digital Chat Station បានចែករំលែកព័ត៌មានលម្អិតរបស់ថេប្លេត និងស្មាតវ៉ចនេះ នៅលើ Weibo ហើយ។
លក្ខណៈសម្បត្តិរបស់ថេប្លេត vivo Pad 5 Pro
vivo Pad 5 Pro នឹងក្លាយជាថេប្លេត flagship ដែលមានអេក្រង់ទំហំ 13-អ៊ីង LCD ជាមួយនឹងកម្រិតភាពច្បាស់ដល់ទៅ 3.1K resolution និង refresh rate ខ្ពស់។ វាប្រើប្រាស់នូវបន្ទះឈីប Dimensity 9400 និងថាមពលថ្មទំហំ 12,000mAh ជាមួយនឹងបច្ចេកវិទ្យា 66W fast charging។ ថេប្លេតនេះនឹងមានកាមេរ៉ាខាងមុខទំហំ 8-Megapixel និងកាមេរ៉ាខាងក្រោយទំហំ 13-megapixel ។ ក្រុមហ៊ុន vivo នឹងផ្តល់នូវ 4 ទំហំសម្រាប់ថេប្លេតនេះគឺ 8GB+256GB, 12GB+256GB, 12GB+512GB និង 16GB+512GB ហើយវាមានពណ៌ Spring Tide Blue, Cold Star Gray, Cloud Pink និង Light Feather White ផងដែរ។
លក្ខណៈសម្បត្តិរបស់ថេប្លេត vivo Pad SE
vivo Pad SE គឺជាថេប្លេត entry-level ដែលមានអេក្រង់ទំហំ 12.25-អ៊ីង LCD ។ ក្រុមហ៊ុន Vivo នឹងផ្តល់នូវអេក្រង់ដ៏ពិសេសសម្រាប់ការពារភ្នែកបានយ៉ាងល្អ។ នៅក្នុងពេលនេះ វាមិនទាន់មានការបញ្ជាក់អំពីកាមេរ៉ា ថាមពលថ្ម និងបច្ចេកវិទ្យាសាកថ្មរបស់វានោះទេ។ ថេប្លេតនេះ នឹងមានបច្ចេកវិទ្យា 15W charging ហើយវាមាន 3 ទំហំគឺ 6GB+128GB, 8GB+128GB និង 8GB+256GB។ ថេប្លេតនេះ មានពណ៌ blue, titanium និង dark gray ដ៏ទាក់ទាញ។
ស្មាតវ៉ច vivo Watch 5
ក្រុមហ៊ុន vivo នឹងបញ្ចេញនូវស្មាតវ៉ច vivo Watch 5 ដែលនឹងប្រើប្រាស់នូវ Blue OS ( ឬ Blue River OS)។ ស្មាតវ៉ចនេះនឹងមាន 3 ពណ៌គឺ Starry Black, Moonlight White និង Stainless Steel edition។ សម្រាប់លក្ខណៈសម្បត្តិជាច្រើនទៀតរបស់វានៅមិនទាន់ដឹងនៅឡើយទេ ប៉ុន្តែស្មាតវ៉ចនេះនឹងមានការពង្រឹងទៅលើមុខងារតាមដានសុខភាព និងការតភ្ជាប់កាន់តែឆ្លាតវៃថែមទៀត៕
