no-alternative title
no-alternative title
no-alternative title
no-alternative title

Samsung Galaxy S25 Edge ត្រូវគេទម្លាយថា នឹងមានការពន្យាពេលបង្ហាញខ្លួនដល់ខែឧសភា

ថ្មីៗនេះមានសេចក្តីរាយការណ៍ជាច្រើនបាននិយាយថា ក្រុមហ៊ុន Samsung នឹងមានការប្រកាសចេញនូវស្មាតហ្វូនកម្រាស់ស្តើងរបស់ខ្លួនម៉ូដែល Galaxy S25 Edge នៅក្នុងខែនេះហើយ ប៉ុន្តែនៅក្នុងព័ត៌មានទាំងនោះ មិនមានការទម្លាយចេញជាក់លាក់នៅពេលវេលានៃការបង្ហាញខ្លួននោះទេ។ បន្ថែមពីនេះនៅលើក្នុងព័ត៌មាននេះក៏មានការទម្លាយថា ស្មាតហ្វូនថ្មីនេះ នឹងមានចេញលក់នៅលើចុងខែនេះថែមទៀតផង។ នៅថ្ងៃនេះ ផ្អែកតាមរបាយការណ៌របស់ ETNews បានអោយដឹងថា ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ អាចនឹងមានការពន្យាពេលប្រកាសចេញស្មាតហ្វូននេះរហូតដល់ខែក្រោយ ឬក៏ខែក្រោយមួយទៀត ដែលអាចនៅខែឧសភា ឬមិថុនាខាងមុខ។ 

 

រូបភាពពាណិជ្ជកម្ម
no-alternative title

សម្រាប់មូលហេតុនៃការពន្យាពេលនេះ ត្រូវបានរបាយការណ៌ខាងលើបញ្ជាក់ថា អាចមកពីការផ្លាស់ប្តូរនៅក្នុង MX division។ ដូច្នេះហើយប្រសិននេះគឺជាការពិតនោះ ការពន្យាពេលនេះ គឺមិនមែនមកពីសង្វាក់ផលិតកម្ម ឬក៏ទាក់ទងបញ្ហារបស់ផលិតផលនោះទេ។ ក្រុមហ៊ុន Samsung ធ្លាប់បានបញ្ជាក់ថា ខ្លួននឹងមានក្រុមហ៊ុន Telecom ចំនួន 3 ដែលនឹងធ្វើការដាក់លក់នៅស្មាតហ្វូនជំនាន់ថ្មី Galaxy S25 Edge នៅលើទីផ្សារកូរ៉េខាងត្បូង នៅពេលដែលស្មាតហ្វូននេះដាក់សម្ពោធជាផ្លូវការរួចរាល់។ សម្រាប់ព្រឹត្តិការណ៌របស់ស្មាតហ្វូននេះ អាចនឹងធ្វើតាមអនឡាញ។

គួរបញ្ជាក់ថា កាលពីចុងខែមករាកន្លងទៅនេះ នៅក្នុងកំឡុងព្រឹត្តិការណ៌ Galaxy Unpacked 2025 ក្រុមហ៊ុនបច្ចេកវិទ្យាយក្សកូរ៉េខាងត្បូង Samsung បានបង្ហាញចេញនូវស្មាតហ្វូនស៊េរីថ្មី Galaxy S25 Series ចំនួន 3 ម៉ូដែល។ ហើយនៅពេលនោះដែរ ក្រុមហ៊ុននេះ ក៏បានញ្ចេញនូវគំរូរបស់ស្មាតហ្វូនម៉ូដែលពិសេសមួយទៀតនៃត្រកូល S25-Series នេះផងដែរ នោះគឺ Galaxy S25 Edge។ នៅថ្ងៃនេះ តាមការទម្លាយជាថ្មីមួយ បានសសេរថា យើងប្រហែលជាមិនត្រូវចំណាយពេលវេលាយូរទៀតនោះទេ នៅក្នុងការទន្ទឹងរង់ចាំវត្តមានរបស់ស្មាតហ្វូនដែលមានកម្រាស់ស្តើងមួយនេះ ដោយសារតែស្មាតហ្វូន Edge នេះ នឹងបង្ហាញខ្លួននៅខែនេះហើយ។

កន្លងមកបើតាមការបង្ហោះរបស់គណនី @chunvn8888 ក៏បានបញ្ជាក់ថា ស្មាតហ្វូន Galaxy S25 Edge នឹងមានលក់ជាផ្លូវការណ៌នៅក្នុងខែមេសានេះហើយ ដោយនឹងមានលក់ផ្តាច់មុខនៅ MWG នៅក្នុងប្រទេសវៀតណាមថែមទៀតផង។ សូមជំរាបថា មុននេះ គឺមានពាក្យចចាមអារ៉ាមធ្លាប់បានបញ្ជាក់ថា កាលបរិច្ឆេទនៃការប្រកាសជាផ្លូវការរបស់ស្មាតហ្វូននេះ នឹងមាននៅថ្ងៃទី 15 ខែមេសាខាងមុខនេះ។ សម្រាប់ MWG គឺជាហាងលក់រាយដ៏ល្បីឈ្មោះមួយនៅក្នុងប្រទេសវៀតណាម។

 

ស្មាតហ្វូន Galaxy S25 Edge ថ្មីនេះ នឹងមានការប្រើប្រាស់នូវបន្ទះឈីប Snapdragon 8 Elite ដូចទៅនឹងស្មាតហ្វូន Galaxy S25 Series ផ្សេងៗទៀតអញ្ចឹងដែរ។ នៅលើស្មាតហ្វូននេះមានកម្រ៉ាស់ស្តើងនេះ នឹងមានថាមពលថ្មទំហំ 3,900mAh គាំទ្រជាមួយនឹងបច្ចេកវិទ្យាសាកថ្មល្បឿនលឿនកម្លាំង 25W charging ហើយនឹងមានអេក្រង់ទំហំ 6.65 អ៊ីងមានកម្រាស់ត្រឹមតែ 5.84mm ព្រមទាំងមានទម្ងន់ប្រហែលជា 160g ប៉ុណ្ណោះ៕

 

រូបភាពពាណិជ្ជកម្ម
no-alternative title

ព័ត៌មានពាណិជ្ជកម្ម
អត្ថបទគួរចាប់អារម្មណ៍