បើយោងតាមទិន្នន័យពីក្រុមហ៊ុន Yiche បានឲ្យដឹងថា ក្រុមហ៊ុន BYD គឺជាម៉ាកយីហោរថយន្តដែលលក់ដាច់បំផុតលំដាប់ទី 3 នៅលើពិភពលោកក្នុងខែកក្កដាឆ្នាំនេះ។ ទិន្នន័យនេះ បង្ហាញថា BYD លក់បានជិតពាក់កណ្តាលរថយន្តក្នុងចំនោមម៉ាកយីហោជាច្រើនដូចជា TOYOTA ដែលឈរនៅលំដាប់ទី 3 ដោយលក់រថយន្តសរុបបានចំនួន 651,200 គ្រឿង ចំនែកក្រុមហ៊ុន Volkswagen គឺឈរនៅលំដាប់ទី 2 ដោយលក់បានចំនួន 346,200 គ្រឿង។ ដោយឡែក BYD ដែលឈរនៅលំដាប់ទី 3 វិញ គឺលក់បានចំនួន 315,600គ្រឿង។
បើទោះបីជា BYD មានចំណាត់ថ្នាក់ខ្ពស់ក្នុងខែកក្កដាក៏ដោយ ប៉ុន្តែ បើកគិតចាប់ពីខែមករា ដល់ខែកក្កដា BYD ស្ថិតនៅលំដាប់លេខរៀងទីប្រាំបីក្នុងចំណាត់ថ្នាក់ក្រុមហ៊ុនរថយន្តដែលលក់រថយន្តដាច់បំផុតទាំង 20 ក្នុងលោក។ ដោយការលក់រថយន្តរបស់ BYD នៅទូទាំងពិភពលោកចាប់ពីខែមករា ដល់ ខែកក្តដា គឺមានចំនួន 1,714,100 គ្រឿង។ ចំនែកក្រុមហ៊ុនរួមស្រុក Geely វិញ ការលក់រថយន្តមានចំនួនទាបជាង BYD យ៉ាងខ្លាំងដោយលក់បានចំនួនប្រមាណ 577,700 គ្រឿងប៉ុណ្ណោះ បានឈរនៅចំណាត់ថ្នាក់លេខរៀងទី 18។
ជាថ្មីម្តងទៀតក្រុមហ៊ុន Toyota និង Volkswagen បានស្ថិតនៅក្នុងចំណាត់ថ្នាក់លេខ 1 និងទី 2 ក្នុងតារាងលក់រថយន្តនៅលើពិភពលោកចាប់ពីខែមករា ដល់ខែកក្តដា ដោយក្នុងនោះ TOYOTA លក់រថយន្តបានចំនួន 4,594,000 គ្រឿង រីឯ Volkswagen លក់បានចំនួន 2,613,600 គ្រឿង។ ចំពោះក្រុមហ៊ុន Honda គឺបានជាប់នៅចំណាត់ថ្នាក់លេខ 3 សម្រាប់ឆ្នាំនេះ ដោយលក់រថយន្តសរុបបានចំនួន 2,078,200 គ្រឿង៕
