នៅពេលនេះ Galaxy Tab S10 Series ដែលជាថេប្លេត Flagship ថ្មីរបស់ក្រុមហ៊ុន Samsung បានធ្វើអោយមានការភ្ញាក់ផ្អើលជាខ្លាំងទាកទង់ជាមួយនិងការឌីស្សាញ បច្ចេកវិទ្យាថ្មីៗ រួមនិងការប្រើប្រាស់ Accessories។ យោងតាមការទម្លាយព័ត៌មានថ្មីនៅពេលនេះ បាននិយាយថា ក្រុមហ៊ុន Samsung នឹងមានការនាំមកនូវមុខងារថ្មី ដែលអាចនឹងមានប្រកួតប្រជែងជាមួយនឹងក្រុមហ៊ុន Microsoft ផងដែរ។
តាមរបាយការណ៍ថ្មីមួយដែលដកស្រង់ចេញពី WinFuture បាននិយាយថា ក្រុមហ៊ុន Samsung អាចនឹងបន្ថែមនូវ “Galaxy AI key” ទៅលើក្តាចុច Keyboard របស់ថេប្លេត Galaxy Tab S10 ដូចគ្នាទៅនឹងក្តាចុច Microsoft’s Copilot+ PCs ដែលមានបំពាក់នូវប៊ូតុង AI នេះដែរ។ WinFuture ក៏បានបង្ហាញនូវ Galaxy AI key ជំនួសទៅលើប៊ូតុង Ctrl ខាងស្តាំនៅលើ keyboard នេះទៀតផង។ យ៉ាងណាមិញ សម្រាប់មុខងារនៃប៊ូតុងនេះមិនទាន់ដឹងថាមានបំពាក់នូវមុខងារអ្វីខ្លះនោះទេ។
របាយការណ៍ដដែលនេះ បានបន្ថែមថា សម្រាប់មុខងារជាច្រើននៅលើថេប្លេត Galaxy នេះ គឺមានការទ្រទ្រង់ជាមួយនិងស្បែកមុខកម្មវិធីចាប់ពី One UI 6.1.1 ឡើងទៅ។ ហើយម្រាប់ប៊ូតុងនេះ ក៏អាចនឹងមានមុខងារជាច្រើនដែលផ្តល់នូវប្រយោជន៍ជាច្រើនសម្រាប់អ្នកប្រើប្រាស់ផងដែរ។ បើមើលទៅលើការឌីស្សាញទាំងមូលរបស់ថេប្លេត Galaxy Tab S10 នេះ គឺមិនមានការផ្លាស់ប្តូរច្រើននោះទេ។ ការបែកធ្លាយជាច្រើនកន្លងមក បានទម្លាយថា ថេប្លេតជំនាន់ថ្មីរបស់ក្រុមហ៊ុន Samsung នេះ នឹងមានកាមេរ៉ាក្រោយភ្លោះបញ្ឈរខាងក្រោយ និងអេក្រង់ Notch display ជាមួយនឹងកាមេរ៉ា Selfie ផងដែរ។
បើមើលទៅលើតម្លៃថេប្លេតនេះ សម្រាប់ Ultra និង Plus គឺមានតម្លៃសមរម្យ ដោយថេប្លេតTab S10 Plus អាចនឹងមានតម្លៃប្រហែលជា $1,400 ហើយសម្រាប់ 5G គឺមានតម្លៃប្រហែលជា $1685។ សម្រាប់ម៉ូដែល Ultra គឺមានតម្លៃ $1660 សម្រាប់ទំហំ 12GB/512GB ខណៈពេលដែលម៉ូដែល 5G គឺមានតម្លៃ $2350។ ថេប្លេតជំនាន់ថ្មី Galaxy Tab S10 series នឹងបង្ហាញខ្លួននៅក្នុងខែតុលាខាងមុខនេះ៕
