ដូចការគ្រោងអញ្ចឹង នៅថ្ងៃនេះ ក្រុមហ៊ុន Huawei ពិតជាមានការប្រកាសចេញជាផ្លូវការនូវស្មាតហ្វូនអេក្រង់បត់ 3 តង់ម៉ូដែល Mate XT Ultimate Design ដែលជាស្មាតហ្វូនអេក្រង់បត 3 តង់ដំបូងគេលើពិភពលោក មានការឌីស្សាញជាមួយនិងរូបរាងថ្មី និងបច្ចេកវិទ្យាថ្មីៗមានភាពទាក់ទាញខ្លាំមែនទែន។ ស្មាតហ្វូននេះ គឺមានរូបរាងដូចជាស្មាតហ្វូនអេក្រង់ 1 ធម្មតា នៅពេលដែលបត់ចូលគ្នា។
អេក្រង់៖
Huawei Mate XT ស្មាតហ្វូនអេក្រង់បត 3 តង់ដំបូងគេលើពិភពលោកនេះ គឺមានអេក្រង់ទំហំ 10.2-អ៊ីង នៅពេលដែលលាតអេក្រង់ទាំង 3 ដែលទំហំនេះ គឺជាទំហំធំជាងគេមិនធ្លាប់មានសម្រាប់ស្មាតហ្វូនអេក្រង់បត់បាន។ ជាមួយគ្នាអ្នកប្រើប្រាស់ក៏អាចប្រើប្រាស់ស្មាតហ្វូននេះក្នុងទម្រង់ទំហំ 6.4-អ៊ីង ហើយនិងទំហំ 7.9-អ៊ីងបានផងដែរ។ ក្រុមហ៊ុននេះបានបញ្ជាក់ថា ស្មាតហ្វូននេះបំពាក់នូវអេក្រង់ OLED panel គាំទ្រនូវបច្ចេកវិទ្យា LTPO adaptive refresh rate និងមានបច្ចេកវិទ្យា 1440Hz high-frequency PWM dimming ហើយនិងទ្រទ្រង់នូវកម្រិតឆ្លើយតបអេក្រង់ Max 240Hz touch sampling rate ថែមទៀតផង។
ទំហំ និងទម្ងន់ ៖
-អេក្រង់ 1 មានទំហំ: 156.7mm (ប្រវែង) × 73.5 mm (ទទឹង) × 12.8 mm (កម្រ៉ាស់)
-អេក្រង់ 2 មានទំហំ: 156.7mm (ប្រវែង) × 143 mm (ទទឹង) × 7.45mm/4.75mm (កម្រ៉ាស់)
-អេក្រង់ 3 មានទំហំ: 156.7mm (ប្រវែង) × 219 mm (ទទឹង) × 3.6mm/3.6mm/4.75mm (កម្រ៉ាស់)
-Huawei Mate XT ស្មាតហ្វូនអេក្រង់បត 3 តង់ដំបូងគេលើពិភពលោកនេះ គឺមានទម្ងន់ត្រឹមតែ 238g ប៉ុណ្ណោះ ពិតជាងាយស្រួលកាន់ក្នុងដៃមែនទែន។
ថាមពលថ្ម៖
Huawei Mate XT ស្មាតហ្វូនអេក្រង់បត 3 តង់ដំបូងគេលើពិភពលោកនេះ គឺមានថាមពលថ្ម មានកម្រ៉ាស់ស្តើង មានទំហំសរុប 5,600mAh និងមានការទ្រទ្រង់ជាមួយនិងកម្លាំងសាក 66W wired charger ហើយនិងមានបច្ចេកវិទ្យាសាក50W wireless charging ផងដែរ។
កាមេរ៉ា
និយាយពីការថតរូបនៅលើ Huawei Mate XT ស្មាតហ្វូនអេក្រង់បត 3 តង់នេះ គឺមានការឌីស្សាញម៉ូឌុលកាមេរ៉ាមានរាង 6 ជ្រុង និងមាន 12MP f/2.2. aperture Ultra wide-angle សម្រាប់ថត wide shots ហើយនិងកាមេរ៉ាគោលទំហំ 50MP គាំទ្រដោយសិនស័រ 1/1.56-អ៊ីង ហើយនិងមាន Variable aperture technology ដែលអាចប្តូរពី f/1.4 ទៅ f/4.0 ជាមួយនិងល្បឿន 10-stop aperture system និងមានមុខងារទប់លំនឹង optical image stabilization ថែមទៀតផង។
សម្រាប់គ្រាប់ទីបី periscope telephoto មានទំហំ 12 megapixels ហ៊្សូមបាន 5.5x optical zoom ហើយនិងមានមុខងារទប់លំនឹង optical image stabilization ដូចគ្នា។ ឡែននេះអាចហ៊្សូមបាន 50X (13mm-1200mm)។ សម្រាប់គ្រាប់ទីបួន គឺ laser focus sensor។ ប្រព័ន្ធកាមេរ៉ាដែលមាននៅលើស្មាតហ្វូនថ្មីនះ ក៏មានការគាទ្រដោយប្រព័ន្ធ XMAGE technology ជំនួយដល់ការផលិតរូបភាពបានថែមទៀតផង។ ស្មាតហ្វូននេះមានកាមេរ៉ាមុខទំហំ 8MP។
តម្លៃ៖
Huawei Mate XT Ultimate Design បង្ហាញវត្តមានជាមួយតម្លៃចាប់ពី
1.16GB+256GB តម្លៃ 19999 យ៉ន់ (2,820 ដុល្លារ ឬ 2,548 យូរ៉ូ)
2.16GB+512GB តម្លៃ 21999 យ៉ន់ (3,108 ដុល្លារ ឬ 2,800 យូរ៉ូ)
3.16GB+1TB តម្លៃ 23999 យ៉ន់ (3,390 ដុល្លារ ឬ 3,050 យូរ៉ូ)
ស្មាតហ្វូននេះ មានការឌីស្សាញខ្នងក្រោយពីស្បែកគុណភាពខ្ពស់ និងមានពណ៌ក្រហម និងពណ៌ខ្មៅ។ សម្រាប់ការដាក់លក់ជាផ្លូវការណ៌ នឹងធ្វើឡើងនៅថ្ងៃទី 20 ខែកញ្ញា។
