នៅថ្ងៃនេះ ក្រុមហ៊ុនបច្ចេកវិទ្យា ASUS ទើបតែប្រកាសនូវបច្ចេកវិទ្យាច្នៃប្រឌិតចុងក្រោយបំផុតរបស់ខ្លួននៅក្នុងព្រឹត្តិការណ៍ Always Incredible Media Day នៅក្នុងកម្មវិធីពិពរណ៍ IFA 2024 នៅក្នុងទីក្រុងប៊ែកឡាំង ប្រទេសអាល្លឺម៉ង់។ ក្រុមហ៊ុននេះបានគូសបញ្ជាក់អំពីការប្តេជ្ញាចិត្តរបស់ខ្លួនទៅលើចក្ខុវិស័យ Ubiquitous AI. Incredible Possibilities របស់ខ្លួនតាមរយៈការប្រកាសបង្ហាញនូវកុំព្យូទ័រ ASUS Copilot+ PCs ជំនាន់ថ្មីរបស់ខ្លួនជាច្រើនម៉ូឌែល។ ជាមួយនឹងការបំពាក់នូវបន្ទះឈីប Intel® Core™ Ultra processors (Series 2) ចុងក្រោយបំផុតនេះ កុំព្យូទ័រថ្មីនេះមានស្ទាយ៍យ៉ាងស្រស់ស្អាត និងសមត្ថភាពខ្លាំងក្លាជាមួយនឹងបទពិសោធន៍នៃការប្រើប្រាស់បច្ចេកវិទ្យា AI ចុងក្រោយបំផុត។
ក្រុមហ៊ុន ASUS បានប្រើប្រាស់ទៅលើបន្ទះឈីប Intel® Core™ Ultra processors (Series 2) នៅលើកុំព្យូទ័រ laptops ជាច្រើនរបស់ខ្លួនដើម្បីបំពេញនូវតម្រូវការផ្សេងៗគ្នារបស់អ្នកប្រើប្រាស់។ កុំព្យូទ័រ ASUS AI PCs ថ្មីនេះអាចប្រកួតប្រជែងបានជាមួយនឹងកុំព្យូទ័រកម្រិតខ្ពស់ជាច្រើនទៀតនៅលើទីផ្សារដោយសារតែសមត្ថភាពដ៏ខ្លាំងក្លារបស់វា និងតម្លៃសមរម្យក្នុងការប្រើប្រាស់ថែមទៀត។ ជាមួយនឹងការប្រើប្រាស់នូវ NPU ដែលមានកម្រិតដល់ទៅ 48 TOPS នេះ វាក៏មានមុខងារ AI យ៉ាងច្រើនសម្រាប់ប្រើប្រាស់ផងដែរ។ ម៉ូឌែលថ្មីនេះក៏មានការអាប់ដេតទៅកាន់បទពិសោធន៍ Copilot+ PC ដែលពិតជាប្លែកសម្រាប់អ្នកប្រើប្រាស់។
កិច្ចសហការរបស់ក្រុមហ៊ុននេះជាមួយនឹងក្រុមហ៊ុនបច្ចេកវិទ្យា Intel បាននាំយកនូវបច្ចេកវិទ្យាទំនើបៗជាច្រើនទៅកាន់ឧបករណ៍នេះ។ លោក Rangoon Chang អនុប្រធានរបស់ក្រុមហ៊ុន ASUS Corporate Consumer Business Unit និយាយថា “បន្ទះឈីប l Intel® Core™ Ultra processors គឺជាបេះដូងនៃកុំព្យូទ័រ Zenbook, Vivobook, ExpertBook laptops ចុងក្រោយបំផុត ហើយសម្រាប់ NUC Mini PC ក៏ផ្តល់នូវល្បឿនខ្លាំងក្លា និងបទពិសោធន៍នៃបច្ចេកវិទ្យា AI យ៉ាងសម្បូរបែប។ ជាមួយនឹងកុំព្យូទ័រទាំងនេះ វានឹងផ្តល់នូវបច្ចេកវិទ្យា AI ដែលធ្វើអោយជីវិតកាន់តែឆ្លាតវៃ និងងាយស្រួលជាងមុន។”
លោក Michelle Johnston Holthaus អនុប្រធាន និងអ្នកគ្រប់គ្រងទូទៅរបស់ Client Computing Group នៃក្រុមហ៊ុន Intel និយាយថា “ជាមួយនឹងក្រុមហ៊ុន ASUS យើងកំពុងតែផ្តល់នូវបទពិសោធន៍ថ្មីទៅលើបទពិសោធន៍នៃកុំព្យូទ័រ consumer និង commercial ។ កុំព្យូទ័រ ASUS laptops នេះមានបន្ទះឈីប Intel® Core™ Ultra processors (Series 2) ដែលផ្តល់នូវសមត្ថភាពខ្លាំងក្លាក្នុងការប្រើប្រាស់ ថាមពលថ្មប្រើប្រាស់បានយូរ មុខងារជាច្រើនទៅលើផ្នែកសុវត្ថិភាព និងបច្ចេកវិទ្យា AI យ៉ាងទំនើបបំផុត។ ចាប់ពីផ្នែកផលិតភាពការងាររហូតដល់ភាពច្នៃប្រឌិតនោះ ផលិតផលនេះផ្តល់នូវបទពិសោធន៍នៃការប្រើប្រាស់ដ៏អស្ចារ្យទៅលើគ្រប់ផ្នែកនៃការប្រើប្រាស់។”
កុំព្យូទ័រ Copilot+ PCs សម្រាប់អនាគតដែលមិនគួរអោយជឿ
នៅក្នុងព្រឹត្តិការណ៍នេះ ក្រុមហ៊ុន ASUS ទើបតែប្រកាសបង្ហាញនូវបច្ចេកវិទ្យាថ្មីជាច្រើនសម្រាប់សករាជថ្មីនៃកុំព្យូទ័រនេះ។ កុំព្យូទ័រទាំងនេះបំពាក់នូវបន្ទះឈីប Intel® Core™ Ultra 9 processor (Series 2) ជាមួយនឹង 48 NPU TOPS ដែលផ្តល់នូវបច្ចេកវិទ្យា AI ផ្តាច់មុខនៅលើប្រព័ន្ធប្រតិបត្តិការ Windows 11 ។ បទពិសោធន៍ Copilot+ PC ក៏អាចដំណើរការបានតាមរយៈការអាប់ដេតដោយឥតគិតថ្លៃ។
កុំព្យូទ័រ Zenbook S 14 និង Zenbook S 16 គឹមានលក្ខណៈពិសេសជាច្រើន។ វាមានរូបរាងស្លីម និងអេក្រង់ ultralight OLED ដែលមានបច្ចេកវិទ្យាកម្រិតខ្ពស់ជាមួយនឹងការឌីស្សាញយ៉ាងស្រស់ស្អាត និងទាន់សម័យ។ កុំព្យូទ័រ Zenbook S series នេះគឹប្រើប្រាស់នូវបច្ចេកវិទ្យា Ceraluminum™ ដែលមានពណ៌យ៉ាងទាក់ទាញ។ ក្រុមហ៊ុន ASUS ក៏ទើបតែប្រកាសបង្ហាញនូវកុំព្យូទ័រ Vivobook S 14 ដែលមានរូបរាងស្លីម និងទម្ងន់ស្រាលក្នុងការប្រើប្រាស់។ បើមើលទៅលើកុំព្យូទ័រ Vivobook 14 Flip និង Vivobook 16 Flip នេះមានបន្ទះឈីប Intel® Core™ Ultra 7 processor (Series 2) និងបំពាក់នូវបច្ចេកវិទ្យា AI ថែមទៀត។ សម្រាប់គ្រប់ម៉ូឌែលនៃកុំព្យូទ័រ Zenbook និង Vivobook នេះនឹងមានកម្មវិធីផ្តាច់មុខ StoryCube application របស់ក្រុមហ៊ុន ASUS ដែលមានបច្ចេកវិទ្យា AI ជាច្រើន។
ក្រុមហ៊ុនបច្ចេកវិទ្យា ASUS ទើបតែប្រកាសបង្ហាញនូវកុំព្យូទ័រ ExpertBook P series ដែលមានគោលដៅសម្រាប់សហគ្រិន អ្នកប្រើប្រាស់ និងអាជីវកម្មខ្នាតតូចដែលមានបំពាក់នូវបច្ចេកវិទ្យា AI ។ កុំព្យូទ័រ ExpertBook P5 នេះមានបច្ចេកវិទ្យា AI ជាច្រើនដែលមាន Intel® Core™ Ultra 7 processor (Series 2) ជាមួយនឹង 48 NPU TOPS ។ សម្រាប់ ASUS AI ExpertMeet tools គឺអាចពង្រឹងទៅលើបទពិសោធន៍នៃការប្រើប្រាស់ជាមួយនឹងមុខងារកម្រិតខ្ពស់ជាច្រើនដូចជាe AI translation, AI subtitles, AI noise canceling និងជាច្រើនទៀត។ ម៉ូឌែល P series គឺមាន ExpertBook P3 និងExpertBook P1 មានភាពធន់ និងសុវត្ថិភាពក្នុងការប្រើប្រាស់ក្នុងការធ្វើការងារជាច្រើន។ បន្ថែមពីនេះ ក្រុមហ៊ុន ASUS ក៏ប្រកាសបង្ហាញនូវកុំព្យូទ័រ ASUS NUC 14 Pro AI mini PC ជាមួយនឹងបន្ទះឈីប Intel® Core™ Ultra 9 processor (Series 2) ចុងក្រោយបំផុត។ សម្រាប់កុំព្យូទ័រនេះមាន 120 total platform TOPS ដែលមានសមត្ថភាព AI ដ៏ខ្លាំងក្លាក្នុងកម្រិតមួយមិនធ្លាប់មាន។
កុំព្យូទ័រ Zenbook S series សមត្ថភាពខ្លាំងក្លាក្នុងការប្រើប្រាស់ និងការឌីស្សាញយ៉ាងប្រណិត
កុំព្យូទ័រ Zenbook S 14 (UX5406) នេះមានការឌីស្សាញយ៉ាងពិសេស និងសមត្ថភាពខ្លាំងក្លាក្នុងការប្រើប្រាស់។ កុំព្យូទ័រនេះមានអេក្រង់ទំហំ 14-inch ទម្ងន់ស្រាលត្រឹមតែ 1.2Kg ។ វាក៏ប្រើប្រាស់នូវ Ceraluminum ដែលធ្វើអោយកុំព្យូទ័រ Zenbook S 14 នេះមានភាពធន់ក្នុងការប្រើប្រាស់ និងរូបរាងយ៉ាងរឹងមាំបំផុត។ កុំព្យូទ័រ Zenbook S 14 នេះមានបន្ទះឈីប Intel® Core™ Ultra 9 processor (Series 2) ជាមួយនឹងកម្រិតកម្លាំងដល់ទៅ 48 NPU TOPSនិងបច្ចេកវិទ្យាAI ចុងក្រោយបំផុតថែមទៀត។ វាមានអេក្រង់ទំហំ 3K 120 Hz Lumina OLED ជាមួយនឹង speakers ចំនួន 4 ដែលផ្តល់នូវបទពិសោធន៍នៃគុណភាពសំឡេងយ៉ាងអស្ចារ្យថែមទៀតផង។ ជាមួយនឹងបច្ចេកវិទ្យា AI noise cancelation នេះគឺផ្តល់នូវការខលបានច្បាស់ និងកាមេរ៉ា FHD AiSense IR ដែលទ្រទ្រង់ទៅលើបច្ចេកវិទ្យា AI effects ជាច្រើនទៀត។
កុំព្យូទ័រ Zenbook S 14 នេះមានថាមពលថ្មទំហំ 72 Wh ជាមួយនឹងរន្ធ I/O ports ជាច្រើនសម្រាប់ការតភ្ជាប់ទំនាក់ទំនងថែមទៀត។ កុំព្យូទ័រ Zenbook S 14 នេះអាចធ្វើការ pre-order បាននៅលើវេបសាយ http://asus.com និងហាងលក់រាយជាច្រើនទៀតជាមួយនឹងតម្លៃចាប់ពីUS$1,399 ។ ក្រុមហ៊ុន ASUS ក៏ប្រកាសបង្ហាញនូវកុំព្យូទ័រ Zenbook S 16 (UX5606) ដែលមានរូបរាងស្លីម ទម្ងន់ស្រាល និងអេក្រង់ទំហំ 16-inch ultraportable ជាមួយនឹងបន្ទះឈីប Intel® Core™ Ultra processor (Series 2) ចុងក្រោយបំផុតថែមទៀត។
កុំព្យូទ័រ Vivobook S 14: សមត្ថភាពខ្លាំងក្លាជាមួយនឹងការឌីស្សាញយ៉ាងល្អឥតខ្ចោះ
កុំព្យូទ័រ ASUS Vivobook S 14 (S5406SA) នេះមានរូបរាងស្រស់ស្អាតជាមួយនឹងទម្ងន់ស្រាលត្រឹមតែ 1.3kg ដែលផ្តល់នូវភាពរលូនក្នុងការធ្វើការងារ និងការកម្សាន្តបានយ៉ាងសម្បូរបែប។ ជាមួយនឹងការបំពាក់នូវបច្ចេកវិទ្យា ASUS IceCool thermal technology នេះគឺមាន 2x 97-blade IceBlade fans និង 2x air vents ដែលអាចបំភាយកំដៅបានយ៉ាងល្អថែមទៀត។ ជាមួយនឹងការបំពាក់នូវបន្ទះឈីប Intel® Core™ Ultra 7 processor (Series 2) ជាមួយនឹងបច្ចេកវិទ្យា AI ដែលមានកម្លាំងដល់ទៅ 47 NPU TOPSនោះ កុំព្យូទ័រ Vivobook S 14 នេះអាចដំណើរការនូវបច្ចេកវិទ្យា AI ដើម្បីគ្រប់គ្រងការងារបានយ៉ាងល្អ ខណៈពេលដែលថាមពលថ្មទំហំ 75Wh នេះអាចប្រើប្រាស់បានពេញមួយថ្ងៃបានយ៉ាងល្អបំផុត។
បើមើលទៅលើការឌីស្សាញរបស់កុំព្យូទ័រនេះគឺមានភាពទាន់សម័យជាមួយនឹងការបំពាក់នូវ ASUS ErgoSense keyboard ជាមួយនឹង single-zone RGB backlightingនិង ultra-large ErgoSense touchpad ធំដែលងាយស្រួលក្នុងការគ្រប់គ្រង និងបញ្ជាទៅលើស្មាតហ្វូននេះ។ បន្ថែមពីនេះ វាក៏តភ្ជាប់ជាមួយនឹង ultrafast WiFi 7 connectivityរន្ធ I/O ports, អេក្រង់ 16:10 3K 120 Hz display, និងប្រព័ន្ធសំឡេង Harman Kardon-Dolby Atmos® audio system ដែលធ្វើអោយកុំព្យូទ័រ Vivobook S 14 នេះសក្តិសមបំផុតក្នុងការប្រើប្រាស់ និងគួរអោយជឿជាក់បំផុត។
កុំព្យូទ័រ Vivobook 14/16 Flip បំពាក់នូវ AI កាន់តែឆ្លាតវៃ
ASUS Vivobook 14 Flip (TP3407) គឺជាប្រភេទកុំព្យូទ័រ cutting-edge convertible ដែលផ្តល់នូវភាពកម្សាន្ត និងផលិតភាពការងារយ៉ាងសម្បូរបែប។ បន្ថែមពីនេះ វាក៏មាន 360° hinge ដែលអនុញ្ញាតអោយកុំព្យុទ័រនេះអាចប្រើប្រាស់បានជាទម្រង់ laptop, tent, stand ឬ tablet mode បានយ៉ាងងាយស្រួល ហើយវាក៏អាចប្រើប្រាស់បានជាមួយនឹង ASUS Pen 2.0 ។ កុំព្យូទ័រនេះមានរូបរាងស្លីម ទម្ងន់ស្រាល និងកម្រាស់ត្រឹមតែ 1.7 cm ហើយវាមានទម្ងន់ត្រឹមតែ 1.5Kg ដែលពិតជាងាយស្រួលក្នុងការយកតាមខ្លួនគ្រប់ទីកន្លែង។
កុំព្យូទ័រ Vivobook 14 Flip នេះមានបន្ទះឈីប Intel® Core™ Ultra 7 processor (Series 2) ជាមួយនឹងកម្លាំងដល់ទៅ 47 NPU TOPS សម្រាប់ការងារ AI និងសមត្ថភាពខ្លាំងក្លាក្នុងការប្រើប្រាស់។ កុំព្យូទ័រនេះមានថាមពលថ្មទំហំ 70 Wh ជាមួយនឹង ultrafast WiFi 7 connectivity និងរន្ធផត I/O ports សម្រាប់ការតភ្ជាប់ទំនាក់ទំនងបានយ៉ាងល្អ។ សម្រាប់ប្រព័ន្ធសំឡេង Dolby Atmos audio system ធានាផ្តល់នូវគុណភាពសំឡេងបានល្អដែលធ្វើអោយវាក្លាយជាកុំព្យូទ័រ AI ដ៏ខ្លាំងក្លា។ កុំព្យូទ័រ Vivobook 14 Flip នេះក៏មានអេក្រង់ 14-inch FHD NanoEdge touchscreen ដែលផ្តល់នូវបទពិសោធន៍នៃការទស្សនាយ៉ាងអស្ចារ្យបំផុតទាំងការធ្វើការងារ និងការកម្សាន្ត។ ក្រុមហ៊ុនបច្ចេកវិទ្យា Asus ក៏ប្រកាសបង្ហាញនូវកុំព្យូទ័រ Vivobook 16 Flip (TP3607) ដែលមានអេក្រង់ធំ 16-inch 3K OLED display ងាយស្រួលក្នុងការកម្សាន្ត និងអេក្រង់ភ្លឺច្បាស់ក្នុងការប្រើប្រាស់ថែមទៀត។
កុំព្យូទ័រ ExpertBook P series:បដិវត្តការងារជម្រុញដោយ AI
ក្រុមហ៊ុនបច្ចេកវិទ្យា ASUS ទើបតែប្រកាសបង្ហាញនូវកុំព្យូទ័រ ExpertBook P Series ដែលល្អបំផុតសម្រាប់សហគ្រិន អ្នកធ្វើការងារនិងអាជីវកម្មខ្នាតតូច។ កុំព្យូទ័រ flagship ExpertBook P5 (P5405) នេះមានបន្ទះឈីប cutting-edge Intel® Core™ Ultra processors (Series 2) និង ASUS AI ExpertMeet tools សម្រាប់ផ្តល់នូវកាងារជាមួយនឹង AI យ៉ាងមានប្រសិទ្ធិភាព។ សម្រាប់ tools នេះមានបំពាក់នូវមុខងារកម្រិតខ្ពស់ជាច្រើនដូចជា AI transcript, AI translation, AI subtitles, assisted meeting summaries, AI camera, AI noise canceling និងការងារជាច្រើនទៀត។ សម្រាប់បន្ទះឈីប Intel នេះមានកម្លាំង 47 NPU TOPS ដែលធ្វើអោយកុំព្យូទ័រ ExpertBook P5 នេះអាចដំណើរការនូវបច្ចេកវិទ្យា AI បានយ៉ាងមានប្រសិទ្ធិភាព។ កុំព្យូទ័រនេះមានថាមពលថ្មអាចប្រើប្រាស់បានដល់ទៅ 20 ម៉ោងសម្រាប់ការចាក់វីដេអូ ឬ 20 ម៉ោងទៅលើផលិតភាពការងារ។ កុំព្យូទ័រ P series នេះមានម៉ូឌែល ExpertBook P3 (P3405/P3605) និង ExpertBook P1 ( P1403/P1503) ដែលផ្តល់នូវសមត្ថភាពខ្លាំងក្លា និងធន់ក្នុងការប្រើប្រាស់សម្រាប់អាជីវកម្មខ្នាតតូច និងប្រកបដោយភាពជំនាញបំផុត។
កុំព្យូទ័រ ExpertBook P Series នេះក៏មានមុខងារសុវត្ថិភាពជាច្រើនដូចជា Secure Boot និង Trusted Platform Module (TPM) ដែលការងារសុវត្ថិភាពកុំព្យូទ័រនេះបានខ្ពស់មែនទែននៅពេលដែល startup ។ វាក៏មានផ្តល់នូវ SafeGuard Backup tool ដែលអាចធ្វើការ backup ទិន្នន័យយ៉ាងមានសុវត្ថិភាពជាមួយនឹង encryption ថែមទៀត។ ក្រុមហ៊ុន ASUS ក៏បានសហការជាមួយនឹងក្រុមហ៊ុន McAfeeដែលមានការតម្លើងមកជាមួយនឹង McAfee+ Premium Individual Unlimited នៅគ្រប់ម៉ូឌែល ExpertBook P Series laptops ដែលផ្តល់រយៈពេល ១ ឆ្នាំចាប់ពីខែកញ្ញាឆ្នាំ 2024 នេះ។
ASUS NUC 14 Pro AI: កុំព្យូទ័រ AI ដ៏ខ្លាំងក្លា
កុំព្យូទ័រ ASUS NUC 14 Pro AI នេះក៏មានបច្ចេកវិទ្យា AI NUC mini-PC technology ។ ជាមួយនឹងបន្ទះឈីប t Intel® Core™ Ultra 9 processor (Series 2) ចុងក្រោយបំផុតនេះ វាក៏អាចបង្កើនទៅលើសមត្ថភាពបានយ៉ាងខ្លាំងក្លាទៅលើ CPU, GPU និង NPU ជាមួយនឹង 120 TOPS ។ វាក៏មាន NPU ជាមួយនឹង 48TOPS និងការបង្កើនទៅលើសមត្ថភាព AI បានយ៉ាងល្អ។ បន្ថែមពីនេះទៀត កុំព្យូទ័រ ASUS NUC 14 Pro AI នេះគឺអាចប្រតិបត្តិការងារបាន 24/7 ជាមួយនឹង advanced thermal management, EPEAT Climate+ energy efficiency standards និងមុខងារសុវត្ថិភាពជាច្រើនដូចជា Secure Boot, fingerprint recognitionនិង built-in Trusted Platform Model (TPM) ។ ជាមួយនឹងការបំពាក់នូវ speakers និង microphones ដែលអាចបញ្ជាជាសំឡេងបាន ខណៈពេលដែល ASUS Control Center Remote Managementនិង Microsoft’s Windows Autopilot សម្រាប់ប្រតិបត្តិទៅលើការងារ IT និងឧបករណ៍ជាច្រើនទៀត បន្ថែមពីនេះទៀតនោះ ប្រព័ន្ធ intelligent cooling នេះធានាបានទៅលើកម្លាំងម៉ាស៊ីនខ្លាំងក្លាបំផុត។ កុំព្យូទ័រ ASUS NUC 14 Pro AI នេះផ្តល់នូវដំណោះស្រាយ AI ដ៏ល្អបំផុតរបស់អ្នក៕
