Huawei Mate XT Ultimate Design ត្រូវបានក្រុមហ៊ុនបញ្ជាក់ថា មានការទ្រទ្រង់ជាមួយនិងប្រព័ន្ធផ្កាយរណប ឬហៅថា Satellite Communication ដូចគ្នាជាមួយនិងម៉ូដែលមួយចំនួនរបស់ខ្លូនបាន ដែលអាចអនុញាតអោយអ្នកប្រើប្រាស់អាចធ្វើការទំនាក់ទំនងគ្នាបានជាមួយគ្រួសារ មិត្តភក្តិបាន ទោះបីជាមិនមានសេវាទូរស័ព្ទក៏ដោយ។ ប៉ុន្តែសម្រាប់ការប្រើប្រាស់ខាងលើមុខងារខាងលើនេះ គឺមានការទាមទារលក្ខណមួយ គឺទាល់តែបើកអេក្រង់ទាំងបីទើបអាចប្រើប្រាស់ប្រព័ន្ធ Satellite បាន។
ផ្អែកតាមការបញ្ជាក់ផ្លូវការណ៌របស់ក្រុមហ៊ុននេះ គឺបានអោយដឹងថា Huawei Mate XT អាចប្រើប្រាស់ប្រព័ន្ធ Satellite បានលុះត្រាតែបើកអេក្រង់ទាំងបី។ សម្រាប់ការប្រើប្រាស់បច្ចេកវិទ្យានេះ គឺត្រូវតែបើកអេក្រង់ទាំង 3 ទើបអាចធ្វើការខលSatellite Calling បាន។ ស្មាតហ្វូនអេក្រង់បត់បាន 3 តង់ Mate XT ត្រូវបានក្រុមហ៊ុនបច្ចេកវិទ្យាយក្សចិនមួយនេះ ដាក់អោយប្រើប្រាស់នូវប្រព័ន្ធ Tiantong satellite communication។ ជាមួយនិងបច្ចេកវិទ្យានេះ អ្នកប្រើប្រាស់អាចធ្វើការខលតាមរយៈ satellite calling ឬផ្ញើសារ និងទទួលសារបាន ដោយមិនចាំបាច់មានសេវានោះទេ។ បន្ថែមពីនេះ អ្នកប្រើប្រាស់ក៏អាចកែប្រែទៅលើសារបានថែមទៀតផង។ ប៉ុន្តែត្រូវតែបើកអេក្រង់ 3 ទើបដំណើរការ។
ទាក់ទងទៅនឹងបញ្ហាខាងលើនេះ ក្រុមហ៊ុន Huawei មិនបានបញ្ជាក់ពីព័ត៌មានជាក់លាក់ខាងលើនេះនោះទេ។ មានការព្យាករណ៌ថានេះ គឺជាតម្រូវការរបស់ក្រុមហ៊ុនផ្គត់ផ្គង់សេវាប្រព័ន្ធ Satellite ខាងលើនេះ ដោយក្រុមហ៊ុននេះអាចនឹងមានការតម្លើងនូវផ្នែកខ្លះនៃឧបករណ៌នានានៅតាមទម្រង់បត់។ ដូច្នេះដើម្បីអាចធ្វើការងារនៅលើប្រព័ន្ធ Satellite នេះបាន គឺទាមទារទាល់តែបើកអេក្រង់ទាំងបីទើបអាចប្រើប្រាស់ប្រព័ន្ធ Satellite បានរលូន។ ក្រុមហ៊ុន Huawei អាចនឹងបញ្ចេញនូវព័ត៌ជាក់លាក់ពីបច្ចេកវិទ្យានេះនៅពេលខាងមុខ។
