ថ្មីៗនេះ Apple បានប្រកាសចេញនូវស្មាតហ្វូនជំនាន់ថ្មីរបស់ខ្លួន iPhone 16 series ដែលមានចំនួន 4 ម៉ូដែលរួមមានដួចជា iPhone 16, iPhone 16 Plus, iPhone 16 Pro និង iPhone 16 Pro Max ហើយស្មាតហ្វូនទាំងនេះ នឹងមានដាក់លក់ជាផ្លូវការណ៌នៅលើទីផ្សារសកលនាថ្ងៃទី 20 ខែកញ្ញាខាងមុខនេះហើយ។ នៅពេលនេះ ស្មាតហ្វូន iPhone 16 Pro ត្រូវបានគេប្រទះឃើញថា បានបង្ហាញវត្តមាននៅលើបញ្ជីធ្វើតេស្តសមត្ថភាព Geekbench ហើយ ដែលថែមទាំងមានការបញ ញ្ជាក់ពីពិន្ទុរបស់ស្មាតហ្វូនថ្មីនេះទៀតផង។
ព័ត៌មានថ្មីនេះត្រូវបានគេបង្ហោះនៅលើបណ្តាញ X តាមរយៈគណនីមួយដែលមានឈ្មោះថា James Atkinson ដោយមានការភ្ជាប់នូវបញ្ជីរបស់ Geekbench ទៀតផង។ មានការបង្ហាញថា ការតេស្តស្មាតហ្វូននេះនៅលើបញ្ជី Geekbench 6 គឺទទួលបាននូវពិន្ទុ Identifier 17,3 ដោយ 3114 ទៅលើការតេស្ត Single Cores និង 6666 ទៅលើការតេស្ត Multi-Cores។ ផ្អែកតាមបញ្ជីខាងលើនេះ មានការព្យាករណ៌ថា នេះគឺជាពិន្ទុរបរស់ស្មាតហ្វូន iPhone 16 Pro។
សូជំរាបថា iPhone 15 ដែលបង្ហាញត្តមានឆ្នាំមុនជាមួយនិងឈីប A16 គឺទទួលបាននូវពិន្ទុ 2,595 ទៅលើការតេស្ត Single Cores និង 6,651 ទៅលើការតេស្ត Multi-Cores ខណៈដែល iPhone 15 Pro ប្រើប្រាស់ឈីប A17 Pro គឺមានពិន្ទុ 2,900 ទៅលើការតេស្ត Single Cores និង 7,440 ទៅលើការតេស្ត Multi-Cores។ ដូច្នេះប្រៀបធៀបជាមួយនិងជំនាន់មុន បញ្ជាក់ថា iPhone 16 Pro គឺហាក់ដូចជាមិនខ្លាំងដូចការរំពឹងទុកនោះទេ។
គួរនបញ្ជាក់ថា សម្រាប់ការបង្ហាញវត្តមានរបស់ iPhone 16 series ឆ្នាំនេះ សម្រាប់ម៉ូដែលស្តង់ដារគឺប្រើប្រាស់ A18 ខណៈដែលម៉ូដែល Pro ដំណើរការនៅលើបន្ទះឈីប A18 Pro។ បន្ទះឈីបនេះ គឺដំណើរការដោយបច្ចេកវិទ្យាថ្មីរបស់ TSMC កម្រិត 3nm process និងមានការប្រើប្រាស់នូវ 6 CPU cores។ សម្រាប់ A18 Pro គឺមានការបន្ថែមនូវ GPU core (6-core vs 5) ដែលនេះ គឺជាចំនែកថ្មីមួយសម្រាប់ជំនួយទៅដល់ការលេងហ្គេមនៅលើស្មាតហ្វូនម៉ូដែល Pro អោយកាន់តែខ្លាំង។