កាលពីខែឧសភាកន្លងទៅនេះ ក្រុមហ៊ុន Sony បានប្រកាសចេញនូវស្មាតហ្វូនជំនាន់ថ្មីរបស់ខ្លូន Xperia 1 VI និង Xperia 10 VI នៅលើទីផ្សារ ប៉ុន្តែមិនមានការបង្ហាញចេញនូវស្មាតហ្វូនម៉ូដែលថ្មី Xperia 5 VI ដែលក្រុមហ៊ុននេះហៅថាជាម៉ូដែល small flagships នោះទេ។ ស្មាតហ្វូននេះត្រូវបានគេរំពឹងថា ក្រុមហ៊ុននេះ នឹងមានការបោះបង់ចោល។
នៅថ្ងៃនេះ យោងតាមការចេញផ្សាយព័ត៌មានថ្មីរបស់សារព័ត៌មានជប៉ុន Japanese Media បាននិយាយថា ក្រុមហ៊ុន Sony នឹងមិនមានការប្រកាសចេញនូវវត្តមានស្មាតហ្វូនជំនាន់ថ្មី Xperia 5 series នោះទេ។
ដំណឹងនេះ គឺមានការចុះផ្សាយសារព័ត៌មាន K-Tai Watch ដែលដកស្រង់ចេញពីសន្និសីទសារព័ត៌មានមួយដែលមានការចូលរួមពីសំណាក់មេធំៗរបស់ Sony ចំនួន 2 រូប។ ក្រុមហ៊ុន Sony មានគម្រោងនឹងបន្តដាក់លក់ស្មាតហ្វូន Xperia 5 V ដែលបានប្រកាសចេញកាលពីឆ្នាំមុនដដែល។ ការសម្រេចចិត្តរបស់ក្រុមហ៊ុននេះ គឺធ្វើឡើងទាំងនៅលើទីផ្សារក្នុងស្រុកនិងនៅលើទីផ្សារសកល។
ការសម្រេចចិត្តខាងលើនេះ ត្រូវបានគេបញ្ជាក់ថា ដោយសារតែក្រុមហ៊ុន Sony បានមើលឃើញពីការកើនឡើងនៃចំនួនអ្នកប្រើប្រាស់ស្មាតហ្វូន Xperia 5 V ដែលបានប្តូរទៅប្រើប្រាស់នូវម៉ូដែលថ្មី Sony 1 VI។ មកដល់ពេលនេះ ក្រុមហ៊ុន Sony នៅមិនទាន់មានការបញ្ចេញនូវយុទ្ធសស្រ្តទីផ្សាររបស់ខ្លួនសម្រាប់ឆ្នាំ 2025 ជាសាធារណៈនៅឡើយទេ។ មានការបញ្ជាក់ថា ការដាក់លក់ស្មាតហ្វូន Sony 5-series នឹងមានការផ្លាស់ប្តូរទៅលើផ្នែកមួយចំនួនប្រសើរជាងមុន ដើម្បីបំពេកសេចក្តីត្រូវការរបស់អ្នលប្រើប្រាស់ និងតម្រូវតាមទីផ្សារដែលគេចង់បាន។
