ថ្មីៗនេះ ក្រុមហ៊ុន Huawei ទើបតែប្រកាសជាផ្លូវការទៅលើស្មាតហ្វូន Mate XT Ultimate ដែលជាស្មាតហ្វូនបត់បាន 3 តង់របស់ខ្លួននៅលើទីផ្សាររបស់ចិនប៉ុន្តែក្រុមហ៊ុនបច្ចេកវិទ្យាចិនមួយនេះ នៅទាន់មិនបានបញ្ជាក់ពីគោលបំណងនៅក្នុងការប្រកាសចេញស្មាតហ្វូនជំនាន់ថ្មីនេះនៅក្នុងទីផ្សារសកលនៅឡើយទេ។ យោងតាមការរបាយការណ៌កន្លងមកបាន និយាយក្រុមហ៊ុននេះ បានប្រើប្រាស់នូវបណ្តាញសង្គមរបស់ខ្លួនសម្រាប់ការផ្សព្វផ្សាយព័ត៌មានជាច្រើនទាក់ទងទៅនឹងស្មាតហ្វូនអេក្រង់បត់បាន 3 តង់។
ថ្មីៗនេះ ក្រុមហ៊ុន Huawei បានចែករំលែករូបភាពផ្សព្វផ្សាយជាច្រើននៅលើបណ្តាញ X ប៉ុន្តែក្រុមហ៊ុនផលិតស្មាតហ្វូនដ៏ធំរបស់ប្រទេសចិនមួយនេះ គឺមិនបាននិយាយអ្វីអំពីការប្រកាសចេញនូវស្មាតហ្វូនអេក្រង់បត់បាន 3 តង់នេះ នៅលើទីផ្សារសកលនោះទេ។ នៅថ្ងៃនេះ យោងតាមការវីដេអូថ្មីមួយដែលមានរយៈពេល 1 នាទី ដែលក្រុមហ៊ុនបានបង្ហោះនៅលើបណ្តាញ YouTube របស់ខ្លួន គឺមានការបង្ហាញនូវការឌីស្សាញយ៉ាងពិសេសនៅលើស្មាតហ្វូន Mate XT Ultimate ដែលពិតជាទាក់ទាញមែនទែន។
នៅវីដេអូខាងលើដែលបានបង្ហោះលើបណ្តាញ YouTube របស់ក្រុមហ៊ុន Huawei នៅពេលនេះ គឺមិនមានការបញ្ជាក់អំពីការប្រកាសជាសកលទៅលើស្មាតហ្វូននេះទេ។ ទាក់ទងនឹងរឿងនេះ មានការចោទជាចង្ងល់ថា ហេតុអ្វីបានជាក្រុមហ៊ុនបង្ហោះនៅលើបណ្តាញ YouTube Global របស់ខ្លួន? ការបង្ហោះវីដេអូថ្មីនេះ ត្រូវបានគេព្យាករណ៌ាថា Huawei ហាក់ចង់ បង្ហើបពីការលក់នៅលើទីផ្សារសកលសម្រាប់ស្មាតហ្វូនអេក្រង់បត់បាន 3 តង់ Mate XT Ultimate នេះហើយ។
សូមជំរាបថា ស្មាតហ្វូនបត់បាន 3 តង់ របស់ក្រុមហ៊ុនបច្ចេកវិទ្យាយក្សមួយចិននេះ គឺមានកម្រាស់ 12.8mm ខណៈពេលដែលស្មាតហ្វូនអេក្រង់ភ្លោះដែលមានលក់នៅលើទីផ្សារគឺមានកម្រាស់ដល់ទៅ 12.1mm ឯណោះ។
គួរបញ្ជាក់ថា នៅលើគណនី X របស់ក្រុមហ៊ុន Huawei ថ្មីៗនេះ ក៏ទើបតែបង្ហោះនូវព័ត៌មានថ្មីរបស់ Huawei Mate Pad នេះ ផងដែរ ដោយក្នុងនោះបាននិយាយថា ថេប្លេតនេះ នឹងបង្ហាញខ្លួននៅថ្ងៃទី 19 ខែកញ្ញានេះ ដោយផ្តោតទៅលើការប្រើប្រាស់នូវ Glide Keyboard ។ ការកក់ទិញស្មាតហ្វូនបត់បាន 3 តង់ Huawei Mate XT នៅក្នុងប្រទេសចិន នឹងបញ្ចប់នៅថ្ងៃទី 19 ខែកញ្ញានេះផងដែរ៕
