ក្រុមហ៊ុន Samsung ត្រូវបានគេរាយការណ៍ថា បានត្រៀមខ្លួននៅក្នុងការប្រកាសចេញនូវស្មាតហ្វូនជំនាន់ថ្មីរបស់ខ្លួនម៉ូដែល Galaxy S25 Ultra នៅដើមឆ្នាំ 2025 ខាងមុខនេះហើយ។ ស្មាតហ្វូនជំនាន់ថ្មី ត្រូវបានគេទម្លាយមុននេះថា គឺមានការឌីស្សាញរូបរាងមិនខុសពីជំនាន់មុននោះទេ ដោយរូបរាងថ្មីនេះ គឺស្រដៀងគ្នាច្រើនទៅនឹងស្មាតហ្វូន Galaxy Note 7 អញ្ចឹង គ្រាន់តែមានការកែប្រែផ្នែកមួយចំនួនប៉ុណ្ណោះ។
យោងតាមការចែកចាយរូបភាពថ្មីៗមួយចំនូនរបស់ស្មាតហ្វូនថ្មីនេះ ផ្អែកតាមរូបភាព render ថ្មីនោះ គឺមានការបង្ហាញអំពីពណ៌ថ្មីរបស់ស្មាតហ្វូនលំដាប់ថ្នាក់ប្រណិតរបស់ Samsung នេះថែមទៀតហើយ។ ស្មាតហ្វូននេះ នឹងមានគែមជុំវិញតួខ្លួន ឌីស្សាញពីទីតា ញ៉ូម។ ក្រឡេកមកមើលរូបភាពគំនូសព្រាងថ្មីរបស់ស្មាតហ្វូនជំនាន់ថ្មី Galaxy S25 Ultra ដែលគេចែកចាយថ្មីនេះ គឺមានកម្រិតខ្ពស់ជាងមុនៗដោយបង្ហាញយ៉ាងច្បាស់ពីការឌីស្សាញរូបរាងរបស់ស្មាតហ្វូននេះ។
រូបភាពថ្មីនេះ គឺត្រូវបានទម្លាយចេញពីគណនី Technizo Concept ដែលបញ្ជាក់យ៉ាងច្បាស់ន។ រូបភាពនេះ ត្រូវគេរំពឹងថា នឹងក្លាយជារូបរាងផ្លូវការណ៌របស់ស្មាតហ្វូន Galaxy S25 Ultra ដែលក្រុមហ៊ុន Samsung គ្រោងនឹងបង្ហាញវត្តមាននាពេលខាងមុខនេះហើយ។
បើមើលទៅលើរូបភាពស្មាតហ្វូនថ្មីនេះ គឺមានការបញ្ជាក់ច្បាស់ថា ស្មាតហ្វូននេះ នឹងមានតួខ្លួនទីតាញ៉ូមហើយនិងមានការឌីស្សាញពណ៌ស៊ីគ្នាជាមួយនឹងពណ៌នៅលើ S Pen ដែលនឹងមានប្រើប្រាស់នៅលើស្មាតហ្វូន Galaxy S25 Ultra នេះតែម្តង។ ហើយបើមើលទៅលើកាមេរ៉ាខាងមុខ និងខាងក្រោយរបស់ស្មាតហ្វូនជំនាន់ថ្មីនេះ គឺពិតជាមានភាពស្រដៀងគ្នាទៅនឹងស្មាតហ្វូន Galaxy S24 Ultra អញ្ចឹង។
ចំពោះផ្នែកខាងក្រោមរបស់ស្មាតហ្វូននេះ គឺមានរន្ធសាកថ្ម USB-C charging port អមជាមួយនឹងរន្ធប្រហោងសម្រាប់ដាក់ប៊ិក S Pen រួមនិងរន្ធសំឡេង ហើយនិងរន្ធដាក់ស៊ីមកាត។ ស្មាតហ្វូនថ្មីនេះ មានវិមាត្រ 162.8x77.6 x 8.2mm និងកម្រាស់ស្តើងជាងមុន 0.4mm បើធៀបទៅនឹងស្មាតហ្វូន Galaxy S24 Ultra។ គួរបញ្ជាក់ផងដែរថា នេះគឺគ្រាន់តែជាគំនិត (Concept) ថ្មីដែលទម្លាយចេញពីគណនី Technizo Concept ប៉ុណ្ណោះ ប៉ុន្តែរូបភាពនេះ គឺពិតជាស្រស់ស្អាត និងទាក់ទាញបំផុត៕
សូមទស្សនាវីដេអូខាងក្រោមនេះ៖
