Samsung ត្រូវបានគេទម្លាយថា បានត្រៀមខ្លូនបង្ហាញចេញនូវថេប្លេតថ្នាក់ប្រណិតជំនាន់បន្ទាប់របស់ខ្លូននៅលើទីផ្សារនាពេលឆាប់ៗនេះហើយ។ ខណៈពេលដែលមិនទាន់មានការប្រកាសចេញពីកាលបរិច្ឆេតនៃការសម្ពោធជាផ្លូវការណ៌នោះ នៅពេលនេះ ការទម្លាយចេញនូវលក្ខណៈសម្បត្តទាំងស្រុងរបស់ថេប្លេតជំនាន់ថ្មី Galaxy Tab S10 S10+ និង Galaxy Tab S10 Ultra ដែលនឹងមានវត្តមាននៅលើទីផ្សារនាពេលខាងមុខនេះហើយ។
ការបែកធ្លាយនេះ គឺត្រូវបានចែកចាយដោយ TechOutlook ដោយថែមទាំងមានការបញ្ជាក់ពីលក្ខណៈសម្បត្តិទូទៅរបស់ថេប្លេតជំនាន់ថ្មីនេះថែមទៀតផង។ ក្រុមហ៊ុន Samsung ត្រូវបានគេរាយការណ៌ថា នឹងមានការបំពាក់នូវអេក្រង់ទំហំ 14.6-អ៊ីង Dynamic AMOLED 2X display គាំទ្រជាមួយល្បឿន 120Hz refresh rate និងមានទំហំ 2960x1848 resolution ហើយថែមទាំងមានការគាំទ្រនូវមុខងារ Anti reflection coating ទៀតផង។ អេក្រង់ Galaxy Tab S10 Ultra មានពន្លឺ 930nits peak brightness។
សម្រាប់ថេប្លេតជំនាន់ Galaxy Tab S10+ នឹងមានការបំពាក់នូវអេក្រង់ទំហំ 12.4-អ៊ីង បង្ហាញចេញបានទំហំ 2800x152 resolution គាំទ្រដោយពន្លឺ 650 nit ប៉ុណ្ណោះ។ ថេប្លេតទាំងពីរនេះ គឺមានកម្រ៉ាស់ត្រឹមតែ 5.4mm និង 5.6mm។ ថេប្លេតជំនាន់ថ្មី Galaxy Tab S10 series ដំណើរការនៅលើបន្ទះឈីប MediaTek Dimensity 9300+ SoC រ៉េមទំហំ 12GB និងមានអង្គចងចាំទំហំ 512GB។ ចំពោះម៉ូដែល S10+ មានការប្រើប្រាស់អង្គចងចាំទំហំត្រឹមតែ 256GB ប៉ុណ្ណោះ។ អ្នកប្រើប្រាស់ក៏អាចបន្ថែមនូវអង្គចងចាំបានដល់ទៅទំហំ 1.5TB។
Galaxy Tab S10 Ultra នឹងមានថ្មទំហំ 11,200mAh ខណៈដែលម៉ូដែល Plus មានថ្មទំហំ 10,090mAh ហើយនិងមានការគាំទ្រនូវបច្ចេកវិទ្យាសាកកម្លាំង 45W wired fast charging។ នៅលើថេប្លេតទាំងពីរនេះ មានការបំពាក់នូវឧបាល័រ 4 គ្រាប់។ ក្រុមហ៊ុន Samsung ត្រូវបានគេបញ្ជាក់ថា នឹងបង្ហាញវត្តមានជាមួយនិងបច្ចេកវិទ្យាការពារទឹក និងធូលី IP68 rating រួមជាមួយនិងគែមជុំវិញ Armor Aluminum frame ទៀតផង។ ថេប្លេត Galaxy Tab S10 series អាចនឹងបង្ហាញវត្តមានជាផ្លូវការណ៌នៅថ្ងៃទី 26 ខែកញ្ញា ឆ្នាំ 2024 ខាងមុខនេះហើយដោយមានតម្លៃចាប់ពី 1,119 យូរ៉ូ និងតម្លៃ 1,339 យូរ៉ូ។
