ក្រុមហ៊ុន Samsung ត្រៀមខ្លួននៅក្នុងការប្រកាសចេញនូវផលិតផលថ្មីរបស់ខ្លួននៅក្នុងឆ្នាំនេះហើយ។ នៅពេលនេះ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងមួយនេះ ក៏បានត្រៀមខ្លួនៅក្នុងការចុះឈ្មោះកក់ទិញមុន (pre-registration) ទៅលើថេប្លេត Galaxy ថ្មីបំពាក់នូវ Galaxy AI ម៉ូដែល Galaxy Tab S10 series នេះផងដែរ។ យោងតាម រូបភាពផ្សព្វផ្សាយថ្មីៗនេះ បានបង្ហាញថា ក្រុមហ៊ុន Samsung ប្រចាំនៅក្នុងប្រទេសឥណ្ឌា បានចាប់ផ្តើមទលនូវការកក់ទិញមុនចាប់ពីថ្ងៃទី 17 ខែកញ្ញាម្សិលមិញនេះហើយ។ កម្មវិធីនឹងបិទបញ្ជប់នៅថ្ងៃទី 25 ខែកញ្ញាខាងមុខ។
នៅលើរូបភាពផ្សព្វផ្សាយថ្មីនេះ យើងអាចមើលឃើញនូវរូបភាព Render នៃផ្ទៃខាងក្រោយដែលនឹងមានការបង្ហាញនូវវត្តមានរបស់ថេប្លេតត្រកូល Galaxy Tab S10 Series នេះ។ អតិថិជនជាច្រើននៅក្នុងប្រទេសឥណ្ឌា អាចកក់ទុកមុនទៅលើថេប្លេត Galaxy Tab S Series នេះត្រឹមតែ ($12) ប៉ុណ្ណោះ ពួកគេនឹងទទួលបាននូវអត្ថប្រយោជន៍មកវិញជាមួយនឹងកាដូដែលមានទឹកប្រាក់ដល់ទៅ INR 3,499 ($42) ។
គួរបញ្ជាក់ថា បើតាមការបែកធ្លាយមុននេះគឺធ្លាប់បានបង្ហាញថា ថេប្លេតជំនាន់ថ្មី Galaxy Tab S10+ និង Tab S10 Ultra នឹងបង្ហាញខ្លួននៅក្នុងទីផ្សារសកលនៅថ្ងៃទី 26 ខែកញ្ញាខាងមុខនេះហើយ។ ការផ្លាស់ប្តូរធំបំផុតនៅលើថេប្លេតថ្មីនេះ គឺនឹងការប្តូតមកប្រើប្រាស់នូវបន្ទះឈីប MediaTek ជំនួសវិញ។ ជាធម្មតា ថេប្លេត Galaxy Tab S flagship series នឹងប្រើប្រាស់នូវបន្ទះឈីប Snapdragon SoC ប៉ុន្តែលើកនេះ ថេប្លេតនេះ នឹងប្រើប្រាស់នូវបន្ទះឈីប MediaTek SoC វិញម្តង៕
