រថយន្តស៊េរីថ្មីម៉ូដែល Zeekr 009 Grand ដែលនៅក្នុងទីផ្សារប្រទេសចិនត្រូវបានគេស្គាល់ឈ្មោះថាជា Zeekr 009 Glory Edition ជារថយន្តប្រភេទ MPV មានកៅអីបួន និងមានកំលាំងដល់ 777 សេះ ត្រូវបានក្រុមហ៊ុនធ្វើការនាំចេញបានចំនួន 1,000 គ្រឿងនៅទីផ្សារប្រទេសចិនក្នុងរយះពេលប្រមាណ 115 ថ្ងៃ។ Zeekr 009 Grand MPV មានតម្លៃខ្ទង់ប្រហែល 111,200 ដុល្លារអាមេរិកនៅទីផ្សារប្រទេសចិន។
Zeekr គឺជាម៉ាកយីហោរថយន្តក្មេងខ្ចីមួយដែលបង្កើតឡើងដោយ Geely Group ដែលបានប្រកាសផ្លូវការណ៍កាលពីអំឡុងឆ្នាំ 2021។ មកទល់នឹងពេលបច្ចុប្បន្ននេះ Brand រថយន្តមួយនេះមានម៉ូដែលរថយន្តដូចជា Zeekr 001 ដែលជាប្រភេទរថយន្ត liftback, Zeekr 009 ប្រភេទរថយន្ត minivan, Zeekr X ជាប្រភេទរថយន្ត crossover, និង Zeekr 007 ជាប្រភេទរថយន្ត sedan។ ហើយនៅថ្ងៃនេះ Zeekr ធ្វើការនាំចេញរថយន្ត Zeekr 009 Grand minivan បានចំនួន 1,000 គ្រឿង។
Zeekr 009 Grand MPV ត្រូវបានក្រុមហ៊ុនធ្វើការប្រកាសចេញកាលពីអំឡុងខែថ្ងៃទី 19 ខែមេសា ឆ្នាំ 2024 នៅក្នុងប្រទេសចិន។ រថយន្ត MPV នេះមានជម្រើសតែមួយប៉ុណ្ណោះជាមួយតម្លៃខ្ទង់ប្រហែល $109,000។ ក្រុមហ៊ុនធ្វើការនាំចេញរថយន្តស៊េរីថ្មីនេះនៅថ្ងៃទី 19 ខែឧសភា។ ក្នុងរយះពេលប្រមាណជា 115 ថ្ងៃ ការនាំចេញ គឺមានចំនួន 1,000 គ្រឿង។ សម្រាប់ការចេញលក់ចាប់ពីខែឧសភា ដល់ខែសីហា ឆ្នាំ 2024 រថយន្ត Zeekr 009 លក់បានចំនួន 5,822 គ្រឿង ដូចនេះការលក់ Zeekr 009 Grand មានចំនួន 15% នៃការលក់រថយន្ត MPV។ អតីតជើងឯកហែលទឹកអូឡាំពិកលោក Tian Liang និងភរិយាដែលជាតារាចម្រៀងអ្នកស្រី Ye Yiqian បានក្លាយជាម្ចាស់រថយន្ត Zeekr 009 Grand minivan គ្រឿងទី 1,000។
Zeekr 009 Grand គឺជារថយន្ត minivan ដំណើរការដោយថាមពលអគ្គិសនីសុទ្ធ ដែលផលិតឡើងតាមប្រព័ន្ធស្តង់ដារ SEA architecture។ រថយន្ត MPV នេះមានពណ៌ខ្មៅ រំលេចដោយយ៉ាន់កង់ប្រភេទ chrome-plated rims ទំហំ 20-inch។ Zeekr 009 Grand មានបណ្តោយ 5,217mm/ ទទឹង 2,024mm/ កម្ពស់ 1,812mm និងគម្លាតកង់មុខក្រោយ 3,205mm។ ផ្នែកខាងក្នុងមានបំពាក់កៅអី 4 រៀបជា 2x2 ដោយនៅខាងមុខកៅអីជួរទីពីរមានបំពាក់នូវអេក្រង់ធំនៅកណ្តាលទំហំដល់ទៅ 43-inch។
រថយន្តអគ្គិសនី MPV កៅអី 4 របស់ Zeekr មួយនេះ ដំណើរការដោយប្រព័ន្ធម៉ូទ័រអគ្គិសនីចំនួន 2 ជាមួយប្រព័ន្ធ 4WD ឬ Four-wheel-drive ដោយម៉ូទ័រខាងមុខអាចផលិតកំលាំងបាន 270kW ឬ 362 សេះ និងម៉ូទ័រមុខអាចផលិតកំលាំងបាន 310kW ឬ 415 សេះ។
បើសរុបកំលាំងដែល Zeekr 009 Grand អាចធ្វើបាន គឺដល់ 580kW ឬ 777 សេះ និងកំលាំងរមូល 810Nm។ ជាមួយកំលាំងដ៏មានអនុភាពនេះ គឺអាចធ្វើឲ្យ Zeekr 009 Grand MPV អាចជាន់ស្ទុះល្បឿនពី 0 ទៅ 100km/h ប្រើពេលប្រមាណ 3.9 វិនាទី។ សម្រាប់កញ្ចប់អាគុយវិញ Zeekr 009 Grand MPV ប្រើប្រាស់នូវកញ្ចប់អាគុយប្រភេទ ternary NMC battery pack on board ទំហំ 108kWh ដែលសាកភ្លើងពេញម្តងអាចបើកបានចម្ងាយផ្លូវ 702km៕