vivo ត្រួវបានគេរាយការណ៌ថា បានត្រៀមខ្លួនប្រកាសចេញនូវស្មាតហ្វូនជំនាន់ថ្មីម៉ូដែល X200 series នៅលើទីផ្សារប្រទេសចិន នាថ្ងៃទី 14 ខែតុលាខាងមុខនេះហើយ។ នៅមុនការសម្ពោធចូលមកដល់ ស្មាតហ្វូននជំនាន់ថ្មីនេះ បានបង្ហាញវត្តមាននៅលើបញ្ជី 3C របស់ប្រទេសចិននេះហើយ។ នៅលើបញ្ជីនេះបានបង្ហាញថា ស្មាតហ្វូនជំនាន់ថ្មីរបស់ vivo គឺមានលេខម៉ូដែល V2419A, V2405A និង V2415A ហើយស្មាតហ្វូនទាំងបីនេះ គឺមានការទ្រទ្រង់ជាមួយនូវកម្លាំងសាកល្បឿន 90W fast charging ដូចគ្នា។
ផ្អែកតាមព័ត៌មានពីប្រភពខាងក្នុងនៃឧស្សាហ៍កម្មស្មាតហ្វូនបាននិយាយថា ស្មាតហ្វូន V2405A គឺជាម៉ូដែលស្តង់ដារ vivo X200 ខណៈដែលម៉ូដែល V2415A នៅមិនទាន់ច្បាស់ទេ។ ស្មាតហ្វូននេះអាចជាម៉ូដែល “Mini” ឬ “Plus” ដែលមានលក្ខណៈសម្បត្តិខ្ពស់ជាងម៉ូដែលស្តង់ដារ X200។
សម្រាប់លេខម៉ូដែល V2419A អាចជាម៉ូដែលធំជាង X200 Pro។ បើតាមការបញ្ជាក់នៅលើបញ្ជីរបស់ Geekbench បានបង្ហាញពីលក្ខណៈសម្បត្តិរបស់ X200 Pro ហើយ។ នៅលើបញ្ជីនេះបញ្ជាក់ថា ស្មាតហ្វូននេះ ដំណើរការនៅលើបន្ទះឈីបជំនាន់ថ្មី MediaTek Dimensity 9400 និងមានរ៉េមទំហំ 16GB។ បើតាមការធ្វើតេស្ត Single-Core និង Multi-Core បង្ហាញថា ស្មាតហ្វូននេះមានពិន្ទុ 1531 និង 6168។
នៅលើបញ្ជី Geekbench នេះក៏មានការបង្ហាញពីលក្ខណៈសម្បត្តិរបស់ Dimensity 9400 ផងដែរ។ បន្ទះឈីបនេះ គឺជាប្រភេទ octa-core CPU ដែលមាន Single High-Performance Cortex-X5 មួយគ្រាប់រត់បានល្បឿន 3.63 GHz និង 3 គ្រាប់ទៀតជា Cortex-X4 cores រត់បានល្បឿន 2.80GHz ហើយនិង 4 គ្រាប់ចុងក្រោយប្រភេទ Cortex-A725 cores រត់បានល្បឿន 2.10GHz។ ស្មាតហ្វូន vivo X200 Series នេះត្រូវគេរំពឹងថា នឹងមានការប្រើប្រាស់ឈីបដូចគ្នា។
vivo X200 ត្រូវគេរំពឹងថា នឹងមានអេក្រង់រាបស្មើរទំហំ 6.3-អ៊ីង ជាប្រភេទអេក្រង់ OLED display រត់បានជាមួយល្បឿន a 120Hz refresh rate និងបង្ហាញចេញបាន 1.5K resolution។ ស្មាតហ្វូននេះ នឹងមានកាមេរ៉ាគោលទំហំ 50-Megapixel គាំទ្រដោយសិនស័រ 22nm Sony sensor និងឡែន Periscope lens ហ៊្សូមបាន 3x optical zoom ហើយនិងឡែន ultrawide lens។ ស្មាតហ្វូននេះ នឹងមានថ្មទំហំ 5,500mAh ឬ 5,600mAh ហើយនិងមានការទ្រទ្រង់នូវបច្ចេកវិទ្យាសាកឥតខ្សែរ wireless charging ថែមទៀតផង។
ចំពោះម៉ូដែល X200 Pro គឺមានអេក្រង់កោងកម្រិត 1.5K resolution display និងមានល្បឿន 120Hz refresh rate។ ស្មាតហ្វូននេះ នឹងកាមេរ៉ាក្រោយ 200-Megapixel periscope telephoto lens និងកាមេរ៉ាគោលទំហំ 50-Megapixel ដែលទ្រទ្រង់នូវសិនស័រ 22nm Sony sensor ដូចម៉ូដែលស្តង់ដារអញ្ចឹង។ សម្រាប់គ្រាប់ទីបីមានទំហំ 50-Megapixel ultra-wide lens។ ស្មាតហ្វូនម៉ូដែល Pro នឹងមានថ្មទំហំ 6,000mAh ហើយនិងមានបច្ចេកវិទ្យា IP68 ឬ IP69 ក៏ដូចជាមានការពង្រឹងទៅលើម៉ូទ័រ X-axis motor ផងដែរ ។ សម្រាប់ម៉ូដែល Mini វិញ អាចនឹងមានអេក្រង់កម្រិត 1.5K resolution កាមេរ៉ា 70mm periscope telephoto camera ហ៊្សូមបាន 3x optical zoom និងមានថ្មទំហំ 5,500mAh ឬ 5,600mAh។
