ក្រុមហ៊ុន Xiaomi ត្រូវគេរំពឹងថា នឹងមានការបង្ហាញចេញនូវស្មាតហ្វូនជំនាន់ថ្មីរបស់ខ្លួន Xiaomi 15 និង 15 Pro ជាមួយនឹងបន្ទះឈីប Snapdragon 8 Gen 4 នៅក្នុងសប្តាហ៍ទី 4 ក្នុងខែតុលាខាងមុខនេះហើយ។ យោងតាមព័ត៌មានថ្មីនៅលនេះ បានបញ្ជាក់ថា Redmi ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Xiaomi បានធ្វើការនៅលើស្មាតហ្វូន Redmi K80 សម្រាប់ទីផ្សារប្រទេសចិនផងដែរ។ នៅមុនការប្រកាសជាផ្លូវការណ៌ចូលមកដល់ ស្មាតហ្វូនជំនាន់ថ្មី Redmi K80 នេះ ទទួលបាននូវវិញ្ញាបនបត្រ Radio រួចរាល់ហើយ។
ស្មាតហ្វូន Redmi ដែលទើបតែទទួលបាននូវវិញ្ញាបនបត្រ radio នៅក្នុងប្រទេសចិន នាពេលថ្មីៗនេះ គឺមានលេខម៉ូដែល 24122RKC7C និង 24117RK2CC ។ ម៉ូដែលទាំងនេះ គឺស្ថិតនៅក្នុងបញ្ជី IMEI ហើយអាចនឹងក្លាយជាស្មាតហ្វូន Redmi K80 និង K80 Pro។ សូមជំរាបថា ថ្មីៗនេះរបាយការណ៍ជាច្រើនបាននិយាយថា ស្មាតហ្វូន Redmi K80 នឹងបំពាក់នូវបន្ទះឈីប Snapdragon 8 Gen 3 ខណៈដែល K80 Pro នឹងបំពាក់នូវបន្ទះឈីប Snapdragon 8 Gen 4។ ស្មាតហ្វូនទាំងពីរនេះ នឹងមានការបំពាក់នូវអេក្រង់រាបស្មើរប្រភេទ OLED គាំទ្រជាមួយនឹងកម្រិតភាពច្បាស់ 2K resolution ហើយនិងមានល្បឿន 120Hz refresh rate ។
ស្មាតហ្វូន Redmi K80 Series នេះ មានថាមពលថ្មទំហំ 6,500mAh ទ្រទ្រង់ទៅលើបច្ចេកវិទ្យាសាកកម្លាំង 120W Fast Charging។ ហើយបើមើលទៅលើប្រព័ន្ធសុវត្ថិភាពវិញ នៅលើស្មាតហ្វូនជំនាន់ថ្មី Redmi K80 Pro អាចនឹងមានមានបំពាក់នូវសិនស័រស្កែនម្រាមដៃប្រភេទ Ultrasonic ខណៈពេលដែលស្មាតហ្វូន Redmi K80 នឹងបំពាក់នូវ Optical។ និយាយពីកាមេរ៉ាខាងក្រោយនៅលើស្មាតហ្វូនជំនាន់ថ្មីរបស់ម៉ូដែល Pro អាចនឹងមានកាមេរ៉ាគោលទំហំ 50-Megapixel, ultra-wide lens និងកាមេរ៉ា 50-megapixel 3x telephoto។
សម្រាប់ទីផ្សារប្រទេសចិន ស្មាតហ្វូនជំនាន់ថ្មី Redmi K80 និង Redmi K80 Pro នឹងត្រូវប្រកួតប្រជែងជាមួយនឹងស្មាតហ្វូន OnePlus Ace 5 និង Ace 5 Pro។ នៅក្នុងការរំពឹងក្នុងការប្រកាសនៅក្នុងខែវិច្ឆិកានេះ ស្មាតហ្វូន Ace 5 និង 5 Pro ក៏នឹងបង្ហាញវត្តមានជាមួយបន្ទះឈីបដូចគ្នាជាមួយនិងស្មាតហ្វូនជំនាន់ថ្មី Redmi K80 និង Redmi K80 Pro អញ្ចឹងដែរ។ ពាក្យចចាមអារ៉ាមជាច្រើន បានទម្លាយថា ស្មាតហ្វូនជំនាន់ថ្មី Redmi K80 Pro អាចនឹងលក់នៅក្នុងទីផ្សាររបស់ប្រទេសចិនប៉ុណ្ណោះ។ ស្មាតហ្វូន Redmi K80 អាចនឹងក្លាយជា Rebrand របស់ Poco F7 Pro សម្រាប់ទីផ្សារសកលផងដែរ៕
