នៅថ្ងៃនេះ ស្មាតហ្វូនជំនាន់ថ្មី Xiaomi 15 Pro ត្រូវបានគេមើលឃើញថា បានឆ្លងកាត់ការបញ្ជាក់ពីបញ្ជីស្ថាប័ន 3C certification នៅប្រទេសចិនហើយ ដោយថែមទាំងមានការបញ្ជាក់បន្ថែមថា ស្មាតហ្វូនថ្មីនេះ នឹងបង្ហាញវត្តមាននៅលើទីផ្សារនាពេលឆាប់ៗនេះផងដែរ។ បើតាមការទម្លាយកន្លងមក បាននិយាយថា Xiaomi 15 series នឹងសម្ពោធជាផ្លូវការណ៌នៅខែតុលាខាងមុខនេះហើយ។ ផ្អែកតាមព័ត៌មាននេះ មានការរំពឹងថា ស្មាតហ្វូនស៊េរីថ្មីនេះ នឹងមានការបង្ហាញខ្លួនបន្ទាប់ពីការប្រកាសចេញជាមួយនិងបន្ទះឈីប Snapdragon 8 Gen 4។
សូមជំរាបផងដែរថា Snapdragon 8 Gen 4 គឺជាបន្ទះឈីបជំនាន់ថ្មីរបស់ Qualcomm ដែលនឹងមានវត្តមាននៅពេលឆាប់ៗនេះ ហើយក្រុមហ៊ុន Xiaomi ត្រូវបានគេជឿជាក់ថា នឹងក្លាយជាក្រុមហ៊ុនស្មាតហ្វូនដំបូងគេដែលនឹងមានប្រកាសចេញស្មាតហ្វូនជំនាន់ថ្មីរបស់ខ្លួនជាមួយនិងបន្ទឈីបថ្មីនេះ។ ស្មាតហ្វូន Xiaomi 15 series នឹងមានការប្រើប្រាស់នូវបច្ចេកវិទ្យាសាកកម្លាំង 90W fast charging ប្រៀបធៀបជាមួយនិងម៉ូដែល Xiaomi 14 Pro គឺមានការប្រើប្រាស់បច្ចេកវិទ្យាសាកដល់ទៅ 120W fast charging។ ការបន្ថយនូវកម្លាំងសាកបែបនេះ ត្រូវបានគេនិយាយថា ក្រុមហ៊ុននេះមានបំណងចង់ធ្វើការកាត់បន្ថយពេលវេលាជាមួយនិងបច្ចេកវិទ្យាថ្មីដែលមាននៅលើស្មាតហ្វូន។
ជាមួយនិងការបញ្ជាក់ខាងលើនេះ ក្រុមហ៊ុន Xiaomi ត្រូវបានគេដឹងថា ក៏បាននឹងកំពុងតែធ្វើការនៅលើសមិទ្ធិផលថ្មីៗសំខាន់មួយចំនួបទៀតផងដែរស ក្នុងនោះរួមមានដូចជា ការច្នៃប្រឌិតទៅលើ Xiaomi 15 series, HyperOS 2 និងស្មាតហ្វូនអេក្រង់បត់បាន 3 តង់ជាដើម។ នៅពេលនេះ Xiaomi 15 Pro គឺបានឆ្លងកាត់ការបញ្ជាក់ទទួលស្គាល់ពីស្ថាប័ន 3C រួចហើយ។ ស្មាតហ្វូននេះមានលេខម៉ូដែល 2410DPN6CC។
Xiaomi 15 series ត្រូវបានគេរាយការណ៌ថា នឹងមានការបង្ហាញវត្តមានជាមួយនិងប្រព័ន្ធប្រតិបត្តិការ HyperOS 2.0 pre-installed។ ប្រព័ន្ធនេះ គឺនឹងដំណើរការនៅលើ Android 15។ គួរបញ្ជាក់ថា ថ្មីនេះៗ ក្រុមហ៊ុន Xiaomi ក៏ទើបតែបានបញ្ចេញនូវ HyperOS Enhanced Beta និងមានការបង្ហើបពី HyperOS 2.0 ផងដែរ។
