កាលពីដើមខែនេះ មានការទម្លាយចេញនូវព័ត៌មានជាច្រើនពីស្មាតហ្វូនថ្នាក់ប្រណិតជំនាន់ថ្មីរបស់ក្រុមហ៊ុន Samsung ម៉ូដែល Galaxy S25 Series ដែលក្រុមហ៊ុនបច្ចេកវិទ្យាយក្សកូរ៉េខាងត្បួងមួយនេះ មានគម្រោងនឹងសម្ពោធជាផ្លូវការណ៌ដើមឆ្នាំក្រោយនេះហើយ។ តាមការបញ្ជាក់កន្លងមកបាននិយាយថា Galaxy S25 Ultra គឺនឹងមានការបំពាក់នូវកម្លាំងសាកល្បឿន 45Wwired charging។
នៅថ្ងៃនេះមានការបញ្ជាក់ជាថ្មីទៅលើបច្ចេកវិទ្យាសាកដែលមាននៅលើស្មាតហ្វូន Galaxy S25 និង Galaxy S25+ ថែមទៀតហើយ។ យោងតាមការបញ្ជាក់ពីស្ថាប័ន 3C នៅក្នុងប្រទេសចិនបានបង្ហាញចេញនូវស្មាតហ្វូនជំនាន់ថ្មីរបស់ក្រុមហ៊ុន Samsung ទាំងពីរម៉ូដែលដែលស្មាតហ្វូនទាំងនេះ មានលេខសំគាល់ SM-S9310 និង SM-9360។ ស្មាតហ្វូនទាំងពីរនេះ ត្រូវបានគេជឿជាក់ថា គឺជាស្មាតហ្វូន Galaxy S25 និង Galaxy S25+។
បើតាមការរបាយការណ៌ដែលមាននៅលើទិន្នន័យនេះ គឺបាបញ្ជាក់ថា Galaxy S25 និង Galaxy S25+ គឺនឹងមានការទ្រទ្រង់ជាមួយនូវបច្ចេកវិទ្យាសាកកម្លាំង 45W ដែលដូចគ្នាទៅនឹងកម្លាំងសាកនៅលើ Galaxy S25 Ultra ដែលទើបតែបញ្ជាក់មុននេះអញ្ចឹងដែរ។ សម្រាប់ឆ្នាំក្រោយនេះ ក្រុមហ៊ុន Samsung បានសម្រេចបង្កើននូវកម្លាំងសាកទ្វេរដងសម្រាប់ស្មាតហ្វូន Galaxy S25 និង Galaxy S25+ ប្រៀបធៀបជាមួយនិងម៉ូដែលមុន Galaxy S24 និង Galaxy S24+ គឺមានការប្រើប្រាស់បច្ចេកវិទ្យាសាកត្រឹមតែ 25W ប៉ុណ្ណោះ។
ការផ្លាស់ប្តូរនូវយុទ្ធសាស្រ្តថ្មីរបស់ក្រុមហ៊ុន Samsung នៅពេលនេះ ត្រូវបានគេបញ្ជាក់ថា គឺដំណឹងដ៏ល្អមួយសម្រាប់ហ្វេនដែលជាវស្មាតហ្វូនជំនាន់ថ្មី Galaxy S25 និង Galaxy S25+ ពីព្រោះថា ពួកគេនឹងទទួលបាននូវការប្រើប្រាស់នូវកម្លាំងសាកដូចគ្នាជាមួយនិងម៉ូដែល Galaxy S25 Ultra អញ្ចឹងដែរ។ មានការលើកឡើងថា បើទោះបីជាមានការពង្រីកនូវបច្ចេកវិទ្យាសាកនេះក៏ដោយ ស្មាតងហ្វូននេះគឺនៅមិនទាន់អាចប្រៀបធៀបជាមួយនិងស្មាតហ្វូន Android ផ្សេងទៀតបាននៅឡើយទេ ខណៈដែលពេលនេះ ក្រុមហ៊ុន Apple ក៏បានតាមទាន់ Samsung ផងដែរ។
