នៅពេលនេះស្មាតហ្វូនជំនាន់ថ្មីរបស់ Apple ម៉ូដែល iPhone 16 Series បានប្រកាសលក់ជាផ្លូវការណ៌នៅតាមហាងនានាដែលបានក្រុមហ៊ុនបានកំណត់ដាក់លក់ហើយ។ ម៉ូដែលថ្មីត្រូវបានគេមើលឃើញថា មានការអាប់ដែតខ្លាំងជាងជំនាន់មុនៗ ដោយក្រៅពីមានការពង្រឹងទៅលើ Hardware ហើយនៅលើស្មាតហ្វូននេះ ក៏នឹងមានការដាក់អោយមានការប្រើប្រាស់នូវ “Apple Intelligence” ថែមទៀតផង។ ជាមួយគ្នានេះស្មាតហ្វូនទាំងនេះ ក៏នឹងមានការពង្រឹងទៅលើថាមពលថ្មខ្លាំង និងកាន់បានយូរជាងមុនផងដែរ។
ក្រុមហ៊ុន Apple បានបញ្ជាក់ថា ស្មាតហ្វូន iPhone 16 Pro Max នឹងមានថ្មកាន់យូរជាងមុនដល់ទៅ 4 ម៉ោងសម្រាប់ការចាក់វីដេអូ ខណៈដែលម៉ូដែលស្តង់ដារ iPhone 16 គឺមានមានសមត្ថភាពខ្លាំង និងយូរជាងជំនាន់មុនចំនួន 2 ម៉ោង។ នៅថ្ងៃនេះ មានការចែកចាយវីដេអូថ្មីមួយដោយអ្នកលេងយូធូបបច្ចេកវិទ្យាដែលមានឈ្មោះល្បីមួយរូប គឺ YouTuber MrWhosetheboss បានធ្វើការបង្ហាញពីសមត្ថភាពថ្មរបស់ស្មាតហ្វូនជំនាន់ថ្មីរបស់ Apple ហើយ។
YouTuber រូបនេះ បានធ្វើការប្រៀបធៀបថាមពលថ្មដែលមាននៅលើ iPhone 16 Series ជាមួយនិងស្មាតហ្វូន Android ម៉ូដែល Samsung Galaxy S24 Ultra។ ការធ្វើតេស្តនេះធ្វើឡើងទៅលើការប្រើប្រាស់ថ្មប្រចាំថ្ងៃតាមរយៈនៃការប្រើប្រាស់កម្មវិធីដូចជាបណ្តាញសង្គម YouTube និង Slack។ បើមើលទៅលើលទ្ធផលដែលទទួលបាននេះ គឺបង្ហាញថា ស្មាតហ្វូន Galaxy S24 Ultra គឺជាអ្នកដែលទទួលបាននូវជ័យជំនះ។ ស្មាតហ្វូននេះ មានថ្មទំហំ 5,000mAh អាចប្រើប្រាស់ជាប់គ្នាបានរយៈពេល 12 ម៉ោង និង 31 នាទី។
ចំពោះ iPhone 16 Pro Max គឺឈរនៅលើលេខរៀងទី 2 គឺអាចធ្វើបានត្រឹមតែ 11 ម៉ោង និង 22 នាទី ខណៈដែល iPhone 15 Pro Max អាចធ្វើបាន 9 ម៉ោង និង 35 នាទី។ សម្រាប់ស្មាតហ្វូន iPhone 16 ផ្សេងទៀត គឺមានមានការធ្វើតេស្តដូចគ្នាដែរ ដោយម៉ូដែល Plus និងម៉ូដែល Pro អាចធ្វើបាន 8 ម៉ោង និង 19 នាទី ។
ខាងក្រោមនេះ គឺជាសមត្ថភាពថ្មរបស់ស្មាតហ្វូននិមួយៗ៖
Samsung Galaxy S24 Ultra: 12 ម៉ោង 31 នាទី
iPhone 16 Pro Max: 11 ម៉ោង 22 នាទី
iPhone 15 Pro Max: 9 ម៉ោង 35 នាទី
iPhone 16 Plus: 8 ម៉ោង 45 នាទី
iPhone 16 Pro: 8 ម៉ោង 19 នាទី
iPhone 16: 8 ម៉ោង 19 នាទី
iPhone 15: 7 ម៉ោង 45 នាទី
