យោងតាមព័ត៌មានថ្មីៗនេះ បាននិយាយថា នៅពេលបនេះ ក្រុមហ៊ុន Huawei បានចាប់ផ្តើមធ្វើការដឹកជញ្ជូនស្មាតហ្វូនដែលមានអេក្រង់បត់បាន 3 តង់របស់ខ្លួន ជូនទៅដល់អ្នកដែលបានបញ្ជាទិញមុននៅលើទីផ្សារប្រទេសចិនហើយ ដែលរឿងនេះ បានធ្វើអ្នកដែលនៅក្រៅប្រទេសចិនមានការតានតឹងចិត្តជាខ្លាំង ដោយសារតែរង់ចាំការប្រកាសចេញនៅលើទីផ្សារសកលរបស់ស្មាតហ្វូនដែលមានអេក្រង់បត់បាន 3 តង់ដំបូងគេនៅលើពិភពលោកមួយនេះ។
ឆ្លើយតបទៅនឹងការចង់បានបែបនេះ នៅពេលនេះ មានការបញ្ជាក់ច្បាស់ហើយថា Mate XT Ultimate ស្មាតហ្វូនអេក្រង់បត់បាន 3 តង់របស់ក្រុមហ៊ុបបច្ចេកវិទ្យាយក្សចិនមួយនេះ គឺនឹងមានដាក់លក់នៅលើទីផ្សារសកលនៅដើមឆ្នាំ 2025 ខាងមុខនេះហើយ។
ស្មាតហ្វូនថ្មីនេះ ត្រូវបានក្រុមហ៊ុន Huawei ប្រកាសដាក់លក់នៅលើទីផ្សាប្រទេសចិនជាមួយតម្លៃ ចាប់ពី CNY 19,999 យ៉ន់ ដែលប្រហាក់ប្រហែល $2,800 ដុល្លារ ឬ €2,550 យូរ៉ូ។ សម្រាប់តម្លៃដាក់លក់នៅលើទីផ្សារសកលវិញ ត្រូវបានគេព្យាករណ៌ថា អាចនឹងខ្ពស់ជាងទីផ្សារចិន ដោយអាចនឹងមានតម្លៃលើសពី $3,000 ដុល្លារ ឬលើ €3,000 យូរ៉ូ។