ថ្មីៗនេ Infinix បានធ្វើការទម្លាយនូវការប្រកាសចេញនូវស្មាតហ្វូនអេក្រងបត់បាន Zero Flip ដែលជាម៉ូដែល Flip ដំបូងរបស់ខ្លួន ប៉ុន្តែមកដល់ពេលនេះ នៅមិនទាន់មានការបង្ហាញខ្លួនជាផ្លូវការណ៌នោះទេ។ ទាក់ទងនឹងស្មាតហ្វូនអេក្រង់បត់ថ្មីនេះ គឺត្រូវបានគេទម្លាយព័ត៌មានជាច្រើនរួចមកហើយ។ នៅពេលនេះ បើតាមការចែកចាយព័ត៌មានថ្មីពីសំណាក់អ្នកទម្លាយ Paras Guglani គឺបានបញ្ចេញនូវលក្ខណៈពិសេសៗមួយចំនួនដែលមាននៅលើស្មាតហ្វូនថ្មីនេះហើយ។
ការបែកធ្លាយខាងលើនេះ បាននបង្ហាញថា ស្មាតហ្វូនថ្មីនេះនឹងមានអេក្រង់ខាងក្រៅទំហំ 3.6-អ៊ីង AMOLED cover screen រត់បានជាមួយល្បឿន 120Hz refresh rate និងមានសមត្ថភាបអាចបង្ហាញចេញបានទំហំ 1056x1066 pixels។ សម្រាប់អេក្រង់ខាងក្នុងវិញ គឺមានទំហំ 6.9-អ៊ីង AMOLED panel បង្ហាញចេញបានទំហំ 1080x2640 pixel resolution, រត់បានជាមួយល្បឿន 120Hz refresh rate ហើយថែមទាំងមានការគាំទ្រដោយបច្ចេកវិទ្យា LTPO technology ថែមទៀតផង។
Zero Flip គឺមានកម្រ៉ាស់ត្រឹមតែ 7.64mm ប៉ុណ្ណោះនៅពេលដែលបើក ខណៈដែលពេលបត់ គឺមានកម្រ៉ាស់ដល់ទៅ 16.04mm ដែលក្រាស់ជាង 4mm ប្រៀបធៀបជាមួយនិង Samsung Z Fold 6។ កម្រ៉ាស់ក្រាស់នេះ ត្រូវបានគេបញ្ជាក់ថា ដោយសារតែក្រុមហ៊ុននេះធ្វើការបង្កើននូវថាមពលថ្មធំ។ Infinix Zero Flip បង្ហាញវត្តមានជាមួយថ្មទំហំ 4720mAh ហើយនិងដំណើរការនៅលើបន្ទះឈីប MediaTek Dimensity 8020 គាំទ្រដោយរ៉េមទំហំ 8GB និងអង្គចងចាំទំហំ 512GB។ ស្មាតហ្វូននេះរត់នៅលើស្បែកមុខកម្មវិធី XOS 14.5 ផ្អែកលើប្រព័ន្ធប្រតិបត្តិការ Android 14។
និយាយពីកាមេរ៉ានៅលើស្មាតហ្វូនអេក្រងបត់បាន Zero Flip នេះ គឺមានការបំពាក់នូវកាមេរ៉ាគោលទំហំ 50MP និងគ្រាប់ទីពីរទំហំ 50MP ultrawide lens ដែលកាមេរ៉ាទាំងពីរនេះ គឺឌីស្សាញលើ cover screen។ សម្រាប់កាមេរ៉ាមុខវិញ ក៏មានទំហំ 50MP ដូចគ្នា ប៉ុន្តែឌីស្សាញនៅអេក្រង់បត់ខាងក្នុង។ Zero Flip មានជម្រើសពណ៌ Rock Black និង Blossom Glow (more like Pink) ហើយនិងមានការបំពាក់នូវបច្ចេកវិទ្យា 5G, Wi-Fi 6, Bluetooth 5.3, NFC និងមានរន្ធ USB-C port។
