បន្ទាប់ពីការប្រកាសដាក់លក់ជាផ្លូវការណ៌កាលពីថ្ងៃទី 20 ខែកញ្ញានេះ នៅថ្ងៃនេះ DxOMark ដែលជាអ្នកធ្វើតេស្ត និងវាយតម្លៃទៅលើកាមេរ៉ាស្មាតហ្វូនថ្មីៗដែលទើបនឹងចេញលក់នៅលើទីផ្សារបានបង្ហាញពីលទ្ធផលនៃការធ្វើតេស្តកាមេរ៉ារបស់ iPhone 16 Pro Max ហើយ។ ស្មាតហ្វូនស៊េរីថ្មីថ្នាក់ប្រណិតដែលមានការបំពាក់នូវលក្ខណៈសម្បតិតខ្ពស់ជាងគេនៅក្នុងចំណោម iPhone 16 Series។
តាមរយៈនៃការធ្វើតេស្តយ៉ាងម៉ត់ចត់ទៅលើការផលិតរូបភាព និងវីដេអូ ជាមួយនិងលក្ខខ័ណ្ឌពន្លឺគ្រប់ស្ថានភាពនៅលើមេរ៉ាគោលទំហំ 48MP និងទៅលើកាមេរ៉ា 48MP Ultra-Wide និងមួយគ្រាប់ចុងក្រោយមានទំហំ 12MP Telephoto នោះ បានបញ្ជាក់ថា ស្មាតហ្វូនជំនាន់ថ្មី iPhone 16 Pro Max គឺទទួលបាននូវពិន្ទុ 157 ដោយឈរនៅលើលេខរៀងទី 4 នៃតារាងស្មាតហ្វួនដែលមានកាមេរ៉ាខ្លាំងរបស់ DxOMark។
DxOMark បានបញ្ជាក់ថា កាមេរ៉ាស្មាតហ្វូនជំនាន់ថ្មី iPhone 16 Pro Max គឺមានសមត្ថភាពខ្លាំងទៅលើការថតរូប និងវីដេអូ ខណៈដែលការហ៊្សូមនៅលើកាមេរ៉ាស្មាតហ្វូននេះ គឺធ្វើការងារមិនទាន់បានល្អគ្រប់គ្រាន់នៅឡើយទេ។ ជាមួយនិងចំណាត់ថ្នាក់លេខរៀងទី 4 នេះ បានធ្វើអោយស្មាតហ្វូនជំនាន់ថ្មីរបស់ក្រុមហ៊ុន Apple មួយនេះ គឺបានឈរនៅពីក្រោយស្មាតហ្វូនប្រណិតៗរបស់ក្រុមហ៊ុន Android ចំនួនម៉ូដែល រួមមានដូចជា ស្មាតហ្វូន Honor Magic 6 Pro, Google Pixel 9 Pro XL និង Huawei Pura 70 Ultra។
