Huawei Nova 13 Pro ត្រូវបានគេរាយការណ៌ថា នឹងមានការបំពាក់នូវកាមេរ៉ាទំហំ 50MP នៅលើសិនស័រកាមេរ៉ាគោល ជាមួយនិងការគាំទ្រនូវបច្ចេកវិទ្យា RYYB ថែមទៀតផង។ ស្មាតហ្វូនជំនាន់ថ្មីនេះ នឹងក្លាយជាម៉ូដែលមានសមត្ថភាពខ្ពស់ជាងគេនៅក្នុងស្រឡាយស្មាតហ្វូន Nova ស៊េរីថ្មី ដែលនឹងមានវត្តមាននាពេលខាងមុខ។ ម៉ូដែលនេះ ក៏នឹងក្លាយជាស្មាតហ្វូនដែលមានការបំពាក់នូវកាមេរ៉ាដែលសមត្ថភាពខ្ពស់ជាងគេថែមទៀតផង។
បើតាមការចែករំលែកដោយ @FixedFocus នោះ គឺបង្ហាញថា ស្មាតហ្វូនជំនាន់ថ្មី Huawei Nova 13 Pro នឹងមានការប្រើប្រាស់នូវសិនស័រទំហំ 50MP RYYB សម្រាប់កាមេរ៉ាគោល ហើយនិងមានការបញ្ជាក់ថា នេះគឺជាការពង្រឹងថ្មីមួយទៅលើកាមេរ៉ានេះ។ RYYB នេះ គឺសំដៅទៅលើពណ៌ដែលមានដំណើរការនៅលើកញ្ចក់សិនស័រ (ក្រហម, លឿង, លឿង, ខៀវ) សម្រាប់ជំនួយទៅលើការគ្រប់គ្រងពន្លឺអោយបានគ្រប់គ្រាន់នៅពេលថតក្នុងលក្ខណៈ low-light។ បច្ចេកវិទ្យានេះ គឺមានការផ្លាស់ប្តូរពណ៌បៃតងជំនួសដោយពណ៌លឿង។
ជាមួយនិងការបន្ថែមនូវបច្ចេកវិទ្យា RYYB នេះ គឺបានបន្ថែមនូវពន្លឺខ្ពស់ជាងមុនដល់ទៅ 40% ប្រៀបធៀបជាមួយនិងឡែនធម្មតា ហើយថែមទាំងអាចផ្តល់នូវរូបភាពច្បាស់មានគុណភាពខ្ពស់ជាងមុននៅពេលដែលងថតក្នុងលក្ខណ្ឌងងឹតខ្លាំងថែមទៀតផង។
បើតាមការទម្លាយកាលពីមុននេះបន្តិចក៏មានការនិយាយថា កាមេរ៉ាស្មាតហ្វូន Nova 13 Pro គឺនឹងដំណើរការជាមួយនិងសិនស័រ 50MP RYYB នៅលើកាមេរ៉ាគោលផងដែរ។ ស្មាតហ្វូន Nova 13 Pro ត្រូវបានគេរាយការណ៌ថា នឹងមានកាមេរ៉ាក្រោយចំនួន 3 គ្រាប់។
