ខណៈដែលការបង្ហាញវត្តមាននៅលើទីផ្សារបស់កំពូលស្មាតហ្វូនជំនាន់់ថ្មី Galaxy S25 series នឹងមកដល់នៅដើមឆ្នាំក្រោយនោះ នៅពេលនេះ ព័ត៌មានថ្មីៗទាក់ទងនឹងស្មាតហ្វូននេះត្រូវបានគេទម្លាយចេញនៅលើអនឡាញជាច្រើនរួចហើយ។
ថ្មីៗនេះ បន្ទាប់ពីការបញ្ចេញនូវគំនូសព្រាងនៃការឌីស្សាញទៅលើរូបរាងជាច្រើនស្ទីលរបស់ស្មាតហ្វូនជំនាន់ថ្មី Galaxy S25 Ultra រួចមក នៅថ្ងៃនេះ ជម្រើសពណ៌ដែលនឹងមានប្រើប្រាស់នៅលើស្មាតហ្វូនជំនាន់ថ្មីនេះ ត្រូវបានគេទម្លាយចេញបន្ថែមទៀតហើយ។ បើតាមការបញ្ជាក់ចេញការពីពេលមុននេះ បានអោយដឹងថា ស្មាតហ្វូនជំនាន់ថ្មី Galaxy S25 Ultra នឹងមានការឌីស្សាញស៊ុមជុំវិញពីទីតានៀម។
យោងតាមអ្នកទម្លាយ Ice Universe (@UniverseIce) នៅថ្ងៃនេះ គឺមានការចែកចាយនូវជម្រើសពណ៌ដែលនឹងមានការប្រើប្រាស់នៅលើស្មាតហ្វូនជំនាន់ថ្មី Galaxy S25 Ultra ហើយ។ ស្មាតហ្វូនថ្មីនេះ នឹងមានជម្រើស 4 ពណ៌ រួមមានដូចជា Black, Blue, Green និង Titanium។ សម្រាប់ពណ៌ខាងលើនេះ គឺជាពណ៌ដែលនឹងប្រើប្រាស់ជាទូទៅ ប៉ុន្តែសម្រាប់ការលក់នៅលើវិបសាយរបស់ក្រុមហ៊ុន Samsung គឺនឹងមានជម្រើសពណ៌ថ្មីៗជាច្រើនទៀត។ សម្រាប់ពណ៌ខាងលើនេះ ស្តាប់ទៅគឺដូចគ្នាជាមយនិងពណ៌ដែលធ្លាប់ប្រើប្រាស់នៅលើស្មាតហ្វូន Galaxy S24 Ultra អញ្ចឹង។ ប៉ុន្តែស្មាតហ្វូននេះ អាចនឹងមានពណ៌ថ្មីមួយទៀត គឺ Green។
គួរបញ្ជាក់ថា សម្រាប់ឆ្នាំនេះ Samsung បានសម្រេចធ្វើការឌីស្សាញស៊ុមជុំវិញស្មាតហ្វូននេះជាមួយនិងគែមកោងនៅគ្រប់ជ្រុងទាំងបួនដែលខុសពីជំនាន់មុនមានការពិបាកនៅពេលកាន់ដៃម្ខាង។ នៅលើស្មាតហ្វូននេះ នឹងមានការតម្លើងនូវបច្ចេកវិទ្យាការពារទឹក និងធូលីកម្រិត IP68 rating ហើយនិងមានស៊ុមទីតានៀមការពារការធ្លាក់បានផងដែរ។