ថ្មីៗនេះ ក្រុមហ៊ុន OnePlus ទើបតែទម្លាយនូវព័ត៌មានជាផ្លូវការណ៌របស់ស្មាតហ្វូនជំនាន់ថ្មី OnePlus 13 នៅក្នុងប្រទេសចិនហើយមកដល់ពេលនេះបើទោះបីជាកាលបរិច្ឆេទនៃការសម្ពោធរបស់ស្មាតហ្វូននេះនៅឡើយនោះទេ។ បើតាមសេចក្តីរាយការណ៌កន្លងមកធ្លាប់បាននិយាយថា ស្មាតហ្វូនជំនាន់ថ្មីនេះ អាចនឹងបង្ហាញខ្លួននៅក្នុងខែនេះហើយ។ គួរបញ្ជាក់ថាកាលពីសប្តាហ៍មុននេះ រូបភាពនៃការឌីស្សាញរបស់ស្មាតហ្វូននេះ ក៏មានការបែកធ្លាយនៅលើបណ្តាញសង្គម Weibo ផងដែរ។
ស្មាតហ្វូនជំនាន់ថ្មី OnePlus 13 នេះ នឹងមានការផ្លាស់ប្តូរទីតាំងនៃកាមេរ៉ានៅខាងក្រោយផងដែរ។ នៅក្នុងព័ត៌មានបែកធ្លាយនេះខាងលើនេះ បានបញ្ជាក់ថា ស្មាតហ្វូនជំនាន់ថ្មីនេះ គឺនឹងមានការភ្ជាប់ជាមួយនឹងពាក្យថា “see you next week” ដែលស្មាតហ្វូននេះ នឹងបង្ហាញខ្លួននៅសប្តាហ៍ក្រោយនេះ។
ស្មាតហ្វូន OnePlus 13 នេះ នឹងមានការបន្ទះអេក្រង់ទំហំ 6.8-អ៊ីងដែលជាកញ្ចក់ BOE X2 LTPO AMOLED display គាំទ្រជាមួយនឹងកម្រិតពន្លឺខ្ពស់ដល់ទៅ 6,000 nits ហើយនិង កម្រិត 1,600 nits នៅលើការទស្សនា high brightness mode (HBM)។ ស្មាតហ្វូនជំនាន់ថ្មីនេះ នឹងមានថាមពលថ្មទំហំ 6,000mAh, មានបច្ចេកវិទ្យា IP68/69 កម្លាំងសាក 100W fast charging ហើយនិងបច្ចេកវិទ្យាសាកឥតខ្សែរ 50W magnetic wireless charging។
បន្ថែមពីនេះទៀតនោះ ស្មាតហ្វូនជំនាន់ថ្មីនេះ នឹងក្លាយជាស្មាតហ្វូនដំបូងបំផុតដែលបំពាក់នូវបន្ទះឈីប Qualcomm Snapdragon 8 Gen 4 ឬ Snapdragon 8 Elite។ នៅក្នុងការតេស្តនៅលើ Benchmarks កន្លងមក បង្ហាញថា បន្ទះឈីបថ្មីនេះ ត្រូវបានគេទម្លាយ នឹងមានសមត្ថភាពអាចយកឈ្នះទៅលើបន្ទះឈីប A18 Pro ដែលប្រើនៅលើ iPhone 16 Pro ទៀតផង។ នៅលើស្មាតហ្វូនជំនាន់ថ្មីនេះ ក៏មានការ Upgrade ប្រព័ន្ធស្កែនម្រាមដៃទៅកាន់ ultrasonic fingerprint sensor ផងដែរ។ បច្ចេកវិទ្យានេះ ក៏មានការប្រើប្រាស់នៅលើស្មាតហ្វូន Samsung Galaxy S24 Ultra និង Pixel 9 Pro ផងដែរ៕
