OPPO Find X8 Series គឺជាស្មាតហ្វូនថ្នាក់ប្រណិតជំនាន់ថ្មី ដែលនឹងមានការប្រកាសចេញនៅលើទីផ្សារនាថ្ងៃទី 24 ខែតុលា ខាងមុខនេះហើយ។ ថ្មីៗនេះបន្ទាប់ពីការធ្វើតេស្តជាមួយនិងឆ្នាំងសាកជំនាន់ថ្មី Dual-Port 120W Charger រួចមក ក្រុមហ៊ុន OPPO បានបញ្ជាក់ពីទំហំថាមពលថ្ម និងរយៈពេលនៃកាន់ថ្មនៅលើស្មាតហ្វូននេះហើយ។ ថាមពលថ្មនេះ គឺមានសមត្ថភាពខ្ពស់ជាងការរំពឹងទុក។ OPPO Find X8 Pro នឹងមានថ្មទំហំ 5910mAh ហើយនិងមានការប្រើប្រាស់នូវបច្ចេកវិទ្យា Glacier Battery Tech ដែលមានទំហំកើនឡើង 18% ទៅលើទំហំ និងកាត់បន្ថយទៅលើកម្រ៉ាស់ 13%។
ជាមួយនិងបច្ចេកវិទ្យាថាមពលថ្មជំនាន់ថ្មី ហើយនិងការបង្កើននូវទំហំថ្មនេះ នឹងផ្តល់អោយស្មាតហ្វូនជំនាន់ថ្មីនេះ នឹងមានសមត្ថភាពខ្ពស់ជាងមុន។ យោងតាមការទម្លាយពីក្រុមហ៊ុន OPPO បានអោយដឹងថា Find X8 Pro អាចទស្សនាវីដេអូDolby Vision HDR video កម្រិត -20℃ បានចំនួន 5.3 ម៉ោង ខណៈ iPhone 16 Pro Max គឺបានរលត់មុន 10 នាទី។ សម្រាប់ការទស្សនាវីដេអូធម្មតាគឺបានរយៈពេល 7.2 ម៉ោងខ្ពស់ជាង iPhone អាចធ្វើបានត្រឹមតែ 5.0 ម៉ោងប៉ុណ្ណោះ។
ស្មាតហ្វូននេះថ្មី ក៏មានសមត្ថភាពខ្ពស់នៅក្នុងការទស្សនាវីដេអូផងដែរ ដោយអាចធ្វើបានដល់ទៅរយៈពេល 29.3 ម៉ោង ប្រៀបធៀបជាមួយនិង iPhone 16 Pro Max គឺអាចធ្វើបានតែ 27.7 ម៉ោងប៉ុណ្ណោះ។ និយាយពីរូបរាងរបស់ Find X8 Pro គឺមានកម្រ៉ាស់ 8.24mm ស្តើងជាង Find X7 Ultra ដែលមានកម្រ៉ាស់ 9.5mm។ សម្រាប់ម៉ូដែលស្តង់ដារគឺមានកម្រ៉ាស់ 8.7mm។ ស្មាតហ្វូនទាំងពីរនេះ គឺមានថ្មទំហំ 5000mAh។
Find X8 Pro មានអេក្រង់ទំហំ 6.78 អ៊ីង ជាអេក្រង់រាបស្មើរ និងមានប៊ូតុង quick-start button នៅជ្រុងខាងស្តាំនៃស្មាតហ្វូន។ Find X8 និង Find X8 Pro គឺជាស្មាតហ្វូនជំនាន់ថ្មី ដែលមានការប្រើប្រាស់នូវបន្ទះឈីប Dimensity 9400។
