ថ្មីៗនេះ ស្មាតហ្វូន realme GT7 Pro ដែលជាម៉ូដែលប្រណិតថ្មីមួយ មានសមត្ថភាពខ្ពស់ និងមានការឌីស្សាញរូបរាងដ៏សំបូ៏របែបនោះ ត្រូវបានក្រុមហ៊ុនប្រកាសជាផ្លូវការណ៌នៅក្នុងប្រទេសចិនហើយ។ នៅថ្ងៃនេះមានដំណឹងថា ស្មាតហ្វូនជំនាន់ថ្មី លំដាប់ថ្នាក់ Flagship ថ្មីនេះ គឺនឹងមានការបង្ហាញខ្លួននៅក្នុងទីផ្សារសកលនៅក្នុងរយៈពេល 3 សប្តាហ៍ខាងមុខនេះផងដែរ។ តាមការបញ្ជាក់ក្នុងប្រភពខាងលើនេះ បាននិយាយថា ស្មាតហ្វូន realme GT7 Pro នេះ នឹងបង្ហាញខ្លួននៅក្នុងប្រទេសឥណ្ឌានាថ្ងៃទី 26 ខែវិច្ឆិកាខាងមុខនេះ។
ផ្អែកតាមរបាយការណ៌ខាងលើនេះ បានបញ្ជាក់ថា realme GT7 Pro គឺនឹងក្លាយជាស្មាតហ្វូនដំបូងបំផុតដែលមានបំពាក់នូវបន្ទះឈីប Snapdragon 8 Elite របស់ក្រុមហ៊ុន Qualcomm នៅក្នុងប្រទេសនេះផងដែរ។ អ្វីដែលមានការចាប់អារម្មណ៍នៅលើស្មាតហ្វូនrealme GT7 Pro គឺការតម្លើងមកថាមពលថ្មធំទំហំ 6,500mAh ហើយនិងមានជាមួយនឹងអេក្រង់កម្រិតពន្លឺ 6,000nits ដ៏អស្ចារ្យបំផុតសម្រាប់នៅលើទីផ្សារស្មាតហ្វូន។
ជាមួយនិងការប្រកាសចេញជាផ្លូវការណ៌នៅលើទីផ្សារប្រទេសចិននាពេលនេះ ស្មាតហ្វូន realme GT7 Pro ថ្មីនេះ គឺមានការភ្ជាប់ជាមួយនឹងស្បែកមុខកម្មវិធី realme UI 6.0 ហើយនិងទ្រទ្រង់នូវប្រព័ន្ធប្រតិបត្តិការថ្មី Android 15 ដែលផ្តល់នូវបទពិសោធន៍នៃការប្រើប្រាស់ដ៏អស្ចារ្យបំផុត។ realme GT7 Pro នឹងមានការប្រកាសចេញជាមួយនិងជម្រើសពណ៌ hero Mars Orange color នេះបើតាមការបង្ហាញនៅលើវិបសាយផ្លូវការណ៌របស់ខ្លួន និងវិបសាយ Amazon India។ ស្មាតហ្វូននេះ មានការដាក់លក់នៅលើទីផ្សារចិនជាមួយតម្លៃ CNY3,599 យ៉ន់ ($505/€465) ប៉ុន្តែសម្រាប់ទីផ្សារសកល អាចនឹងថ្លៃខ្ពស់ជាងនេះ៕
