នៅពេលនេះ មានស្មាតហ្វូន Flagship ជំនាន់ចុងក្រោយជាច្រើន បានប្រកាសចេញនៅលើទីផ្សារប្រទេសចិន ហើយក៏គ្រោងនឹងមានការបង្ហាញខ្លួននៅលើទៅផ្សារសកលផងដែរ។ ស្មាតហ្វូនទាំងនេះ ត្រូវបានគេមើលឃើញថា គឺមានដំណើរការជាមួយនឹងបន្ទះឈីបចុងក្រោយដូចជាបន្ទះឈីប Dimensity 9400 និង Snapdragon 8 Elite។ ជាមួយនិងវត្តមានរបស្មាតហ្វូនថ្មីនេះ គឺនឹងមានការប្រើប្រាស់នូវនិន្នាការមួយទៀត ដែលជាជារឿងដ៏សំខាន់សម្រាប់ស្មាតហ្វូនប្រណិតផងដែរ។
មួយរយៈនេះ ដើម្បីពង្រឹងនូវប្រព័ន្ធសុវត្ថិភាពនៅលើស្មាតហ្វូន Flagship របស់ខ្លួននោះ ក្រុមហ៊ុននិមួយៗ បានងាកមកបំពាក់នូវប្រព័ន្ធស្កេនក្រយ៉ៅដៃ Ultrasonic Fingerprint Scanners នៅលើស្មាតហ្វូនថ្មីៗរបស់ខ្លួនគ្រប់ៗគ្នា។ ថ្មីៗនេះមានដំណឹងថា ស្មាតហ្វូន Mate 70 Series របស់ក្រុមហ៊ុន Huawei ក៏អាចនឹងបំពាក់នូវបច្ចេកវិទ្យាស្កែនម្រាមដៃថ្មី Ultrasonic Fingerprint Scanners នេះផងដែរ។
យោងតាមព័ត៌មានថ្មីមួយដែលចេញពីអ្នកទម្លាយ Smart Pikachu ដែលបានបង្ហោះនៅលើ Weibo បានបញ្ជាក់ថា ស្មាតហ្វូនជំនាន់ថ្មី Mate 70 series នេះនឹងប្រើប្រាស់នូវប្រព័ន្ធស្កេនក្រយ៉ៅដៃ Ultrasonic Fingerprint Scanners ដែលស្រដៀងគ្នាទៅនឹងស្មាតហ្វូន OnePlus 13 ផងដែរ។ លោក Smart Pikachu បានអះអាងថា ស្មាតហ្វូន Huawei Mate 70 អាចនឹងបំពាក់នូវបច្ចេកវិទ្យានេះ ដើម្បីបង្កើនទៅលើប្រព័ន្ធសុវត្ថិភាពកាន់តែប្រសើរ។ ស្មាតហ្វូនត្រកូល Ultra អាចនឹងបង្ហាញខ្លួននៅឆ្នាំក្រោយនេះ ហើយក៏នឹងបំពាក់នូវប្រព័ន្ធ Ultrasonic Fingerprint Scanners របស់ក្រុមហ៊ុន Qualcomm នេះផងដែរ។
គួររំលឹកផងដែរថា ស្មាតហ្វូនត្រកូល Ultra-Series នេះ នឹងបង្ហាញខ្លួននៅក្នុងពេលប៉ុន្មានខែខាងមុខនេះ។ ស្មាតហ្វូនទាំងននេះ គឺមានស្មាតហ្វូនថ្មីៗមួយដូចជា OPPO Find X8 Ultra, Xiaomi 15 Ultra, Samsung Galaxy S25 Ultra និង vivo X200 Ultra ផងដែរ។ វាអាចនឹងមានស្មាតហ្វូនត្រកូល Ultra ជាច្រើនទៀតដែលនឹងប្រើប្រាស់នូវបច្ចេកវិទ្យានេះផងដែរ។ ព័ត៌មាននេះត្រូវបានចែករំលែកនៅលើការបង្ហោះនៅលើ Weibo ។
ថ្មីៗនេះ ទម្រង់នៃរូបរាងកាមេរ៉ារបស់ស្មាតហ្វូន Huawei Mate 70 Series ក៏ត្រូវបានទម្លាយនៅលើអ៊ីនធឺណិតផងដែរ។ វាក៏មានពាក្យចចាមអារ៉ាមជាច្រើនទម្លាយថា ស្មាតហ្វូន Huawei Mate 70 អាចនឹងបំពាក់នូវ Dual OS ផងដែរ។ សម្រាប់ប្រព័ន្ធប្រតិបត្តិការគោលរបស់វាគឺ HarmonyOS Next និងមួយទៀតគឺ Android ៕
