ក្រុមហ៊ុន realme បានត្រៀមខ្លួនក្នុងការប្រកាសបង្ហាញនូវស្មាតហ្វូន GT 7 Pro របស់ខ្លួននៅក្នុងប្រទេសចិន នៅថ្ងៃទី 4 ខែវិច្ឆិកាខាងមុខនេះ ហើយនៅការប្រកាសសម្រាប់ទីផ្សារសកល អាចនឹងធ្វើឡើងនៅចុងខែនេះ។ ដើម្បីធ្វើការឃោសនាទៅលើស្មាតហ្វូននេះអោយកាន់តែមានការចាប់អារម្មណ៌ថែមទៀតនោះ ក្រុមហ៊ុន realme ក៏បានចាប់ផ្តើមធ្វើការសាកល្បងពិនិត្យមើលទៅលើសមត្ថភាពទៅលើស្មាតហ្វូននេះមួយចំនួនផងដែរ។ ស្មាតហ្វូន GT 7 Pro នឹងក្លាយជាស្មាតហ្វូនមុនគេនៅក្នុងទីផ្សារសកលដែលបំពាក់នូវបន្ទះឈីប Snapdragon 8 Elite ដែលមានការគាំទ្រជាមួយនឹង Oryon Cores របស់ក្រុមហ៊ុន Qualcomm។
បន្ទះឈីប SoC ថ្មីនេះ អាចនឹងមានឈ្មោះហៅថា Snapdragon 8 Gen 4។ ដូច្នេះតាមរយៈនៃការធ្វើអោយហ្វេនៗមានការពញចិត្តននោះ ក្រុមហ៊ុននេះ ក៏បានធ្វើការកែប្រែទៅលើឈ្មោះរបស់បន្ទះឈីបនេះ នៅនាទីចុងក្រោយផងដែរ។ មុននេះ បើតាមការបញ្ជាក់នៅលើស្មាតហ្វូនមួយគ្រឿងដែលបានផ្ញើរទៅកាន់ Android Authority គឺមានបិទនូវស្លាកឈ្មោះបន្ទះឈីប ថា គឺជាបន្ទះឈីប Snapdragon 8 Gen 4 ។ ក្រុមហ៊ុន realme ក៏បានបញ្ជាក់ថា ក្រុមហ៊ុន Qualcomm បានជូនដំណឹងទៅកាន់ពួកគេអំពីការផ្លាស់ប្តូរឈ្មោះនេះប៉ុន្មានថ្ងៃមុនព្រឹត្តិការណ៍ Snapdragon Summit ប៉ុណ្ណោះ។
អ្វីដែលគួរអោយចាប់អារម្មណ៍នោះ អ្នកទម្លាយ Digital Chat Station ក៏ធ្លាប់បង្ហើបថាវាអាចនឹងមានការផ្លាស់ប្តូរឈ្មោះផងដែរកាលពីដើមខែតុលានេះ។យ៉ាងណាមិញ ក្រុមហ៊ុន Qualcomm ហាក់ដូចជាមិនមានសកម្មភាពអ្វីទាំងអស់រហូតដល់នាទីចុងក្រោយមុនការប្រកាសជាផ្លូវការ។ នៅក្នុងការសម្រេចចិត្តចុងក្រោយនេះបានធ្វើអោយក្រុមហ៊ុន realme មិនមានពេលគ្រប់គ្រាន់ក្នុងការព្រីនឡើងវិញទៅលើឈ្មោះនៃបន្ទះឈីបនេះនៅលើសម្បករបស់ស្មាតហ្វូននេះ។
យ៉ាងណាមិញ អ្នកតំណាងរបស់ក្រុមហ៊ុននេះបញ្ជាក់ថា ការផលិតទ្រង់ទ្រាយធំទៅលើប្រអប់របស់ស្មាតហ្វូននេហនឹងមានពាក្យថា “Snapdragon 8 Elite” ។ នៅមិនទាន់ច្បាស់នោះទេថា ក្រុមហ៊ុនស្មាតហ្វូនជាច្រើនទៀត ក៏អាចនឹងប្រឈមទៅនឹងបញ្ហាដូចគ្នាដែរទេទៅលើការផ្លាស់ប្តូរឈ្មោះនេះ។ សម្រាប់ក្រុមហ៊ុន realme ក៏បានត្រៀមនូវស្មាតហ្វូនសម្រាប់ធ្វើការតេស្តសាកល្បងលឿនជាងក្រុមហ៊ុនផ្សេងទៀតនោះ។ ស្មាតហ្វូន GT 7 Pro អាចនឹងក្លាយជាស្មាតហ្វូនមុនគេដែលបំពាក់នូវបន្ទះឈីប Snapdragon 8 Elite នេះ៕
