ស្មាតហ្វូន OnePlus 13 ដែលដំណើរការជាមួយនឹងបន្ទះឈីបថ្មី Snapdragon 8 Elite SoC (3nm) បានបង្ហាញខ្លួនថ្មីៗនេះ គឺបានឡើងឈរនៅកំពូលតារាងរបស់ស្មាតហ្វូន Flagship នៅលើបញ្ជី AnTuTu សម្រាប់ខែតុលាកន្លងទៅ។ ស្មាតហ្វូន OnePlus 13 នេះ គឺមានពិន្ទុចំនួន 2,926,644 ដែលមានការតាមពីក្រោយដោយស្មាតហ្វូន iQOO 13 ដែលមានពិន្ទុ 2,906,489 ។ សម្រាប់ស្មាតហ្វូន vivo X200 Pro Satellite Communication Edition ដែលបំពាក់នូវបន្ទះឈីប MediaTek Dimensity 9400 ជាប់ចំណាត់ថ្នាក់លេខ 3 ជាមួយនឹងពិន្ទុ 2,843,812 ។
នៅក្នុងបញ្ជីសម្រាប់ខែតុលានេះ ក៏មានស្មាតហ្វូន Find X8 Pro និង Find X8 ដែលបំពាក់នូវបន្ទះឈីប Dimensity 9400 ក៏មានពិន្ទុរៀងគ្នាគឺ 2,842,922 និង 2,814,445។ ស្មាតហ្វូន Vivo X200 និង Xiaomi 15 Pro ក៏ស្ថិតនៅក្នុងបញ្ជីនេះផងដែរ។
អ្វីដែលគួរអោយចាប់អារម្មណ៍នោះ ស្មាតហ្វូន iQOO Neo 9S Pro+ គឺជាម៉ូឌែលតែមួយគត់នៅក្នុងបញ្ជីនេះដែលប្រើប្រាស់នូវបន្ទះឈីប Snapdragon 8 Gen 3 ជំនាន់ចុងក្រោយគេបំផុតនោះ។ ស្មាតហ្វូន OnePlus 13 នេះមានអេក្រង់ទំហំ 6.82-អ៊ីង កម្រិត 2K គាំទ្រជាមួយនឹងកញ្ចក់ភ្លឺច្បាស់អាចប្រើប្រាស់នៅខាងក្រៅបានយ៉ាងរលូន។
នៅលើស្មាតហ្វូននេះ ក៏មានការបំពាក់នូវថាមពលថ្មទំហំធំដល់ទៅ 6000mAh ជាមួយនឹងបច្ចេកវិទ្យាសាកថ្មលឿន 100W fast charging ដែលអ្នកប្រើប្រាស់អាចរីករាយបាននៅក្នុងការសាកថ្មថែមទៀត។ ស្មាតហ្វូននេះ ក៏មានប្រព័ន្ធកាមេរ៉ាកម្រិតខ្ពស់ជាមួយនឹងសិនស័រគោល 50MP Sony LYT-808 primary sensor របស់ក្រុមហ៊ុន Hasselblad ដែលជាអ្នកជំនាញខាងថតរូបភាពថែមទៀតផង។ ប្រព័ន្ធកាមេរ៉ានេះ ក៏មានសិនស័រ 50MP 3x periscope telephoto និង 50MP sensor ultrawide ផងដែរ។ ស្មាតហ្វូន OnePlus 13 នេះ មានការបំពាក់នូវ IP68/69 សម្រាប់ការពារធូលី ការជ្រាបទឹក និងបន្ទះឈីប Snapdragon 8 Elite SoC៕
