ស្មាតហ្វូនស៊េរីថ្មី Honor 300 series ដែលមនុស្សជាច្រើនទន្ទឹងរង់ចាំនោះ មកដល់ពេលនេះ នៅតែបន្តបែកធ្លាយព័ត៌មានជាបន្តបន្ទាប់ ហើយពេលនេះ លក្ខណៈសម្បត្តិជាច្រើនរបស់ស្មាតហ្វូន Honor 300 ក៏ត្រូវបានគេទម្លាយចេញផងដែរ ។ ស្មាតហ្វូន Honor 300 នេះ គឺជាម៉ូដែលថ្មី ដែលមានតម្លៃសមរម្យជាមួយនឹងមុខងារពិសេសៗជាច្រើន។ ស្មាតហ្វូន Honor 300 នេះ នឹងមានកាមេរ៉ាភ្លោះខាងក្រោយទំហំ 50MP ដែលទំនងជាផ្តល់អោយអ្នកប្រើប្រាស់ជាច្រើនអាចថតរូបភាពកាន់តែអស្ចារ្យ។
បើតាមការបញ្ចាក់របស់អ្នកទម្លាយខាងលើនេះ ស្មាតហ្វូនជំនាន់ថ្មីនេះ នឹងបំពាក់នូវគែមផ្លាស្ទិក និងសេនស័រស្កេនក្រយ៉ៅដៃ Optical Fingerprint Sensor សម្រាប់ដោះសោរថែមទៀតផង។ បើនិយាយអំពីកម្លាំងម៉ាស៊ីនរបស់ស្មាតហ្វូននេះ ស្មាតហ្វូន Honor 300 នេះ នឹងមានបន្ទះឈីប Snapdragon 7 Series ដែលផ្តោតទៅលើ Efficiency និង Performance សម្រាប់ស្មាតហ្វូនថ្នាក់កណ្តាលនេះ។ បន្ថែមពីនេះ ស្មាតហ្វូននេះក៏មានបច្ចេកវិទ្យាសាកថ្មលឿន 100W Fast Charging ផងដែរ។ ស្មាតហ្វូនថ្មីនេះ មានការឌីស្សាញរូបរាងស្លីមជាមួយនឹងកម្រាស់ត្រឹមតែ 6.97mm ។
ស្មាតហ្វូននេះ មាន 4 ទំហំគឺ 8GB+256GB, 12GB+256GB, 12GB+512GB និង 16GB+512GB។ សូមជំរាបថា ក្រុមហ៊ុន Honor ទើបតែបញ្ជាក់ជាផ្លូវការថា ស្មាតហ្វូន Honor 300 series ថ្មីនេះ នឹងមានការឌីស្សាញអេក្រង់រាបស្មើ។ ស្មាតហ្វូន Honor 300 នេះ គឺមាន 4 ពណ៌ដ៏ស្រស់ស្អាតគឺ Luyan Purple, Chaka Green, Yulong Snow និង Cangshan Gray ។ ស្មាតហ្វូននេះក៏មានការឌីស្សាញ “wilderness porthole” កាន់តែទាក់ទាញថែមទៀតផង។
គួរបញ្ជាក់ផងដែរថា ស្មាតហ្វូន Honor 300 series ទទួលបាននូវវិញ្ញាបនបត្រ 3C នៅក្នុងប្រទេសចិនជាមួយនឹងបច្ចេកវិទ្យាសាកថ្មលឿន 100W fast charging ។ បច្ចេកវិទ្យា wireless charging នឹងប្រើប្រាស់នៅលើស្មាតហ្វូនម៉ូឌែល Pro ហើយវានៅមិនទាន់ច្បាស់ទេថាបច្ចេកវិទ្យានេះ នឹងប្រើប្រាស់នៅលើស្មាតហ្វូន Standard Version ដែរឬយ៉ាងណា៕
