នៅថ្ងៃនេះ មានការទម្លាយចេញនូវរូបភាពផ្លូវការណ៌របស់ស្មាតហ្វូនជំនាន់ថ្មី vivo S20 series ហើយ ដែលនេះគឺជារូបភាពដំបូងបំផុតរបស់ស្មាតហ្វូននេះត្រូវបានគេប្រទះឃើញនៅលើអនឡាញ។ បើតាមការបញ្ជាក់ពីលោក Jia Jingdong ដែលជាប្រធានផ្នែកផលិតផលរបស់ក្រុមហ៊ុន vivo ប្រចាំនៅប្រទេសចិន នឹងជាអ្នកដែលបានទម្លាយនូវរូបភាពនេះ គឺបាននិយាយថា ស្មាតហ្វូនថ្មីនេះមានពីរម៉ូដែលរួមមាន vivo S20 និង vivo S20 Pro ។
ការឌីស្សាញរូបរាងស្មាតហ្វូននេះ ត្រូវបានគេនិយាយថា គឺមានការច្នៃប្រឌិតដូចគ្នាជាមួយនិង vivo S19 Series អញ្ចឹងដែរ។ សម្រាប់ស្មាតហ្វូន vivo S20 Pro គឺការតម្លើងនូវប្រព័ន្ធកាមេរ៉ា Periscope សម្រាប់សិនស័រTelephoto ហើយនៅលើស្មាតហ្វូននេះ គឺនឹងមានការបំពាក់នូវបន្ទះឈីប Dimensity 9300+ រួមជាមួយនិងអេក្រង់ជំនាន់ថ្មី BOE Q10 OLED screen ថែមទៀតផង។
ជាមួយនិងរូបភាពខាងលើនេះដែរ គឺមានការបង្ហាញចេញជាមួយនិង Qinwen Zheng ដែលជាកីឡាការនីវាយកូនបាល់ ដែលទទួលបាននូវមេដាយមាសនៅក្នុងព្រឹត្តិការណ៌ 2024 Olympics នៅទីក្រុងប៉ារីសប្រទេសបាទរាំងថ្មីៗនេះ។ ស្មាតហ្វូនដែលកាន់ដោយតារាល្បីរូបនេះ គឺមាន 2 ណ៌។ បើតាមការបញ្ជាក់ពីលោក Jia បាននិយាយថា ពណ៌នេះហៅថា “texture of gold silk និង phoenix feathers.”
បន្ថែមពីនេះនៅលើរូបភាពនេះ ក៏ថែមទាំងមានការបញ្ជាក់ថា ស្មាតហ្វូនម៉ូដែល Pro មានមកាមេរ៉ា 3 គ្រាប់ ខណៈដែលម៉ូដែលស្តង់ដារ S20 មានកាមេរ៉ាតែ 2 គ្រាប់ប៉ុណ្ណោះ។ នៅលើស្មាតហ្វូនទាំងពីរនេះ គឺនឹងមានការតម្លើងនូវ Aura Light ring LED សម្រាប់ជំនួយដល់ការថត Portrait ដូចគ្នា។ សូមជំរាបថា សម្រាប់ស្មាតហ្វូននេះ S20 series នេះ គឺមានលក់នៅលើទីផ្សារប្រទេសចិនប៉ុណ្ណោះ។ ចំពោះទីផ្សារសកលគឺនឹងមានការប្តូរឈ្មោះមក V Series វិញ។
