នៅក្នុងកំឡុងកម្មវិធីកក់ទុកមុនទៅលើស្មាតហ្វូនបត់បាន Huawei Mate X6 ក៏បានទម្លាយនូវលក្ខណៈសម្បត្តិមួយចំនួនរបស់ស្មាតហ្វូនបត់បាននេះដែលបូករួមទាំងជម្រើសពណ៌ដែលប្រើប្រាស់នៅលើស្មាតហ្វូនថ្មីផងដែរ។ សម្រាប់ការឌីស្សាញស្មាតហ្វូនអេក្រង់បត់ថ្មីនេះ មើលទៅគឺបង្ហាញថាមិនសូវការផ្លាស់ប្តូរច្រើនបើធៀបទៅនឹងម៉ូដែល។ ប៉ុន្តែ សម្រាប់ពណ៌ថ្មីរបស់ស្មាតហ្វូននេះ គឺពិតជាទាក់ទាញភ្នែកខ្លាំងមែនទែន។
ដូចគ្នាទៅនឹងស្មាតហ្វូន Mate X5 ផងដែរ ស្មាតហ្វូនបត់បានជំនាន់ថ្មីនេះ គឺមានពណ៌ថ្មីចំនួន 5 ។ សម្រាប់ពេលនេះ ក្រុមហ៊ុននេះ ក៏បានជំនួសនូវពណ៌ Purple, Dark Green និង Gold ជាមួយនឹងពណ៌ថ្មីយ៉ាងទាក់ទាញផងដែរ។ សម្រាប់ពណ៌ថ្មីនៅលើស្មាតហ្វូនបត់បាននេះ គឺពិតជាមានភាពស្រស់ស្អាតមែនទែន។ តាមការចាប់ផ្តើមកក់ទិញទៅលើស្មាតហ្វូន Huawei Mate X6 នេះ នៅលើ VMall នៅពេលនេះ ក្រុមហ៊ុន Huawei នឹងមានផ្តល់នូវជម្រើសពណ៌ថ្មីចំនួន 5។
សម្រាប់ពណ៌ផ្សេងទៀតគឺ Gray, Blue និង Red។ ពណ៌ទាំងប្រាំរួមមាន Nebula Gray, Nebula White, Obsidian Black, Universal Red និង Deep Sea Blue។ នៅក្នុងព័ត៌មានមុននេះ បាននិយាយថា សម្រាប់ពណ៌ Gray និង White របស់ស្មាតហ្វូននេះ គឺមានកញ្ចក់នៅខាងក្រោយ។ សម្រាប់ពណ៌ផ្សេងទៀតរបស់ស្មាតហ្វូននេះ គឺប្រើប្រាស់នូវស្បែកនៅខាងក្រោយ។ រូបភាពផ្លូវការណ៌នេះក៏មានការបង្ហាញនូវពណ៌ Gray ដេលមានការប្រើប្រាស់នូវ texture ថ្មីនៅលើកញ្ចក់ផងដែរ។ ការឌីស្សាញទម្រង់នេះ គឺពិតជាទាក់ទាញខ្លាំងមែនទែន។
ប្រភពខាងលើនេះបន្តថា ស្មាតហ្វូនអេក្រង់បត់បានថ្មី Mate X6 នេះមាន 3 ទំហំសម្រាប់ធ្វើការជ្រើសរើស។ យើងនឹងឃើញនូវស្មាតហ្វូនថ្មីនេះ នៅថ្ងៃទី 26 ខែវិច្ឆិកាខាងមុខនេះនៅក្នុងព្រឹត្តិការណ៍នៃការសម្ភោធន៍មួយនៅពេលខាងមុខនេះ។ ប្រភពដដែលនេះនិយាយថា ស្មាតហ្វូនថ្មីនេះនឹងតម្លើងមកស្រាប់ជាមួយនឹងប្រព័ន្ធប្រតិបត្តិការ HarmonyOS NEXT software ហើយក៏នឹងបំពាក់នូវបន្ទះឈីប Kirin ថ្មីក្នុងការបង្កើនល្បឿនដ៏ខ្លាំងក្លាថែមទៀតផង។ ស្មាតហ្វូនបត់បានថ្មីនេះ ក៏នឹងមានការបង្កើនភាពធន់ទៅលើការបត់បែនផងដែរ៕
