មួយរយៈចុងក្រោយនេះ បើទោះបីជាមានព័ត៌មានជាច្រើនត្រូវបានបង្ហោះនៅលើបណ្តាញសង្គម និងវិបសាយមួយចំនួនហើយក៏ដោយ សម្រាប់រូបភាពស្មាតហ្វូនជំនាន់ថ្មី Galaxy S25 Ultra គឺនៅមិនទាន់មានការទម្លាយចេញច្បាស់លាស់នៅឡើយទេ។ នៅថ្ងៃនេះ យោងតាមការចែកចាយនូវរូបភាពថ្មីៗចំនួន 2 សន្លឹក នៅលើបណ្តាញសង្គម X របស់អ្នកទម្លាយ @Jukanlosreve ត្រូវបានគេជឿជាក់ថា នេះគឺគំរូ dummy របស់ស្មាតហ្វូន Galaxy S25 Ultra ហើយ ដែលរូបភាពមើលទៅ គឺពិតជាដូចគ្នាទៅនឹងរូបភាពមួយចំនួនដែលគូរនាពេលកន្លងមកអញ្ចឹង។
រូបភាពខាងលើនេះ គឺបានបញ្ជាក់ពីការឌីស្សាញយ៉ាងច្បាស់ថា ស្មាតហ្វូនថ្មីនេះ គឺមានការផ្លាស់ប្តូរគែមជុំវិញ។ ប៉ុន្តែបើតាមអ្នកទម្លាយ @MaxJmb វិញ គឺបាននិយាយថា រូបភាព dummies ទាំងនេះ គឺមើលទៅស្រដៀងគ្នាជាមួយនិងផលិតផលពិតអញ្ចឹង។ លោកបានបន្ថែមថា ស៊ុមកាមេរ៉ាដែលប្រើប្រាស់នៅលើស្មាតហ្វូននេះ គឺខុសគ្នាជាមួយនិងស្មាតហ្វូនពិតប្រាកដ។
សម្រាប់រូបភាពទាំងនេះ Galaxy S25 Ultra អាចជាការកែសម្រួលចេញពីស្មាតហ្វូនមុន ដោយមានភាពខុសគ្នាពីម៉ូដែលមុនតិចតួចក្នុងនោះមានដូចជាបន្ទះអេក្រង់រាបស្មើរ និងមានគែមជុំវិញកោង។ និយាយទៅរូបរាងនេះ គឺប្រហែលគ្នាជាមួយនិងម៉ូដែលស្តង់ដារ និងម៉ូដែល Plus របស់ Galaxy S24 អញ្ចឹង។
សូមជំរាបផងដែរថា កន្លងមក ក៏ធ្លាប់មានសេចក្តីរាយការណ៌ជាច្រើនរួចមកហើយថា ស្មាតហ្វូនជំនាន់ថ្មី Galaxy S25 Ultra នេះ គឺនឹងមានអេក្រង់រាបស្មើរ និងកាមេរ៉ាស្រដៀងគ្នាជាមួយនិង Galaxy S24 Ultra។ ប៉ុន្តែក៏មានការបញ្ជាក់ផ្សេងៗគ្នាដែរថា ប្រព័ន្ធកាមេរ៉ាដែលប្រើប្រាស់នៅលើស្មាតហ្វូន Galaxy S25 Ultra គឺយកលំនាំតាមប្រព័ន្ធកាមេរ៉ាដែលប្រើប្រាស់នៅលើស្មាតហ្វូនអេក្រង់បត់បាន Galaxy Z Fold 6។ យ៉ាងណានេះគ្រាន់តែជាគំរូរូបភាពប៉ុណ្ណោះ សម្រាប់ភាពជាក់លាក់របស់ស្មាតហ្វូន Galaxy S25 Ultra នឹងមានការទម្លាយចេញថ្មីៗឆាប់ៗនេះថែមទៀតហើយ! សូមកុំភ្លេចតាមដានជាមួយគ្នា!
