បន្ទាប់ពីការប្រកាសចេញនៅលើទីផ្សារប្រទេសចិនកាលពីខែតុលាកន្លងទៅនេះ នៅថ្ងៃនេះ ក្រុមហ៊ុន OPPO បានសម្ពោធជាផ្លូវការណ៌ស្មាតហ្វូនជំនាន់ថ្មី Find X8 និង Find X8 Pro នៅលើទីផ្សារសកលហើយ ដោយក្នុងនោះបូករួមទាំងទីផ្សារប្រទេសឥណ្ឌាផងដែរ។ ស្មាតហ្វូនជំនាន់ថ្មីទាំងពីរនេះ គឺជាម៉ូដែលប្រណិត ដែលត្រូវបានក្រុមហ៊ុនធ្វើការឌីស្សាញរូបរាងថ្មីបែបស៊ីវីល័យបំផុត ដើម្បីប្រកួតប្រជែងនៅលើទីផ្សារស្មាតហ្វូនថ្នាក់ប្រណិតនៅពេលខាងមុខនេះ។
ស្មាតហ្វូនថ្មីនេះ មានការតម្លើងមកជាស្រេចនូវប្រព័ន្ធ AI-integrated cameras និងមានការបំពាក់នូវបន្ទះឈីប MediaTek Dimensity 9400 រួមជាមួយនិងអេក្រង់ប្រភេទ AMOLED displays ថែមទៀតផង។ Find X8 មានអក្រង់ទំហំតូចត្រឹមតែ 6.59 អ៊ីងបង្ហាចេញបានទំហំ 2760×1256 pixels ខណៈដែលម៉ូដែល Pro មានអេក្រង់ទំហំធំដល់ទៅ 6.78 អ៊ីងបង្ហាញចេញបានទំហំ 2780×1264 pixels។ អេក្រង់របស់ស្មាតហ្វូនជំនាន់ថ្មីទាំង 2 នេះ គឺរត់នៅលើល្បឿន 120Hz refresh rate ហើយនិងផ្តល់នូវការបញ្ជាទៅលើអេក្រង់មានរលូន ក៏ដូចជាការលេងហ្គេមបានកាន់តែពិសេសជាងមុន។ បន្ទះអេក្រង់ស្មាតហ្វូនទាំងពីនេះ គឺមានកម្រិត 800nits ទៅលើ manual mode និង 1600nits ទស្សនានៅក្រោមពន្លឺថ្ងៃ under direct sunlight (HBM) ហើយនិង 4500nits ទៅលើការទស្សនាកម្រិត HDR content (1%APL)។
សម្រាប់ការឌីស្សាញវិញ នៅលើស្មាតហ្វូន Find X8 គឺមានកម្រ៉ាស់ស្តើង និងមានទំហំ 157.35×74.33×7.85 mm ហើយនិងមានទម្ងន់ 193 grams។ ចំពោះម៉ូដែល Pro គឺមានទំហំខ្លួនធំជាងគឺ 162.27×76.67× 8.24 mm, ដោយម៉ូដែល Pearl White មានកម្រ៉ាស់ 8.34 mm និងមានទម្ងន់ 215 grams ។ ស្មាតហ្វូនជំនាន់ថ្មីទាំងពីរនេះ គឺមានការបំពាក់នូវបច្ចេកវិទ្យាការពារទឹក និងធូលី IP68/69។
ស្មាតហ្វូនជំនាន់ថ្មី ដំណើរការនៅលើបន្ទះឈីប MediaTek Dimensity 9400 និងជាស្មាតហ្វូនប្រភេទ Android លឿនជាងគេនៅឆ្នាំ 2024 ផងដែរ។ សម្រាប់ Find X8 គឺមានរ៉េមទំហំ 12GB ឬ 16GB LPDDR5X RAM ហើយនិងមានអង្គចងចាំទំហំ 256GB ឬ 512GB ខណៈដែលម៉ូដែល Pro នឹងរ៉េមទំហំ 16GB និង 512GB។ ស្មាតហ្វូនទាំងពីរនេះរត់នៅលើ ColorOS 15 ផ្អែកជាមួយ Android 15។ ជាមួយនិងវត្តមានរបស់ Find X8 series នេះ នឹងមានការនាំមកនូវបទពិសោធន៌ថ្មីៗជាច្រើនសម្រាប់ការប្រើប្រាស់។ សម្រាប់ការតភ្ជាប់វិញនៅលើស្មាតហ្វូននេះ គឺមានការប្រើប្រាស់ dual SIM, Bluetooth 5.4, Wi-Fi 7 និង AI LinkBoost ខណៈដែល Pro នឹងមានការតម្លើងនូវ USB 3.2 Gen1 និង studio-grade microphones សម្រាប់ការថតសម្លេងផងដែរ។
និយាយពីកាមេរ៉ានៅលើស្មាតហ្វូនជំនាន់ថ្មី OPPO Find X8 Series មានការតម្លើងនូវប្រព័ន្ធកាមេរ៉ាថ្មី Hasselblad Master Camera System ដែលមានការគាំទ្រដោយបច្ចេកវិទ្យាថ្មី ជំនួយដល់ការថតរូប និងវីដេអូថែមទៀទផង។ Find X8 មានកាមេរ៉ា 3 គ្រាប់ ដោយកាមេរ៉ាគោលមានទំហំ 50MP Sony LYT700 មានមុខងារ OIS និងគ្រាប់ទីពីរមានទំហំ 50MP ultra-wide មានមុខងារ Autofocus ខណៈដែលគ្រាប់ទីបីមានទំហំ 50MP telephoto lens គាំទ្រការហ៊្សូម 3x optical zoom។
ចំពោះម៉ូដែល Pro វិញ គឺមានកាមេរ៉ា 4 គ្រាប់ ដោយកាមេរ៉ា 4 គ្រាប់ ដោយកាមេរ៉ាគោលមានទំហំ 50MP Sony LYT808 មានកម្រិត f/1.6 aperture និង 2 គ្រាប់ទៀតជា telephoto lenses ដែលមួយគ្រាប់មានទំហំ 50MP Sony LYT600 និងមួយគ្រាប់ទៀតមានទំហំ 50MP Sony IMX858 នឹងមានការគាំទ្រមុខងារ OIS ដូចគ្នា។ ប្រព័ន្ធកាមេរ៉ានេះ គឺមានការតម្លើងមកជាមួយនូវបច្ចេកវិទ្យា advanced AI zoom រួចជាស្រេច។ ស្មាតហ្វូនជំនាន់ថ្មីទាំងពីរនេះ គឺមានកាមេរ៉ាមុខទំហំ 32MP Sony IMX615 មានសមត្ថភាពខ្ពស់នៅក្នុងការថតរូប និងថតវីដេអូ បានគុណភាពខ្ពស់បំផុត។
Find X8 មានថ្មទំហំ 5,630mAh ខណៈដែលម៉ូដែល Pro មានទំហំ 5,910mAh។ ស្មាតហ្វូនទាំងពីរនេះ មានការគាំទ្រនូវបច្ចេកវិទ្យាសាក 80W SUPERVOOC wired charging និង 50W AIRVOOC wireless charging, ក៏ដូចជា 10W reverse wireless charging ផងដែរ។
Find X8 មានតម្លៃចាប់ពី ₹69,999 ទៅលើទំហំ 12GB-256GB និងទំហំ 16GB-512GB មានតម្លៃ ₹79,999។ សម្រាប់ម៉ូដែល Find X8 Pro មានតែមួយទំហំ 16GB-512GB មានតម្លៃ ₹99,999។ Find X8 មានជម្រើសពណ៌ Star Grey និង Space Black ខណៈដែលម៉ូដែល Pro មានពណ៌ Space Black និង Pearl White។
