បន្ទាប់ពីការប្រកាសចេញនៅលើទីផ្សារប្រទេសចិនអស់រយៈពេល 2 សប្តាហ៌រួចមក នៅថ្ងៃនេះ ក្រុមហ៊ុន Huawei បានប្រកាសដាក់សម្ពោធជាផ្លូវការណ៌នូវស្មាតហ្វូនអេក្រង់បត់បានជំនាន់ថ្មី Mate X6 នៅលើទីផ្សារសកលហើយ។ ស្មាតហ្វូននេះ បានក្លាយជាម៉ូដែលថ្មីមួយទៀត ដែលមកជំនួសកន្លែង Mate X5 ដែលបានលក់ផ្តាច់មុនតែនៅលើទីផ្សារប្រទេសចិននាពេលកន្លងមក។ សម្រាប់ម៉ូដែលថ្មីនេះ គឺមានការពង្រីកទំហំថ្មធំជាងមុន និងមានការពង្រឹងទៅលើប្រព័ន្ធកាមេរ៉ាថតរូបមានកម្រិតខ្ពស់ជាងមុនទៀតផង។
ជាមួយនិងវត្តមាននៅលើទីផ្សារសកលនៅពេលនេះ ស្មាតហ្វូនអេក្រង់បត់បាន Mate X6 ថ្មីនេះ គឺមានការប្រើប្រាស់នូវជម្រើសពណ៌ Nebula Gray, Nebula Red និង Black colors។ ស្មាតហ្វូននេះមានកម្រាស់ស្តើងត្រឹមតែ 4.6mm នៅពេលដែលលាតពេញ និងកម្រ៉ាស់ 9.9mm នៅពេលដែតបត់អេក្រង់ចូលគ្នា។ នៅលើស្មាតហ្វូននេះ ក៏មានការគាំទ្រនូវបច្ចេកវិទ្យាការពារទឹកកម្រិត IPX8 water resistance ផងដែរ។
ស្មាតហ្វូនអេក្រង់បត់បាន Mate X6 ថ្មីនេះ មានអេក្រង់ខាងក្នុងទំហំ 7.93 អ៊ីង LTPO OLED គាំទ្រនូវទំហំ 2,440x2,240 px មានកម្រិតពន្លឺ 1,800nits ខណៈដែលអេក្រង់ខាងក្រៅមានទំហំ 6.45 អ៊ីង LTPO OLED បង្ហាញចេញបាន FHD+ កម្រិតពន្លឺ 2,500nits ហើយនិងមានការគាំាទ្រដោយអេក្រង់រឹងមាំជំនាន់ទី 2 របស់ Kunlun Glass ទៀតផង។
ស្មាតហ្វូនអេក្រង់បត់បានថ្មីនេះ មានកាមេរ៉ាគោលទំហំ 50MP ទ្រទ្រង់ជាមួយនូវសិនស័រ RYYB និងមានកម្រិត f/1.4-f/4.0 variable aperture ហើយនិងមានគ្រាប់ទីពីរមានទំហំ 48MP periscope telephoto គាំទ្រការហ៊្សូមបាន 4X optical zoom និងអាចថត 5cm super macro mode បានទៀតផង។ ចំពោះគ្រាប់ទីបីមានទំហំ 40MP ultrawide មានមុខងារAutofocus។ បន្ថែមពីនេះ ក្រុមហ៊ុន Huawei ក៏មានបន្ថែមមុខងារ Ultra Chroma Camera ដែលអាចចាប់រូបភាពបានកម្រិត 1.5 million spectral channels ជាមួយនិងកម្រិតពណ៌ធម្មជាតិស្រស់ស្អាតងទៀតផង។
បើទោះបីជាមិនមានការបញ្ជាក់ពីបន្ទះឈីបក៏ដោយ យោងតាមរបាយការណ៌ថ្មីៗនេះ បាននិយាយថា ស្មាតហ្វូនថ្មីនេះ គឺមានការប្រើប្រាស់នូវបន្ទះឈីប Kirin 9020 ដែលធ្លាប់ប្រើប្រាស់នៅលើស្មាតហ្វូន Mate 70 series ផងដែរ។ បន្ទះឈីបនេះ គឺមានការប្រើប្រាស់នូវ 12-Core CPU គាំទ្រជាមួយនូវ 2x prime cores ល្បឿន 2.5GHz និង 6x middle cores ល្បឿន 2.1GHz ហើយនិងមាន 4x efficiency cores ល្បឿន 1.6GHz។ ចំពោះ GPU វិញ គឺមានការគាំទ្រដោយ Maleoon 920 ល្បឿន 840 MHz។
ស្មាតហ្វូនថ្មីនេះ គឺរត់នៅលើស្បែកមុនខកម្មវិធី EMUI 15 និងមានថ្ម Silicon-Carbon ទំហំ 5110 mAh គាំទ្រដោយកម្លាំងសាក 66W wired និងបច្ចេកវិទ្យាសាកឥតខ្សែរ 50W wireless ហើយនិង 7.5W reverse wireless charging។សម្រាប់តម្លៃស្មាតហ្វូនដែលមានទំហំ 12GB/512GB មានតម្លៃ €1,999 នឹងមានលក់ជាផ្លូវការណ៌នៅថ្ងៃទី 6 ខែមករាឆ្នាំក្រោយនេះ។
