vivo X200 និង vivo X200 Pro គឺជាស្មាតហ្វូនជំនាន់ថ្មីមួយទៀតរបស់ក្រុមហ៊ុន vivo ដែលបានបង្ហាញវត្តមានជាលើកដំបូងនៅលើទីផ្សារប្រទេសចិនកាលពីខែតុលាកន្លងទៅនោះ នៅថ្ងៃនេះ មានការដាក់សម្ពោធជាផ្លូវការណ៌នៅលើទីផ្សារប្រទេសឥណ្ឌាថែមទៀតហើយ។ ស្មាតហ្វូន vivo X200 គឺមានការបង្ហាញវត្តមានជាមួយនិងជម្រើសពណ៌ Natural Green និង Cosmos Black ហើយនិងមានជម្រើសពីរទំហំគឺ 12GB/256GB និង16GB/512GB ព្រមទាំងមានតម្លៃ INR65,999 ($780/€740) និង INR71,999 ($850/€810)។
ចំពោះម៉ូដែល vivo X200 Pro វិញ ក៏មានជម្រើសពណ៌ Cosmos Black color ផងដែរ ដោយអមមកជាមួយនូវពណ៌ Titanium Grey។ សម្រាប់វត្តមានរបស់ស្មាតហ្វូនម៉ូដែល Pro ជាមួយនិងពណ៌ច្រើននៅពេលនេះ ត្រូវបានគេបញ្ជាក់ថា គឺជាលើកទី 1 ហើយសម្រាប់ទីផ្សារឥណ្ឌា ពីព្រោះថា កន្លងមកសម្រាប់ការប្រកាសចេញ X80 Pro, X90 Pro និង X100 Pro គឺមានការបង្ហាញខ្លួនជាមួយពណ៌ខ្មៅតែមួយប៉ុណ្ណោះ។ មានការបញ្ជាក់ថា ស្មាតហ្វូន vivo X200 Pro គឺមានជម្រើសទំហំ 16GB/512GB និងមានតម្លៃ INR94,999 ($1,120/€1,065)។
បើតាមការបញ្ជាក់ពីក្រុមហ៊ុន vivo បានអោយដឹងថា ស្មាតហ្វូន vivo X200 និង vivo X200 Pro គឺមានការដាក់ pre-orders ហើយ ដោយការលក់ផ្លូវការណ៌ នឹងធ្វើឡើងនៅថ្ងៃទី 19 ខែធ្នូ នៅលើ vivo's online store, Flipkart, Amazon.in រួមនិងហាងលក់រាយជាច្រើនទៀត។ vivo X200 និង X200 Pro ដំណើរការនៅលើបន្ទះឈីប Dimensity 9400 SoC រត់នៅលើប្រព័ន្ធប្រតិបត្តិការ Android 15 ផ្អែកលើស្បែកមុខកម្មវិធី Funtouch OS 15 និងមានការអាប់ដែតរយៈ 4 ឆ្នាំ ទៅលើ Android version និង 5 ឆ្នាំ ទៅលើប្រព័ន្ធសុវត្ថិភាព។
